Čačepangre 3:7 - O Debleskro Lab 2024 (Sinte-Manouche)

⁷ Oun i Israelitarya kran, hoy čilačes his glan i yaka o baro Deblestar, oun bistran, kay o baro Devel pengro Devel hi. Oun yon mangan o debles Baal oun i debletsa Ashera an.

O Debleskro Drom 2021 (Sinte)

⁷ Un i Israelitarja kran, hoi tchilatches his glan i jaka o baro Deblestar, un bistran, kai o baro Dewel pengro Dewel hi. Un jon mangan o debles Baal un i debletsa Ashera an.

Čačepangre 3:7 Iomraidhean Croise

1. Rajengro liil 16:33

Ninna kras lo i figura, hoy i debletsa Ashera sikras. Yaake kras lo boudeder koova, hoy rhoyras o baro Debles, ko Debles pral Israel, har kran kol tsele Israeleskre bare raya, kay glan leste djivan.

1. Rajengro liil 18:19

Kanna mouk i tsele Israelitaryen te penell, te venn le khetne pash mande ap i berga Karmel, ninna kol 450 (star-sheel-te-paash-sheel) rashaya o deblestar Baal oun kol star-sheel rashaya, kay i debletsa Ashera sharenn, kolen i Isebel rhapen oun pipen dell.”

2. Rajengro liil 23:14

Yob phagas kol bare barra paash, hoy le pengre deblenge pre-čivan, oun das kol figure tele, hoy sikran i Ashera. Oun kote, kay le tardo his, vitsras lo menshengre kokale pre.

2. Rajengro liil 23:6

Oun o Yosia moukas koy kashteni debletsa Ashera dran o baro Debleskro kheer te anell glan o foro Yerusalem pash ko tikno pani, kay kharell Kidron. Oun kote moukas lo lat te rhačrell. Oun hoy latar pral ačas, moukas lo tiknes te krell har phoubyakri čik, oun čivas kova khetne koy yagakri čik ap o handako, kay i čorvele paskedo van.

2. Familjakro liil 15:16

Oun ninna kras o baro ray Asa, te his leskri day, i Maaka, bouder gar i rani. Kova kras lo doleske, kay moukas li i djoungeli figura te krell, hoy i debletsa Ashera sikras. Oun o Asa das lakri djoungeli figura an kotya oun rhačras lat pash o pani Kidron.

2. Familjakro liil 24:18

Yaake vas, te djan i menshe an leskro them bouder gar an o kheer o baro Deblestar, kay o Devel lengre phourendar his. Yon mangan i figuren an, hoy i debletsa Ashera sikrenn oun vavar moule deblen. Yaake anan le doosh ap pende glan o baro Debleste. Oun leskri rholi vas pral o them Youda oun pral o foro Yerusalem.

2. Familjakro liil 33:19

An o liil, hoy i dikepangre činan, hi činlo, har o Manasse o baro Debles mangas, oun har kova les shounas, ninna leskri tseli doosh, oun har lo o baro Debles moukas, oun kay lo moulne platse kras, oun rhorhene deblen pre čivas, ninna koy figura, hoy i Ashera sikras, – kova lauter, hoy lo kras, glan te dikas lo peskri doosh dren glan o baro Debleste.

2. Familjakro liil 33:3

Yob čivas kol moulne platse pale pre, kay i moule deblenge firhe rhačedo van. Kol platse das leskro dad, o Hiskiya, khetne. Oun o Manasse moukas rhačepangre te krell, kay firhe rhačedo venn o debleske Baal, kay i rhorheno devel hi. Oun yob kras figure, hoy sikran i debletsa Ashera. Oun yob mangas i bolepangre momlia an oun vitsras pes glan lende tele.

2. Familjakro liil 34:3

Har lo an o orhtato bersh baro ray his, oun gomme i terno morsh his, rodas lo ko Debles, koles leskro phouro dad, o David, an-mangas. Oun an o 12. (deesh-te-douyto) bersh kras lo pes ap i boudi, te vitsrell lo dran o them Youda oun dran o foro Yerusalem kol rhorhene deblen oun figuren krik. Koy pashel his ninna i figure, hoy i debletsa Ashera sikrenn.

2. Familjakro liil 34:7

Oun an o tselo them Israel phagas lo kol rhačepangre tele, ninna i figure, hoy i Ashera sikran. Oun i tsele vavar figure das lo an kotya oun kras len yaake tiknes, te his le har čik. Oun i boba, kay soungepaskro koova rhačedo vas, das lo trouyel. Pal kova djas lo pale an o foro Yerusalem.

