Čačepangre 2:18 - O Debleskro Lab 2024 (Sinte-Manouche)

¹⁸ Oun te moukas o baro Devel lenge čačepangre morshen pre te stell, palle his yob ko čačepaskro morsheha, oun las len vin dran i čilače vasta. Les khaytas lengro ropen pral kolende, kay lenge o djipen phares kran. Yaake rah har ko čačepaskro ray djivas, shounan le ap o baro Debleste.

O Debleskro Drom 2021 (Sinte)

¹⁸ Un te mukas o baro Dewel lenge tchatchepangre murshen pre te stell, palle his job ko tchatchepaskro mursheha, un las len win dran i tchilatche wasta. Les khaitas lengro ropen pral kolende, kai lenge o djipen phares kran. Jaake rah har ko tchatchepaskro rai djiwas, shunan le ap o baro Debleste.

Čačepangre 2:18 Iomraidhean Croise

1. Mose 6:6

Kova doukas les an leskro dji. Oun o baro Debles khaytas, kay kras yob i menshen ap i phoub.

2. Rajengro liil 13:4

Palle mangas o Yoakaz o baro Debles i ropaskri golyah, oun o baro Devel shounas les. Yob dikas, har o Israel tele rikedo vas, oun har o baro ray pral o them Syria lenge o djipen phares kras.

Debleskri gili 12:5

oun penenna: “Mer hayvah te rakrell. Maro rakepah ham zoreles. Koon hi o pralstouno pral mende?”

Debleskri gili 90:13

Baro Devel, har rah kameh te rhoyreh tout ap mende? Dik pale lačes ap mende, tire boudepangre!

2. Mose 2:24

Oun yob shounas lengri gole, oun bistras gar ko lab, hoy das yob o Abraham, o Isaak, oun o Yakob, te vell lo lengro Devel oun yon peskre menshe.

2. Mose 3:12

Koy penas o Devel: “Me hom pash toute. Te anal tou mire menshen dran o them Egiptia vin, palle djan t'mer pash kay berga oun marenn kate firhen mange. Kova hi i sikepen, te bičrom me tout.”

2. Mose 32:14

Koy rikras pes o baro Devel pale oun moukas gar koy bari bibarht pral peskre menshende te vell.

Hosea 11:8

Har nay moukaus me toutar, Efrayim, har nay daus tout an o vast kolendar, kay marenn tout, Israel? Kraus me touha, har krom kol foryentsa Adma oun Seboyim? Na-a, kova phagals miro dji! Tou khayteh man yaake!

Jona 3:10

Har o Devel dikas, hoy yon kran, har moukan le pengre čilače dromma, kote khaytas o Debles koy bibarht, hoy kamas lo pral lende te anell, oun yob kras les gar.

4. Mose 10:9

Te perenn vavar menshe an t'maro them dren oun kamenn ray pral t'mende te vell, oun t'mer djan an o kourepen, te kourenn t'men lentsa, palle hounte phourdenn zoreles an i phourdepangre, te venn t'mer t'maro baro Debleske an o shero. Oun yob lell t'men vin dran lengre vasta.

5. Mose 32:36

Čačepah o baro Devel dell peskre menshende lengro čačepen. Te dikell lo, har leskre boudepangre nashran pengri zoor, khaytenn le les. Te dikell lo, har kek ap lengri rig hi, krell yob peskro dji lenge pre.

Josua 1:5

Kek nay vell zorleder har tou, yaake rah har tou djiveh. Yaake har me o Moseha homs, yaake vau me touha. Me moukau tout gar, oun me djau gar toutar.

Čačepangre 10:16

Oun yon vitsran kol vavar deblen pendar krik oun mangan o baro Debles an. Koy khaytas les, te vell o Israeleske yaake pharo kerdo.”

Čačepangre 11:32

Oun yaake djas o Yefta ap i vavar rig o panyestar pash i Ammonarya, oun kouras pen lentsa. Oun o baro Devel das len an leskro vast.

Čačepangre 2:19

Pal leskro merepen peran le pale o čačo dromestar tele, oun kran les gomme djoungleder har pengre phoure kova kran, oun nashan vavar deblenge palla, oun vitsran pen glan lende tele, oun mangan len an. Oun moukan pen kekestar ko čilačo dromestar tele te anell. Pal pengre shere djan le pengro drom.

Čačepangre 3:9

Koy dan le ap o baro Debleste gole, te lell yob len dran koleskre vasta vin. Oun o baro Devel moukas i morshes pre te stell, kay lenge ap i rig vas. Kova his o Otniel, koleskro dad o Kenas his. Koleskro phoureder phraal his o Kaleb.

Čačepangre 6:12

Kote sikras pes ko baro Debleskro bolepaskro leske, oun penas ap leste: “O baro Devel hi touha, tou čačo morsh oun kourepaskro!”

Čačepangre 6:16

Kote penas o baro Devel ap leste: “Me djau touha, oun tou mareh i Midianarya, har te vans le yek morsh.”