Čačepangre 2:1 - O Debleskro Lab 2024 (Sinte-Manouche)

¹ Oun o baro Debleskro bolepaskro vas dran o foro Gilgal pre ap koy platsa, hoy kharella Bokim, oun penas: “Me lom t'men dran o them Egiptia vin, oun anom t'men an kava them, yaake har man sovel dom glan t'mare phoure dadende, te dau les t'mende. Oun me penom, te rikrap hako tsireske miro lab, hoy t'mende dom.

O Debleskro Drom 2021 (Sinte)

¹ Un o baro Debleskro bolepaskro was dran o foro Gilgal pre ap koi platsa, hoi kharella Bochim, un penas: “Me lom tumen dran o them Egiptia win, un anom tumen an kau them, jaake har man sowel dom glan tumare phure dadende, te dau les tumende. Un me penom, te rikrap hako tsireske miro lab, hoi tumende dom.

Čačepangre 2:1 Iomraidhean Croise

1. Mose 12:7

Oun o baro Devel moukas pes o Abramestar te dikell, oun penas ap leste: “Tire čaven oun kolengre čaven oun lauteren, kay pal toute venna, kolen kamau kava them te dell.” Koy kras o Abram i rhačepaskri o baro Debleske, kay venn firhe leske rhačedo – kote, kay o Devel moukas pes lestar te dikell.

1. Mose 16:13

Koy poučas i Hagar pestar: “Dikom me čačepah o Debles, kay man dikell?” Oun yoy das o baro Debles, kay lah rakras, ko lab Tou hal i Devel, kay man dikell.

1. Mose 48:16

ko bolepaskro, kay las man vin dran hako čilačepen, kova mou čivell peskri barht oun zoor ap kol čavende, te djivell miro lab doureder an lende, ninna o lab miro papestar Abraham oun miro dadestar Isaak. Oun lendar venna boud menshe ap i phoub.

Debleskri gili 89:3

Kova hi hoy me penau: Hako tsireske ačell leskro lačepen, yaake rah har dell o bolepen, rikrell yob peskro lab.

Debleskri gili 89:34

Miro lačepen lau lendar gar krik, oun miro lab, hoy len dom, phagau me gar.

2. Mose 14:14

O baro Devel kourell pes t'menge. T'mer hounte krenn či.”

2. Mose 14:19

Oun o Debleskro bolepaskro, kay djal glan i Israelitarya, stas pre oun djas pal lende. Oun koy bari folka glan lende hadas pes, oun čivas pes pal lende yaake,

2. Mose 20:2

Me, o baro Devel, hom tiro Devel, koon tout vin las dran o them Egiptia, kay tou i pandlo boudepaskro hals.

2. Mose 23:20

Me bičrau i bolepaskro glan t'mende, koon dell yak ap t'mende ap o drom, hoy t'mer djan. Oun kova anell t'men an ko them, hoy me t'menge vi-rodom.

2. Mose 33:14

O Devel penas: “Me djau glan toute oun anau tout an i them, kay tou khere hal.”

Jesaja 63:9

dran ko tselo pharo koova, hoy ap lende čiddo his. Kek vavar, kek bolepaskro oun kek bičepaskro vas lenge ap i rig. Na-a yob kokres vas, oun las len dran kova lauter vin. Dran leskro tselo dji kamas lo len oun his lenge lačes. Doleske las lo len koy vin, hadas len pre, oun hidjras len hake divessa an ko phouro tsiro.

Jeremia 14:21

Biče men gar toutar krik, te vell gar djoungeles rakedo pral toute! Mouk kek te sal pral Yerusalem, kay tiri rayli beshepaskri tardo hi! Ma biste, hoy tou mentsa vin kral, oun le tire laba gar pale!

3. Mose 26:42

palle kamau koy sovel, hoy o Yakobeske dom, gar bistrell, vitar gar koy sovel, hoy o Isaakeha dren djom, oun koy sovel, hoy o Abrahameha krom. Oun bistrau gar, te penom lenge, te dap o them lengre čavenge, kay pal lende venna.

