Čačepangre 3:4 - O Debleskro Lab 2024 (Sinte-Manouche)

⁴ Oun kolla ačan koy, te dikell o baro Devel, har rikrenn pen i Israelitarya ap leskre laba, hoy o Mose lengre phourenge penas.

O Debleskro Drom 2021 (Sinte)

⁴ Un kolla atchan koi, te dikell o baro Dewel, har rikrenn pen i Israelitarja ap leskre laba, hoi o Mose lengre phurenge penas.

Čačepangre 3:4 Iomraidhean Croise

2. Mose 15:25

Koy das lo gole ap o baro Debleste. Oun o baro Devel sikras les i kotar kasht. Kova vitsras lo an o pani, oun o pani vas lačo. Kote das o baro Devel len laba, hoy sikrenna, hoy lo lendar kamell, oun har te djivenn le an leskro čačepen. Oun kote kamas lo ninna te dikell, te shounenn le ap leste.

1. Korintarja 11:19

Kova hounte vell yaake, te dikell hakeno, koon t'mendar an o patsepen mishto tardo hi.

5. Mose 33:8

Oun pral o kheer Levi penas lo: Baro Devel, de i Levitaryen kol barra, hoy sikrenn, hoy tou kameh, te vell kerdo! Yon rikran ap toute pash i panya Massa oun Meriba, har kamal te djinell: Shounenn le ap toute, ninna te vell kova lenge phares?

5. Mose 8:2

Ma bistrenn, har djas t'maro baro Devel glan t'mende an kol 40 (star-deesh) bersha, har djan an o moulo tato them trouyel. Kote sikras lo t'men: Te hi lo gar t'mentsa, nay krenn či. Ninna kamas lo vin te hatsell, hoy an t'mare djia hi: Shounenn t'mer ap leskre laba oder gar?

Čačepangre 2:22

Yaake nay hatsau vin: Ačenn i Israelitarya ap miro drom, ninna te djivenn le mank vavar menshende? Djan le mange yaake palla, har lengre phoure kova kran? Oder krenn le kova gar?”

Čačepangre 3:1

Oun kalla hi kol menshe, hoy o baro Devel an o them moukas, te dikell lo, te shounenn i Israelitarya ap leste. Ninna kamas lo lende te sikrell, har yek pes hounte kourell. Kova kamas lo lauter kolen te sikrell, kay djinan či o kourepastar, hoy djas troul o them Kanaan. Oun kal menshe ačan an o them: