Čačepangre 3:15 - O Debleskro Lab 2024 (Sinte-Manouche)

¹⁵ Koy dan le ap o baro Debleste gole, te lell yob len dran koleskre vasta vin. Oun o baro Devel moukas i morshes pre te stell, kay lenge ap i rig vas. Oun kova his o Ehoud, leskro dad his o Gera, i Benyaminari. O Ehoud his i morsh, kay i servo vasteskro hi. Oun i Israelitarya bičran les, te anell yob lengre love o baro rayeske pral o them Moab, kol love, hoy yon hounte leske dan.

O Debleskro Drom 2021 (Sinte)

¹⁵ Koi dan le ap o baro Debleste gole, te lell job len dran koleskre wasta win. Un o baro Dewel mukas i murshes pre te stell, kai lenge ap i rig was. Un kowa his o Ehud, leskro dad his o Gera, i Benjaminari. O Ehud his i mursh, kai i serwo wasteskro hi. Un i Israelitarja bitchran les, te anell job lengre lowe o baro rajeske pral o them Moab, kol lowe, hoi jon hunte leske dan.

Čačepangre 3:15 Iomraidhean Croise

2. Samuel 20:10

O Amasa das gar yak ap koy čouri an o Yoabeskro servo vast. Kova das les ko čouryeha an o per čourye, yaake kay leskre bouke ap i phoub peran. Oun das les gar i douyto kopo čourye. Oun yob meras. Oun o Yoab oun leskro phraal Abishay lan o Shebaes palla.

2. Samuel 20:9

Oun o Yoab penas ap o Amasa: “Har djal touke, miro phraal?” Oun o Yoab tapras o čačo vasteha o Amaseskri čor, te čoumrell lo les.

1. Familjakro liil 12:2

Len his boge oun fayle, oun hayvan mishto i faylentsa karye te dell. Kova nay kran le pengro čačo vasteha oun pengro servo vasteha. Kalla hi i laba kolendar, kay van pash o Davideste dran o kheer Benyamin, kay ninna o Saul dran vas:

1. Familjakro liil 8:3

O Bela, leskre čave his: o Addar, o Gera, o Abihoud,

1. Familjakro liil 8:5

o Gera, o Shefufan oun o Houram.

2. Familjakro liil 9:24

Oun hakeno lendar, kay vas, anas kouč koova pash leste, roupeno oun sonakaskro koova, ripya oun karmangre, soungepaskro djet, graya oun maultikre bourike. Kova his hako bersh yaake.

Debleskri gili 50:15

Oun de gole ap mande ap ko dives, kay hal an i bibarht! Palle lau tout vin, oun tou sharess man.”

Debleskri gili 78:34

Te anas lo o merepen pral lende, rodan le o Debles, oun poučan pale pal leste.

Debleskri gili 90:15

I rah tsiro hams tele rikedo. De men kanna yaake boud barhtele bersha, har hams an i bibarht.

Gosewe laba 18:16

I mensho, kay i vavaren shoukar koova dell, krell peske i voudya pre pash i pralstunende.

Gosewe laba 19:6

Boud makenn o braveleske gvin troul o mouy, oun hakeno hi o maal kolestar, kay dell čomone čičeske.

Gosewe laba 21:14

Te hi yek rhoyedo ap toute, oun tou deh les čomone khatedo, kreh tou yaake, te djal leskri bari rholi pale.

Jesaja 36:16

Ma shounenn ap o Hiskiya! Shounenn ap mande: O ray pral o them Assour penell t'menge: Vas men khetne mala, oun avenn pash mande vin! Palle nay rhal hakeno peskre molengre drake oun fayge peskre roukendar, oun nay piyell peskro pani dran peskri brounna,

Jeremia 33:3

Khare man, palle kamau touha te rakrell, oun kamau touke baro koova te sikrell, hoy tou gar hayveh, oun kolestar či djinal.

Čačepangre 2:16

Oun pale te pale moukas o baro Devel čačepangre morshen pre te stell. Kolla lan len vin dran o vast kolendar, hoy lendar čoran.

Čačepangre 20:16

Oun mank kol tsele lourdende his efta-sheel vi-rodede morsha, kay serve-vastengre his. Kolen his vitsepangre oun nay ferdenn yaake mishto i bar, te djas lo hako kopo kote, kay lo hounte djal, ninna te vals kova i bal.

Čačepangre 3:14

Oun i Israelitarya hounte boudran o baro rayeske pral o them Moab 18 (deesh-te-orhta) bersha.

Čačepangre 3:16

Oun o Ehoud kras peske i tikno rharo, i paash metari lengsto, hoy hake douy rigyendar činas. Oun ko rharo pandas lo tel peskre koola, ap leskri čači rig.

Čačepangre 3:9

Koy dan le ap o baro Debleste gole, te lell yob len dran koleskre vasta vin. Oun o baro Devel moukas i morshes pre te stell, kay lenge ap i rig vas. Kova his o Otniel, koleskro dad o Kenas his. Koleskro phoureder phraal his o Kaleb.

Čačepangre 4:3

O baro rayes Yabin his 900 (enya-sheel) sasterne vourdya o kourepaske. Oun yob kras i Israelenge i pharo djipen biish bersha. Doleske dan le bari gole ap o baro Debleste.

1. Samuel 10:27

Koy his ninna morsha, kay či-molde his. Kolla penan: “Har nay lell kava morsh men vin dran i bibarht?” Oun yon dikan tele ap leste, oun anan leske či. O Saul kras yaake har shounals lo kova gar.