Čačepangre 20:2 - O Debleskro Lab 2024 (Sinte-Manouche)

² 400.000 (star-sheel zerya) morsha dran kol deesh-te-douy bare familye, kay venn o Yakobeskre čavendar, van khetne oun kran i tsillo o Debleskre menshendar. Kolla lauter his lourde, kay nay kourenn pen i rhareha.

O Debleskro Drom 2021 (Sinte)

² 400.000 (star-sheel serja) mursha dran kol deesh-te-dui bare familje, kai wenn o Jakobeskre tchawendar, wan khetne un kran i tsillo o Debleskre menshendar. Kolla lauter his lurde, kai nai kurenn pen i chareha.

Čačepangre 20:2 Iomraidhean Croise

2. Samuel 14:13

Penas koy djouvel: “Hoske kreh tou yaake ap i Debleskre menshende? Kanna kay tou, baro ray, save laba vin rakral, hi yaake, har te anals tou doosh ap toute, te moukeh o Absalomes gar pale te anell, koles tou krik tradal.

2. Samuel 24:9

Oun o Yoab penas o baro rayeske, har boud morsha koy his. Oun an Israel his 800.000 (orhta-sheel-zerya) morsha, kay hidjran i rharo oun an Youda 500.000 (panč-sheel-zerya) morsha.

2. Rajengro liil 3:26

Har ko baro ray pral kol Moabarya dikas, kay nashrell lo o kourepen, las yob 700 (efta-sheel) lourden peha, kay kourenn pen nay o rhareha, oun kamas lentsa te nashell kote, kay o baro ray pral Edom peskre lourdentsa tardo hi. Kova djas lenge gar.

Josua 22:12

Oun har le kova shounan, van le halauter khetne an o foro Shilo, te djan le vin, te kourenn le pen lentsa.

Čačepangre 20:15

Oun yaake van ap ko dives 26.000 (biish-te-shob-zerya) Benyaminarya khetne, kay nay kourenn o rhareha. Koy pashel van i morsha dran o foro Gibea. Kolla his 700 (efta-sheel) čače kourepangre.

Čačepangre 20:17

Oun i morsha dran Israel his 400.000 (star-sheel zerya) lourde, kay nay kourenn o rhareha, lauter čače kourepangre. I Benyaminarya his koy gar pashel.

Čačepangre 20:3

Oun i Benyaminarya shounan, te djan i Israelitarya pre an o foro Mispa. Oun i Israelitarya penan: “Penenn menge, hoy djas, te vas savo ladjedo koova kerdo?”

Čačepangre 8:10

Oun o Zeba oun o Zalmunna his an o them Karkor. Oun 15.000 (deesh-te-panč-zerya) lourde his pash lende, lauter kolla, kay pral ačan kol tsele lourdendar, kay dran o them van, kay o kham pre djal. Kol vavar morsha, kay nay kouran pen o rhareha, van temerl dino. Kolla his 120.000 (sheel-te-biish-zerya) morsha.

1. Samuel 11:8

Oun o Saul kharas len khetne pash o foro Besek. Kol morsha dran Israel his 300.000 (triin-sheel-zerya) morsha, oun kolla dran Youda 30.000 (triyanda-zerya).