Čačepangre 4:19 - O Debleskro Lab 2024 (Sinte-Manouche)

¹⁹ Oun yob penas ap late: “De man i čaro pani te piyell! Man hi troush!” Kote kras li i ledertikri toushni pre, kay thoud dren hi, oun das les te piyell. Oun čakras pale i plarhta pral leste.

O Debleskro Drom 2021 (Sinte)

¹⁹ Un job penas ap late: “De man i tcharo pani te pijell! Man hi trush!” Kote kras li i ledertikri tushni pre, kai thud dren hi, un das les te pijell. Un tchakras pale i plachta pral leste.

Čačepangre 4:19 Iomraidhean Croise

1. Mose 24:43

Me hom kate tardo pash kava pani. Te penau me kanna ap koy čate, kay vella, te lell li pani: De man i mouy pherdo pani dran tiro khoro te piyell. Oun yoy penell ap mande:

1. Rajengro liil 17:10

Oun yob stas pre oun djas an o foro Zarpat. Oun har vas lo ap o foreskro voudar, dikas lo kote i djouvel, kolakro rom meras. Koya hadas kasht pre. Yob rakras lah oun penas: “Le mange i čaro pani, te piyap!”

Jesaja 41:17

Kolla, kay čorvele hi, oun kolen gar doha hi djipaske, rodenn pal pani, oun dell kek. Oun len hi bari troush. Me, o baro Devel, shounau ap lende, me, o Israeleskro Devel, moukau len gar.

Johanni 4:7

Koy vas i djouvel pash ko pani, te lell li pani. Koya his i Samaritetsa. O Yezous penas ap late: “De man te piyell!”

Čačepangre 4:18

Kote djas i Yael vin pash o Sisera, oun penas ap leste: “Ab pash mande dren, miro ray, oun ma dare gar!” Yaake djas lo dren an lakro plarhteno kheer. Oun yoy čakras i plarhta pral leste.

Čačepangre 4:20

Oun yob penas ap late: “Ač tardo pash o voudar glan o plarhteno kheer! Oun te vell yek, oun poučella: Hi yek kay? Palle pen: Na-a!”

Čačepangre 5:24

O Debleskri barht vell pral i Yael, kolakro rom o Heber hi, ko Kenari! O Devel dell lat boudeder barht har i tsele vavar djouvyen, kay djivenn an i plarhtene khera!