Čačepangre 21:5 - O Debleskro Lab 2024 (Sinte-Manouche)

⁵ Oun i Israelitarya poučan mank pende: “Dell kol 12 (deesh-te-douy) bare familyendar, kay venn o Yakobeskre čavendar, yek, kay vas gar pash o tsillo glan o baro Debleste?” Kova his yaake, har i menshe khetne gole dino van, te venn le an Mispa, dan le pen i bari sovel oun penan: “Koon vell gar an Mispa glan o baro Debleste, kova hounte merell.”

O Debleskro Drom 2021 (Sinte)

⁵ Un i Israelitarja putchan mank pende: “Dell kol 12 (deesh-te-dui) bare familjendar, kai wenn o Jakobeskre tchawendar, jek, kai was gar pash o tsillo glan o baro Debleste?” Kowa his jaake, har i menshe khetne gole dino wan, te wenn le an Mizpa, dan le pen i bari sowel un penan: “Koon well gar an Mizpa glan o baro Debleste, kowa hunte merell.”

Čačepangre 21:5 Iomraidhean Croise

Jeremia 48:10

Praasedo hi, koon o baro Debleskri boudi čiddo moukell; praasedo hi, kay rikrell leskro rharo pale, te marell lo gar!

Čačepangre 21:1

Har his i morsha dran o Israel an o foro Mispa, dan le pen sovel, te dell kek lendar peskri čay yekes dran i menshende Benyamin.

Čačepangre 21:18

Mare čen nay dah len gar te romedinerenn le len. I tsele Israelitarya dan pen sovel, oun penan: Praasedo vell kova, hoy i Benyamines i djouvyat dell.”

Čačepangre 21:6

Oun kanna rovan i Israelitarya an pengre djia pral kova, hoy i menshentsa djas, kay van lengro phralestar o Benyamin, oun penan: “Kava dives vas i kasht tele dino o roukestar Israel.

Čačepangre 5:23

Praasenn o foro Meros, penas o baro Debleskro bolepaskro. Praasenn kolen, hoy an ko foro djivenn! Ava, praasenn len! Yon van gar ap o baro Debleskri rig, oun djan gar an o kourepen khetne kol čače morshentsa.

1. Samuel 11:7

Oun yob las douy groumya oun činas len an kotya, oun bičras kol bičepangre kol kotyentsa mass an o tselo them Israel trouyel oun moukas te penell: “Koon djal gar vin an o kourepen o Sauleha oun o Samueleha, kolengre groumyenge djal yaake har kalenge!” Koy peras o baro Debleskri daar ap i tsele menshenge, oun i tsele morsha djan vin har te vans le yek morsh.

1. Samuel 14:24

O Saul das i Israelitaryen trad oun penas: “Bibarht pral koleste, kay rhal kava dives, yaake rah o kham gomme gar tele djas, oun me gar kolen lauteren pale dom, kay kaman man te marell.” Doleske his i morshen dran Israel bouder kek zoor i bokatar, oun o marepen vas lenge phares.