Čačepangre 19:1 - O Debleskro Lab 2024 (Sinte-Manouche)

¹ An ko tsiro kay kek baro ray an o Israel das, djivas dour palla an i berge Efrayim i Levitari. Kova his romedino oun las peske i douyti djouvel koy pashel. Koya vas dran Betlehem an Youda.

O Debleskro Drom 2021 (Sinte)

¹ An ko tsiro kai kek baro rai an o Israel das, djiwas dur palla an i berge Efrajim i Levitari. Kowa his romedino un las peske i duiti djuwel koi pashel. Koja was dran Betlehem an Juda.

Čačepangre 19:1 Iomraidhean Croise

1. Mose 22:24

Oun les his ninna i vavar romni. Lakro lab his Rehouma. Koya las ninna čave. Kolengre laba hi: Teba, Gaham, Tahash oun Maaka.

1. Mose 25:6

Oun kol čaven, kay leskre vavar romyendar bolde van, das o Abraham kouč koova pestar. An ko tsiro har yob djivas, bičras lo len dour krik peskro čavestar Isaak an ko them, hoy kote čiddo hi, kay o kham pre-djala.

1. Mose 35:19

Oun i Rachel meras oun vas paskedo ap o drom pash o foro Efrata. Kova hi kanna Betlehem.

2. Samuel 16:22

Oun yon čivan i plarhteno kheer pre o Absalomeske pral ap leskro kheer. Oun kote anan le o Davideskre djouvyen. Oun o Absalom sovas kol djouvyentsa peskro dadestar. Oun o tselo Israel dikas kova.

2. Samuel 19:5

O baro ray čakras peskro mouy, oun das zoreles gole: “Mo čavo Absalom, Absalom, mo čavo, mo čavo!”

2. Samuel 20:3

Har o baro ray David khere vas an o foro Yerusalem, las yob peskre deesh vavar djouvyen, kay moukas lo koy, te denn le garda ap o kheer, oun anas len an i vavar kheer, hoy pandlo hi. Oun yob dikas, te djal lenge mishto. Dren pash lende djas lo gar. Yaake his yon dren klidedo, bis te yon meran, oun djivan har djouvya, kolengro rom meras.

2. Samuel 3:7

O Saules his i douyti romni. Koya kharas Rizpa. Lakro dad his o Aya. His i dives, kay penas o Ish-Boshet ap o Abner: “Hoske soval tou koy douyti romyah miro dadestar?”

2. Samuel 5:13

Har moukas o David o foro Hebron oun djivas an o foro Yerusalem, las lo peske boudeder romyen oun ninna vavar djouvyen. Oun leske van boudeder čave oun ča boldo.

1. Rajengro liil 11:3

Oun les his 700 (efta-sheel) romya, kay van dran rayengre khera, oun 300 (triin-sheel) vavar djouvya. Oun leskre djouvya rissran leskro dji.

1. Rajengro liil 4:8

Kolla his kol morsha: O Ben-Hour his o pralstouno pral i berge Efrayim.

2. Familjakro liil 11:21

O Roboam kamas i Maaka, kolakro dad o Abishalom his, boudeder har leskre tsele romyen oun vavar djouvyen. Les his 18 (deesh-te-orhta) romyen oun 60 (shob-deesh) vavar djouvyen. Oun yob vas o dad 28 (biish-te-orhta) morsh čavendar oun 60 (shob-deesh) čendar.

Ester 2:14

Ap i rat djas li dren oun taysarlake djas li palle an i vavar djouvyengro kheer, tel i vasta ko pralstunestar, kay kharas Shaashgas. Kova das ap kol djouvyende yak, kay o baro rayeskre vavar djouvya his. Oun kek kol djouvyendar vas i douyto kopo pash o baro rayeste, kokres kolla, kay his shoukar an leskre yaka, oun kolen yob moukas pash pengro lab te kharell.

Daniel 5:3

Oun kote anan le kol sonakangre oun roupene khore, hoy čoredo van dran o Debleskro kheer an o foro Yerusalem. Oun o baro ray oun leskre bare morsha oun leskre romya oun vavar djouvya piyan dran kol khore.

Maleachi 2:15

Kek krals sau koova, te vals i tikno kotar foun miro dourho an leste. Yob kamals čave te lell, kay o Debleske koy hi. Doleske denn yak an t'mare djia, te rhorhell oun moukell kek t'mendar peskri romyat!

Mateo 2:6

Tou, o foro Betlehem, hoy an o them Youdea čiddo hi, tout hi i baro lab mashkral i tsele forya an o them Youdea. Dran toute vella ko baro ray, kay ap mire menshende, o Israel, garda della, yaake har i bakrengro ray garda della ap peskre bakre.”

Josua 24:30

Oun yob vas paskedo ap peskro kotar phoub, hoy leske dino vas, an o foro Timnat-Zera, hoy ap i berge Efrayim čiddo hi, ap i nordetikri rig i bergatar Gaash.

Josua 24:33

Ninna o Elazar, koleskro dad o Aron his, meras oun vas paskedo an o foro Gibea. Kova his ko foro, hoy leskro čaveske, o Pinhas, dino vas ap i berge Efrayim.

Čačepangre 12:8

Oun pal leste vas o Ibzan dran Betlehem o čačepaskro ray pral o Israel.

Čačepangre 17:1

Oun kote his i morsh ap i berge Efrayim, koleskro lab his Mika.

Čačepangre 17:6

Oun an ko tsiro his kek baro ray pral o them Israel. Oun hakeno kras yaake, har mishto his an peskre yaka.

Čačepangre 17:7

An ko tsiro djivas i terno morsh i menshendar Youda an o foro Betlehem an o them Youda. Oun kova his i Levitari.

Čačepangre 17:8

Ko morsh djas vin dran o foro Betlehem, te rodell lo i kheer, kay nay ačell lo. Har djas lo yaake ap peskro drom, vas lo ap i berge Efrayim pash o kheer, kay o Mika djivas.

Čačepangre 18:1

An ko tsiro das kek baro ray pral o them Israel. Oun kol menshende dran o kheer Dan vas gomme gar pengro them dino, mashkral pengre phralende, kol vavar Yakobeskre čavende. Doleske rodan le penge i them, kay le nay djivans.

Čačepangre 18:13

Oun kotar djan le doureder ap i berge Efrayim oun van pash o kheer, kay o Mika djivas.

Čačepangre 19:16

Koy vas i phouro morsh khere foun peskri boudi ap peskri harhetikri phoub. Oun ko morsh his ninna dran i berge Efrayim oun his i vi-themari an o foro Gibea. I vavar menshe an kava foro his Benyaminarya.

Čačepangre 19:2

His i dives, kay moukas li peskro romes, oun nashas lestar pash peskro dadeste an o foro Betlehem an o them Youda, oun his kote star čonna.

Čačepangre 21:25

An ko tsiro his kek baro ray pral i Israelitarya. Hakeno kras, hoy an leskre yaka mishto his.

Čačepangre 3:27

Oun har lo kote vas an o pralstouno them Efrayim, phourdas lo an i phourdepaskri, te kharell lo i Israelitaryen khetne o kourepaske. Oun yon djan leha i berga tele. Oun yob djas glan lende,