Debleskri gili 106:35

Na-a, yon romedineran pen kolentsa, kay o Debles gar prindjrenn, oun kran sau koova har yon kran,

Debleskri gili 106:36

oun mangan lengre deblen an. Yaake peran le o baro Debleskro dromestar tele.

Debleskri gili 106:7

Mare phoure hayvan gar ko baro zorelo koova, hoy tou an o them Egiptia kral, oun bistran har boud lenge lačes hals, oun hadan pen pral toute pash o Baro Lolo Pani.

2. Mose 34:13

Vitsrenn kol pre-čidde barra trouyel, kay marenn oun rhačrenn le firhen lengro debleske. Phagenn kol bare barra paash, hoy le leske pre-čivan! Oun denn kol figuren tele, hoy sikrenn i debletsa Ashera.

Jeremia 23:27

Yek penell o vavareske peskri souni. Oun koleha krenn le, te bistrenn man mire menshe yaake, har bistran man lengre phoure, har mangan le o debles Baal an.

5. Mose 16:21

T'mer hounte čivenn kek kasht pre, hoy sikrell i debletsa Ashera, oun čivenn les pre pash koy rhačepaskri, hoy krenn t'mer t'maro baro Debleste.

5. Mose 4:9

Denn zoreles yak ap t'mende, te bistrenn gar – yaake rah har djivenn, – hoy t'mare yakentsa dikan! Oun penenn t'mare čavenge oun lengre čavenge,

5. Mose 8:11

Denn t'men yak, te bistrenn gar t'maro baro Debles, yaake te denn gar bouder yak ap leskre laba, oun ap leskro čačepen, oun ap halauter, hoy yob t'mendar kamella, kova hoy me t'menge kava dives penau, te hounte krenn.

5. Mose 8:14

palle denn yak, te venn gar pre-phourdo, oun bistrenn t'maro baro Debles, koles, kay anas t'men vin dran o them Egiptia, kay t'mer pandle boudepangre hans.

5. Mose 8:18

Doleske ma bistrenn t'maro baro Debles! Yob hi kova, kay tout i zoor das, te nay lenn t'menge bravlepen khetne. Oun yaake rikrell yob kova, hoy lo t'mare phourentsa vin kras. Ninna kava dives rikrell lo pes ap kova.

Čačepangre 3:12

Oun i Israelitarya kran pale kova, hoy čilačes his an i yaka o baro Deblestar. Doleske kras o baro Devel o baro rayes pral o them Moab zorelo, te djal yob ap o Israel. Ko baro ray kharas Eglon.

Čačepangre 3:8

Kote rhačras i rholi o baro Deblestar pral o Israel pre. Oun yob das len an o vast o baro rayestar Koushan-Rishatayim. Kova his baro ray pral o them Mesopotamia. Oun i Israelitarya hounte boudran leske orhta bersha.

Čačepangre 6:25

Oun an koy rat rakras o baro Devel ap o Gideon: “Le i terno gouroum tiro dadeskre firhendar, oun le ninna i gouroum, hoy efta bersha phouro hi! Oun de koy rhačepaskri tele, hoy ap tiro dadeskro them tardo hi, kay rhačrenn le firhen lengro debleske Baal. Oun de koy kashteni debletsa Ashera tele, hoy koy pashel tardo hi!

Čačepangre 8:33

Oun har o Gideon meras, djan i Israelitarya o Debleskro dromestar tele oun nashan pale kol deblenge palla, kay kharenn Baal. Oun yon kran o debles Baal-Berit pengro devel,

Čačepangre 8:34

oun bistran pengro baro Debles, koles, kay len dran o vast kolendar zoryah vin las, hoy troul lende djivan oun pen lentsa kouran.

1. Samuel 12:10

Koy dan le gole ap o baro Debleste, te vell lo ap lengri rig, oun penan: “Mer lam doosh ap mende, te djam krik toutar, baro Deblestar, oun mangam kol deblen an, kay kharenna Baal oun Astarte. Kanna le men vin dran i vasta kolendar, kay men tele rikrenn. Palle vess tou kokres maro Devel.”

1. Samuel 12:9

Yon bistran pengro baro Debles. Oun yob das len an i vasta kolendar, kay kouran pen lentsa: o Sisera, ko pralstouno lourdo o forestar Hazor, i Filistarya, oun o ray pral o them Moab.