Čačepangre 3:3 - O Debleskro Lab 2024 (Sinte-Manouche)

³ I panč raya pral i Filistarya, i tsele Kanaanitarya oun i Sidonarya oun i Hivarya, kay ap i berge Libanon djivan mank i berga Baal-Hermon oun Lebo-Hamat.

O Debleskro Drom 2021 (Sinte)

³ I pantch raja pral i Filistarja, i tsele Kanaanitarja un i Sidonarja un i Hiwarja, kai ap i berge Libanon djiwan mank i berga Baal-Hermon un Lebo-Hamat.

Čačepangre 3:3 Iomraidhean Croise

1. Mose 49:13

O Zabulon djivell pash o baro pani, kote, kay i shiffe čiddo hi. Leskro them djal bis pash o foro Sidon.

2. Samuel 24:7

Palle van yon an o zorelo foro Tirus oun an kol tsele forya, kay kol Hivarya oun kol Kanaanitarya djivan, oun ninna an o them Negev an o them Youda bis pash o foro Beersheba.

1. Rajengro liil 8:65

Oun ap ko tsiro his kol bare divessa, kay djivenn i Israelitarya an patyengre khera. Oun o Salomo khetne kol tsele Israelentsa rikran kol bare divessa. His boud menshe kote khetne dran o tselo them, foun Lebo-Hamat bis pash koy tala mank Israel oun Egiptia. Efta divessa his le khetne glan maro baro Debleste, oun koy pal pale efta divessa. Kolla his khetne deesh-te-star divessa.

1. Rajengro liil 9:20

I tsele menshe, kay pral ačan kolendar, kay glan i Israelitarya an o them djivan, oun kolen i Israelitarya nay maran gar, kolengre čave, kay pal lende van, kolen las o Salomo, te venn le leskre boudepangre, kay hounte boudrenn leske. Kova hi ninna kava dives yaake. Yon his Amorarya, Hetarya, Perisarya, Hivarya, oun Yebousarya.

Ezekiel 47:20

Oun kote, kay o kham tele djal, djal o them Israel bis pash o Mashkralstouno Baro Pani, bis pre vergel o foro Hamat. Yaake dour djal o them Israel ap koy rig, kay o kham tele djal.

4. Mose 13:29

An o them Negev djivenn i Amalekarya. An o pralstouno them djivenn i Hetarya, i Yebousarya oun i Amorarya. Pash o baro pani oun pash o pani Yordan djivenn i Kanaanitarya.”

4. Mose 34:8

Oun kotar doureder bis kote, kay djal an Hamat, oun doureder pash Zedad,

5. Mose 1:7

Stenn kanna pre oun djan doureder pash i berge, kay i Amorarya djivenn, oun kote, kay kol Kanaanitarya djivenn: an o telstouno them o panyestar Yordan, oun an o pralstouno them, oun an o divyo them Shefelah oun an o them Negev pash o baro pani bis pash i berge Libanon oun o baro lengsto pani Eufrat.

5. Mose 3:9

[Ap i berga Hermon penenn i menshe dran o foro Sidon berga Siryon. Oun i Amorarya penenn Senir ap late.]

Josua 11:19

Koy his kek foro, hoy pes gar lentsa kouras, har i Hivarya kokres, kay an o foro Gibeon djivan. Kol tsele vavar forya lan le an o kourepen dren.

Josua 11:3

Ninna bičras lo morshen pash i Kanaanitarya, kay djivenn kote, kay o kham pre djala oun kote, kay o kham tele djal pash i Amorarya, pash i Hetarya, pash i Perisarya, pash i Yebousarya ap i berge, pash i Hivarya tele pash i berge Hermon an o them Mispa.

