Čačepangre 20:16 - O Debleskro Lab 2024 (Sinte-Manouche)

¹⁶ Oun mank kol tsele lourdende his efta-sheel vi-rodede morsha, kay serve-vastengre his. Kolen his vitsepangre oun nay ferdenn yaake mishto i bar, te djas lo hako kopo kote, kay lo hounte djal, ninna te vals kova i bal.

O Debleskro Drom 2021 (Sinte)

¹⁶ Un mank kol tsele lurdende his efta-sheel wi-rodede mursha, kai serwe-wastengre his. Kolen his witsepangre un nai ferdenn jaake mishto i bar, te djas lo hako kopo kote, kai lo hunte djal, ninna te wals kowa i bal.

Čačepangre 20:16 Iomraidhean Croise

1. Familjakro liil 12:2

Len his boge oun fayle, oun hayvan mishto i faylentsa karye te dell. Kova nay kran le pengro čačo vasteha oun pengro servo vasteha. Kalla hi i laba kolendar, kay van pash o Davideste dran o kheer Benyamin, kay ninna o Saul dran vas:

2. Familjakro liil 26:14

Oun o Usiya moukas shilte i tsele lourdenge te krell, ninna vitsepaskre čourya, sasterne stadja, sasterne gada, boge oun vitsepaskre barra.

Čačepangre 20:17

Oun i morsha dran Israel his 400.000 (star-sheel zerya) lourde, kay nay kourenn o rhareha, lauter čače kourepangre. I Benyaminarya his koy gar pashel.

Čačepangre 3:15

Koy dan le ap o baro Debleste gole, te lell yob len dran koleskre vasta vin. Oun o baro Devel moukas i morshes pre te stell, kay lenge ap i rig vas. Oun kova his o Ehoud, leskro dad his o Gera, i Benyaminari. O Ehoud his i morsh, kay i servo vasteskro hi. Oun i Israelitarya bičran les, te anell yob lengre love o baro rayeske pral o them Moab, kol love, hoy yon hounte leske dan.

1. Samuel 17:40

oun las peskro kasht an peskro vast. Oun dran i tikni pani rodas lo peske panč barra, hoy mishto an o vast čiddo hi, oun čivas len an peskri possita. Oun las peskri vitsepaskri an o vast. Oun yaake djas lo kote, kay o Goliat hi.

1. Samuel 25:29

Oun te hadell pes i mensho, te lell lo tout palla, oun kamell tout te marell, palle rikrell o baro Devel peskre vasta pral tiro djipen, yaake har yek i kouč bar an peskri possita khatrell. Kolla, kay kamenn tout te marell, lengro djipen vell krik vitsedo, har yek i bar krik vitsrella!