Čačepangre 4:10 - O Debleskro Lab 2024 (Sinte-Manouche)

¹⁰ Oun o Barak das i morshen gole dran i khera Zabulon oun Naftali, te venn le an o foro Kedesh khetne. Oun 10.000 (deesh-zerya) morsha djan leske palla. Oun ninna i Debora djas leha.

O Debleskro Drom 2021 (Sinte)

¹⁰ Un o Barak das i murshen gole dran i khera Sebulon un Naftali, te wenn le an o foro Kedesh khetne. Un 10.000 (deesh-serja) mursha djan leske palla. Un ninna i Debora djas leha.

Čačepangre 4:10 Iomraidhean Croise

1. Rajengro liil 20:11

Kote penas o baro ray Ahab: “Penenn leske: Kova, kay pandell o rharo troul peste, te djal lo an o kourepen, hounte krell kek baro rakepen. Kova, kay vell pale dran o kourepen nay krell pes bares.”

Debleskri gili 68:28

I menshe dran o kheer Benyamin, ko terneder čavo o Yakobeskre čavendar, djan glan i vavarende. Pal lende venn i pralstoune dran o kheer Youda pengre boud menshentsa, pal lende i pralstoune dran o kheer Zabulon oun dran o kheer Naftali.

2. Mose 11:8

Palle venna tire pralstoune lauter pash mande oun vitsrenn pen glan mire pire tele oun mangenn man an oun penenn: Djan t'menge, tou oun tire tsele menshe, djan! Oun palle djah mer menge.” Oun moulo rhoyedo djas o Mose peske dran o Faraeskro kheer vin.

Čačepangre 4:14

Oun i Debora penas ap o Barak: “Dja! Kava hi ko dives, kay o baro Devel o Siseres an tiro vast das. O baro Devel djas vin glan toute.” Oun o Barak djas koy berga Tabor tele, oun deesh-zerya morsha leske palla.

Čačepangre 4:6

Vas i dives, kay moukas li i morshes dran o kheer Naftali pash peste te kharell. Leskro lab his Barak. Koleskro dad his o Abinoam dran o foro Kedesh. Oun yoy penas ap leste: “O baro Devel, kay o Devel pral o Israel hi, yob penell touke: Le touke deesh-zerya morsha dran i khera Naftali oun Zabulon oun dja lentsa ap i berga Tabor!

Čačepangre 5:15

Oun i raya dran o Issakar djan khetne i Debora an o kourepen. Yaake har o Issakar kras ninna o Barak oun nashas pal leste i berga tele. An o them Ruben his le beshdo pash o pani oun rakran boud oun rah.

Čačepangre 5:18

Dikenn ap kolende dran o Zabulon oun dran o Naftali: Kolla hi morsha, kay daran gar, te denn le pengro djipen an o merepen, oun djan kek daryah an o kourepen.

Čačepangre 6:35

Oun yob bičras morshen an o tselo them Manasse, oun moukas lenge te penell, te venn le leske palla. Ninna bičras lo morshen an o them Asser oun Zabulon oun Naftali. Oun kolla lauter van pash leste.

1. Samuel 25:27

Yaake mangau tout, miro ray, le kava koova an, hoy me, tiri boudepaskretsa, touke anom, te vell lauter kol morshende doureder dino, kay pash toute hi.