Čačepangre 4:14 - O Debleskro Lab 2024 (Sinte-Manouche)

¹⁴ Oun i Debora penas ap o Barak: “Dja! Kava hi ko dives, kay o baro Devel o Siseres an tiro vast das. O baro Devel djas vin glan toute.” Oun o Barak djas koy berga Tabor tele, oun deesh-zerya morsha leske palla.

O Debleskro Drom 2021 (Sinte)

¹⁴ Un i Debora penas ap o Barak: “Dja! Kawa hi ko diwes, kai o baro Dewel o Siseres an tiro wast das. O baro Dewel djas win glan tute.” Un o Barak djas koi berga Tabor tele, un deesh-serja mursha leske palla.

Čačepangre 4:14 Iomraidhean Croise

1. Mose 19:14

Koy djas o Lot vin, oun penas ap kol morshende, kay romedinerenn leskre čen: “Stenn pre! Djan sik dran kava foro! O baro Devel kamell lauteren an kava foro temerl dell!” An lengre yaka his yob har yek, kay rakrell narvelo koova.

1. Mose 44:4

Har yon gar dour glan o foro his, penas o Yosef ap koleste, kay ap leskro kheer garda das: “Le sik kol morshen palla! Te tapreh len, pen ap lende: Hoske kran t'mer čilačo koova ap miro rayeste? Yob his lačo ap t'mende.

2. Samuel 5:24

Tou te shouneh i gole, har te djal yek pral an i rouka, am sik! Palle djal o baro Devel glan toute, te dell yob i Filistarengre lourden.”

Jesaja 52:12

Kava kopo hounte nashenn gar sik kotar vin, vitar gar yaake har vans ap o naashepen. O baro Devel djal t'menge glan vin, oun dell pal t'mende yak, yob, o Devel pral o Israel.

Micha 2:13

Lengro pralstouno krell lenge o drom pre oun djal glan lende. Yaake phagenn le o foreskre voudya pre oun djan vin. Oun lengro baro ray djal glan lende. Kova hi o baro Devel, kay hi lengro pralstouno.

5. Mose 9:3

Doleske djinenn kava dives, te djal t'maro baro Devel glan t'mende har i yag, hoy halauter pre rhačrell. Yob dell len, te hounte nashenn le penge t'mendar. Oun t'mer tradenn len vin oun denn len sik moulo. Yaake penas o baro Devel kova t'menge.

Josua 10:8

Oun o baro Devel penas ap o Yosua: “Ma traash lendar! An tiro vast dom me len. Kek morsh lendar nay ačell glan toute tardo.”

Josua 7:13

Ste pre, oun kre, te venn i menshe pale erligo glan mande! Pen lenge: Krenn t'men djoudjo, te nay venn glan o Debleste taysarlake! Me, o baro Devel, hom o Israeleskro Devel oun penau t'menge: Mank t'mende, t'mer Israelitarya, hi čomone, hoy miro hi. Doleske nay venn t'mer bouder gar zorelo pral kolende, kay kourenn pen t'mentsa, yaake rah, har anan t'mer ko koova gar dran t'mende krik.

Čačepangre 19:28

Kote penas lo ap late: “Ste pre oun mouk men te djal!” Latar vas či pale. Koy las lo lat, oun čivas lat ap peskri esla. Oun ko morsh kras pes ap o drom oun djas khere.

Čačepangre 4:10

Oun o Barak das i morshen gole dran i khera Zabulon oun Naftali, te venn le an o foro Kedesh khetne. Oun 10.000 (deesh-zerya) morsha djan leske palla. Oun ninna i Debora djas leha.

Čačepangre 7:9

Oun an koy rat penas o baro Devel ap o Gideon: “Ste pre, oun dja tele kote, kay i Midianarya čiddo hi! Me dom len an tiro vast.

1. Samuel 9:26

Oun yob čivas pes tele. Oun har o kham pre djas, das o Samuel o Saules gole pral ap o kheer oun penas: “Ste pre, te djap i kotar touha ap tiro drom!” Oun o Saul stas pre, oun yon djan i kotar khetne.