Čačepangre 18:4 - O Debleskro Lab 2024 (Sinte-Manouche)

⁴ Oun yob penas lenge, hoy o Mika leha vin kras, te vas lo leskro rashay oun te playsrell les o Mika koleske.

O Debleskro Drom 2021 (Sinte)

⁴ Un job penas lenge, hoi o Micha leha win kras, te was lo leskro rashai un te plaissrell les o Micha koleske.

Čačepangre 18:4 Iomraidhean Croise

Gosewe laba 28:21

Te dikeh lačeder ap o braveleste har ap o čorveleste, hi kova gar mishto. I kotar mareske nay anell i morsh doosh ap peste.

Jesaja 56:11

Boud rhapen kamenn le, oun lenn gar doha. Yaake hi kolla, kay ap mire menshende yak denn. Yon hayvenn či, hakeno dikell ap peste kokres, oun rodell, har nay anell lo peskre love khetne.

Ezekiel 13:19

T'maro dourkepah anenn t'mer ladj ap mande glan mire menshende, te lenn i vast pherdo djob oun i kotar maro. Mire menshenge penenn t'mer rhorhene laba. Oun yon kamenn te shounell ap rhorhepen. T'maro rhorhepah anenn t'mer save menshen an o merepen, kay hounte merans gar, oun krenn, te ačenn save djido, kay hounte merans.

Maleachi 1:10

Kamaus, te vals yek t'mendar koy, kay krals o voudya an miro kheer pandles, te krenn t'mer gar čičeske i yag ap miri rhačepaskri! Man hi doha t'mendar, penell o baro Devel, ko ray pral o bolepen oun i phoub. Oun kol marede firhe, hoy mange anenn, hi mange gar mishto.

Bičepangre 20:33

T'mer djinenna: Me mangom kekestar t'mendar čomone: kek sonakay, kek roup, kek an-ripaske. Mire vastentsa boudrom, te vell man oun kolen, kay pash mande hi, te rhal.

1. Timoteo 3:3

Yob hi kek pipaskro. Yob hi kek marepaskro. Les hi i baro dji i vavarenge. Yob hi kek čingepaskro. Yob hi gar pal i love.

Tito 1:11

Tou pandess lengro mouy! Yon sikrenn i menshende i drom, hoy gar čačo hi. Kova krenn le, te vell len boudeder love. Yaake djinenn tsele familye bouder gar, hoy te patsenna.

2. Petro 2:3

Kol rhorhene sikepangre kamenn t'men rhorhene labentsa ap pengri rig te anell, te lenn le love t'mendar. O Debleskri rholi vell čačepah pral lende, oun lengri bibarht vella sik.

Čačepangre 17:10

Koy penas o Mika ap leste: “Ač pash mande, oun ab miro rashay oun pen mange, hoy o Devel mandar kamell. Oun me dau tout koleske an o bersh deesh roupene love, ninna kova, hoy an-ripaske tout hounte vell, oun rhapen oun pipen.”

Čačepangre 17:12

Oun o Mika das les koy boudi, te vell lo leskro rashay. Oun yob ačas an o Mikaeskro kheer.

Čačepangre 18:3

Oun har le kote his, peras lenge pre havo rakepen ko terno morsh rakras, ko Levitari. Oun yon djan pash leste oun poučan lestar: “Koon anas tout kay? Hoy kreh tou kate? Oun hoy hi tout kolestar?”

Čačepangre 18:5

Oun yon mangan les: “Pouč o Deblestar, te djinas: Hi kava drom, hoy mer kate djah, ninna o čačo drom?”