Čačepangre 2:21 - O Debleskro Lab 2024 (Sinte-Manouche)

²¹ Doleske tradau me ninna kanna bouder gar kol vavar menshen dran kava them vin, kay pral ačan, har o Yosua meras.

O Debleskro Drom 2021 (Sinte)

²¹ Doleske tradau me ninna kanna buder gar kol wawar menshen dran kau them win, kai pral atchan, har o Josua meras.

Čačepangre 2:21 Iomraidhean Croise

Ezekiel 20:24

doleske, kay djivan le gar pal miro čačepen oun kran gar, hoy lendar kamom, oun boudran ap o Debleskro dives, oun nashan kol rhorhene deblenge palla, kolen lengre phoure an-mangan.

Josua 23:13

palle djinenn, palle tradell o baro Devel gar bouder kal vavar menshen glan t'mende vin dran o them. Oun yon venn t'menge har dorya oun netse, an kolende t'mer tapedo venn, oun har čoupnia ap t'mare dume, oun doukrenn t'men har i kasht an o yak. Kova djal yaake dour, bis te kek t'mendar bouder an kava lačo them hi, hoy t'maro baro Devel t'men das.

Josua 23:4

Dikenn, me dom t'men ko tselo them mank o pani Yordan oun ko Baro Pani, hoy kote čiddo hi, kay o kham tele djal. Yaake har i barra peran, dom t'mare deesh-te-douy bare familyen lengro kotar them, ninna ko them, kolengre menshe gomme gar vin tradedo hi.

Josua 23:5

Kolen tradell o baro Devel, kay t'maro Devel hi, glan t'mende vin. Oun t'mer lenn lengro them t'menge, yaake har t'maro baro Devel t'menge penas, te vell kova.

Čačepangre 1:1

Oun har o Yosua meras, poučan i Israelitarya o baro Debles: “Koon mendar djal glanstounes an o kourepen i menshentsa an o them Kanaan?”

Čačepangre 2:3

Koy penom me: Me tradau len gar glan t'mende vin. Oun yon venn t'menge har shelle, kay taprell yek firhen dren. Oun ap ko dives, kay mangenn t'mer lengre deblen an, taprenn t'mer dren.”

Čačepangre 3:1

Oun kalla hi kol menshe, hoy o baro Devel an o them moukas, te dikell lo, te shounenn i Israelitarya ap leste. Ninna kamas lo lende te sikrell, har yek pes hounte kourell. Kova kamas lo lauter kolen te sikrell, kay djinan či o kourepastar, hoy djas troul o them Kanaan. Oun kal menshe ačan an o them:

Čačepangre 3:3

I panč raya pral i Filistarya, i tsele Kanaanitarya oun i Sidonarya oun i Hivarya, kay ap i berge Libanon djivan mank i berga Baal-Hermon oun Lebo-Hamat.