Čačepangre 18:3 - O Debleskro Lab 2024 (Sinte-Manouche)

³ Oun har le kote his, peras lenge pre havo rakepen ko terno morsh rakras, ko Levitari. Oun yon djan pash leste oun poučan lestar: “Koon anas tout kay? Hoy kreh tou kate? Oun hoy hi tout kolestar?”

O Debleskro Drom 2021 (Sinte)

³ Un har le kote his, peras lenge pre hawo rakepen ko terno mursh rakras, ko Levitari. Un jon djan pash leste un putchan lestar: “Koon anas tut kai? Hoi kreh tu kate? Un hoi hi tut kolestar?”

Čačepangre 18:3 Iomraidhean Croise

1. Mose 27:22

Kanna djas o Yakob glan peskro dadeste Isaak. Oun o Isaak tapras les an oun penas: “Te rakreh, shounau o Yakobes. Kal moussya hi o Esaeskre moussya.”

Jesaja 22:16

Koneske rikreh tout? Oun koon dell tout o čačepen, te moukeh tou touke kate i moulengro kheer te krell, oun moukell les an i baro bar vin te dell, yek kheer, hoy baro hi oun dour an i bar djal.

Mateo 26:73

Oun pal i tikno tsiro van kolla pash o Petreste, kay kote tardo hi, oun penan ap leste: “Čačepah, tou hal ninna yek kolendar. Tiro rakepen phoukrell ap toute.”

Čačepangre 12:6

palle penan le ap leste: “Pen Shibbolet!” Oun te nay rakras lo les gar čačes vin oun penas “Sibbolet”, palle lan le les, oun dan les kote pash o Yordan moulo. Oun yaake van an ko tsiro 42.000 (star-deesh-te-douy zerya) morsha dran Efrayim moulo dino.

Čačepangre 18:2

Oun i morsha dran o kheer Dan rodan panč morshen pengre menshendar vin, čače morshen dran i forya Zora oun Eshtaol, oun bičran len, te dikenn le pen an o tselo them trouyel oun rodenn, kay le nay ačens. Oun yon penan ap lende: “Djan koy, rodenn an o tselo them, kay nay ačah.” Oun yon van an i berge Efrayim an o kheer, kay o Mika djivell, oun yon ačan kote pral i rat.

Čačepangre 18:4

Oun yob penas lenge, hoy o Mika leha vin kras, te vas lo leskro rashay oun te playsrell les o Mika koleske.