Josua 13:3

oun ko them, kay i Kanaanitarya djivenn, mank o pani Shihor, hoy glan o them Egiptia nashell, oun o foro Ekron, kay kote čiddo hi, kay norden hi; oun kol panč forya, pral kolende panč Filistarya i raya hi: Gaza, Ashdod, Ashkelon, Gat oun Ekron; koy pashel ko them, kote kay o kham pralstounes hi, oun kay i Avarya djivenn;

Josua 13:5

oun ko tselo them, kay i Gebalarya djivenn, oun kote, kay o kham pre-djal kol tsele berge, kay kharenn Libanon, foun o foro Baal-Gad, hoy tella pash i berga Hermon čiddo hi, bis tele ap o drom, hoy an Lebo-Hamat djal;

Josua 19:28

Ebron, Rehob, Hammon oun Kana, oun doureder bis pash o baro foro Sidon.

Josua 9:7

Koy penan i Israelengre morsha ap kol Hivarya: “Nay hi, te djivenn t'mer kate mashkral mende! Har nay kras mer palle savo koova t'mentsa vin?”

Čačepangre 10:12

i Sidonarya, i Amalekarya oun i Maonarya? Oun har t'mer ap mande gole dan, lom me t'men dran lengre vasta vin.

Čačepangre 10:7

Kote rhačas i bari rholi pre an o baro Debleste ap i Israelitarya. Oun yob das len an i vasta i menshendar dran i themma Filistia oun Ammon.

Čačepangre 14:4

Leskro dad oun leskri day hayvan gar, te vas kova o baro Deblestar, kay i drom rodas, te nay perell lo ap i Filistarya. Kolla his i raya pral o Israel an ko tsiro.

Čačepangre 18:7

Oun kol panč morsha djan doureder oun van an o foro Layish. Oun yon dikan i menshen, kay koy his. Kolla djivan kek daryah, yaake har i Sidonarya ninna djivan, kek daryah oun kek kourepah. Oun an o tselo them his kek, kay dals len trad oun rikrals len tele. Oun yon his dour krik o forestar Sidon. Oun či oun kek his penepaske pral lende.

Čačepangre 4:2

Oun o baro Devel das len an o vast o baro rayestar Yabin. Kova his o baro ray pral o them Kanaan oun djivas an o foro Hazor. Oun leskro pralstouno lourdo kharas Sisera. Oun kova djivas an o foro Haroshet-Goyim.

1. Samuel 13:5

Ninna i Filistarya van khetne, te djan le an o kourepen i Israelentsa: 3.000 (triyanda-zerya) vourdya, oun 6.000 (shob-zerya) morshentsa koy pre, ninna boud lourde, kay nashenn, yaake boud har i santa pash o baro pani hi. Kolentsa djan le pre oun čivan pen pash o foro Mikmas tardo ap koy rig o forestar Bet-Aven, kay o kham pre djal!

1. Samuel 29:2

Oun i pralstoune Filistarya djan pengre shelentsa oun pengre zeryentsa. Oun pal lende djas o Akish o Davideha oun leskre morshentsa.

1. Samuel 6:16

Oun har kol panč raya pral i Filistarya kova lauter dikan, djan le ko emligo dives pale an Ekron.

1. Samuel 6:18

Ninna dan le sonakangre kermuse, yek kermuso hako foreske, pral koleste i panč Filistarya i raya his: gar kokres i zorele foryenge, na-a ninna hako gab. Ko baro bar, kay čivan le o morhton pre, kay o Debleskre deesh laba dren hi, ko bar hi gomme kava dives čiddo ap ko kotar phoub, hoy hi ko morshes Yosua dran Bet-Shemesh.

1. Samuel 6:4

Oun yon poučan: “Hoy hi kova hoy mer hounte das leste, te vell lauter pale mishto?” Yon penan: “Panč raya hi an o them Filistia. Len oun t'men hi o emligo nasslepen. Doleske krenn panč sonakangre figure, hoy vin dikenn har o doukepen, hoy ap t'maro mass vas, ninna panč sonakangre figure, hoy vin dikenn har kol kermuse, kay rhan t'maro them pre. Denn kolen o Israeleskro Debleste. Yaake sikrenn t'mer leste, te djinenn, har baro yob hi. Nay vell, te lell lo peskro vast t'mendar pale, ninna t'mare deblendar oun t'maro themestar.