3. Mose 26:44

Ninna te hi le an o them kolendar, kay lan len pandles, hi kova gar yaake, te rissroms man krik lendar, oun kamoms či bouder lendar te djinell. Me moukau len gar lauter te merell. Miri sovel, hoy lende dom, phagau gar. Me, o baro Devel, hom lengro Devel.

Zakarie 11:10

Me lom miro kasht, hoy kharom lačepen oun phagom les. Yaake sikrom, kay phagom koy sovel, hoy o baro Devel dren djas i tsele menshentsa Israel,

Maleachi 3:1

O baro Devel, ko ray pral o bolepen oun i phoub penell: Denn yak, me bičrau miro bičepaskres! Yob krell glan mande o drom yaake, har mange mishto hi. Oun ko ray, kolestar t'mer penenn, te rodenn les, kova vell sik pash peskro kheer. Ko bičepaskro, kay t'mentsa pral kova rakrell, hoy t'mentsa vin krom, ap koleste t'mer t'maro tselo djiyeha dikenna, yob hi gar dour.

4. Mose 14:34

Star-deesh divessa dikan t'men trouyel, har ko them hi, oun star-deesh bersha hounte hidjrenn t'mari doosh: yek bersh hako diveske, te hayvenn t'mer har kova hi, te tserdau miro vast t'mendar krik.

5. Mose 1:8

Kava tselo them čivom me glan t'mende, djan t'mer koy, oun lenn les t'menge dren! Kova hi ko them, kolestar o baro Devel t'mare phourende, o Abrahameste oun o Isaakeste oun o Yakobeste pes sovel das, te dell lo les lende oun lengre čavende oun kolende, kay pal lende venna.

5. Mose 4:34

Kek vavar devel djas oun las peske menshen vin dran i vavar them, har yob kras, har las lo t'men vin dran o them Egiptia. Yob sikras peskri bari zoor oun kras sau koova, hoy kek vavar nay krell, oun anas boud bibarht ap i Egiptaryen. Yob kouras pes t'menge. Peskro zorelo vasteha oun peskri pre-hadedi moussyah las lo t'men vin, oun kras i Egiptarenge bari daar. Kova lauter dikan t'mer.

5. Mose 7:9

Djinenn: t'maro baro Devel hi kokres o čačo Devel. Yob rikrell peskro lab, oun hoy lo t'mentsa vin kras. Lačepen oun kamlepen dell lo kolende, hoy les o djiyestar kamenn oun krenn, hoy lo penell. Ninna lengre čavenge, kay pal lende venna, hi lo lačo, yaake rah har seri familye yek pal i vavar djivenn.

Josua 3:10

Ap kava dikenn, te hi o djido Devel mashkral t'mende, oun te tradell lo glan t'mende i Kanaanitarya vin, ninna i Hetarya, i Hivarya, i Perisarya, i Girgasharya, i Amorarya oun i Yebousarya.

Čačepangre 11:24

Hi gar yaake? Te tradals tiro Devel, o Kemosh, vavar menshen dran lengro them vin, lals tou palle gar kolengro them dren? Mouk men ko them dren te lell kolendar, kay maro baro Devel glan mende vin tradas!

Čačepangre 13:2

An ko tsiro djivas i morsh an o foro Zora. Kova his dran o kheer Dan. Koleskro lab his Manoa. Oun leskri romni nay las kek čaven.

Čačepangre 13:3

Oun o bolepaskro o baro Deblestar moukas pes latar te dikell oun penas ap late: “Tou djineh, te nay leh kek čaven. Kanna djiness, tou veh vavarčandes oun leh i morsh čaves.

Čačepangre 2:5

Oun yon penan ap koy platsa Bokim. Oun yon anan kote o baro Debleske firhen, te rhačrenn le len leske.

Čačepangre 6:8

kote bičras o baro Devel i Debleskro rakepaskro pash lende. Oun kova penas lenge: “Kava penell o baro Devel, o Devel pral o Israel: Me anom t'men dran o them Egiptia vin, kay t'mer pandle boudepangre hans,