Čačepangre 3:11 - O Debleskro Lab 2024 (Sinte-Manouche)

¹¹ Oun ko themeske Israel djas 40 (star-deesh) bersha lačes oun kek kourepen his an ko tsiro. Oun palle meras o Otniel, koleskro dad o Kenas his.

O Debleskro Drom 2021 (Sinte)

¹¹ Un ko themeske Israel djas 40 (star-deesh) bersha latches un kek kurepen his an ko tsiro. Un palle meras o Otnijel, koleskro dad o Kenas his.

Čačepangre 3:11 Iomraidhean Croise

1. Familjakro liil 4:13

O Kenas, les his kal čave: o Otniel oun o Seraya. I čave o morshestar Otniel his: o Hatat oun o Meonotay.

Nehemia 9:28

Oun har lenge pale mishto djas, kran le pale, hoy čilačo his glan toute. Oun tou dal len an o vast kolendar, kay lenge čilačepen kaman. Oun kolla van i raya pral lende. Oun yon dan pale gole ap toute, te vess ap lengri rig. Oun tou shounal dran o bolepen, oun an tiro baro lačepen lal len vin dran lengre vasta. Oun kova kral tou boud kope yaake.

Ester 9:22

te bistrenn le gar, kay an kol divessa i bibolde vin lino van dran i čilače vasta, oun kay kava o čon hi, kay vas barht dran lengre douka, oun sapen dran lengro ropen. Doleske hounte rikrenn le kol divessa bares, oun venn khetne, rhan oun piyenn oun hi barhtelo. Oun yek te dell o vavareste lačo rhapen. Oun ninna i čorvele hounte venn gar bistedo oun hounte lenn čomone.

Josua 11:23

Oun yaake har o baro Devel ap o Mose penas, las o Yosua o tselo them dren, oun das les i Israelende. Hakeneste kol deesh-te-douy Israeleskre čavendar das lo peskro kotar them, te venn le kote khere. Oun yon hounte djan bouder gar an o kourepen.

Josua 15:17

Kote las o Otniel o foro dren. Koleskro dad his o Kenas, koleskro phraal his o Kaleb. Oun o Kaleb das les peskri čat Aksa, te vell li leskri romni.

Čačepangre 3:10

Oun o baro Debleskro dourho vas pral leste, oun yob vas o čačepaskro ray pral i Israelitarya. Oun yob djas vin an o kourepen. Oun o baro Devel das o baro rayes pral o them Mesopotamia an leskro vast. Koleskro lab his Koushan-Rishatayim. Oun o Otniel vas zorleder har yob.

Čačepangre 3:12

Oun i Israelitarya kran pale kova, hoy čilačes his an i yaka o baro Deblestar. Doleske kras o baro Devel o baro rayes pral o them Moab zorelo, te djal yob ap o Israel. Ko baro ray kharas Eglon.

Čačepangre 3:30

Oun yaake his i Israelitarya ap kava dives zorleder har i Moabarya. Oun 80 (orhta-deesh) bersha his kek kourepen an o them.

Čačepangre 3:9

Koy dan le ap o baro Debleste gole, te lell yob len dran koleskre vasta vin. Oun o baro Devel moukas i morshes pre te stell, kay lenge ap i rig vas. Kova his o Otniel, koleskro dad o Kenas his. Koleskro phoureder phraal his o Kaleb.

Čačepangre 5:31

Maro baro Devel, yaake hounte merenn lauter, hoy tout gar kamenna. Kolla, kay kamenn tout o tselo djiyestar, yon te venna raylo har o kham, har djal lo pre an peskri zoor! Oun pal kova his an o them 40 (star-deesh) bersha kek kourepen.

Čačepangre 8:28

O Midian his yaake khetne dino, te his yon bouder gar zoreles doha, te kourenn le pen i Israelentsa. Yaake his kek kourepen an o them Israel 40 (star-deesh) bersha, yaake rah har o Gideon djivas.