Čačepangre 18:2 - O Debleskro Lab 2024 (Sinte-Manouche)

² Oun i morsha dran o kheer Dan rodan panč morshen pengre menshendar vin, čače morshen dran i forya Zora oun Eshtaol, oun bičran len, te dikenn le pen an o tselo them trouyel oun rodenn, kay le nay ačens. Oun yon penan ap lende: “Djan koy, rodenn an o tselo them, kay nay ačah.” Oun yon van an i berge Efrayim an o kheer, kay o Mika djivell, oun yon ačan kote pral i rat.

O Debleskro Drom 2021 (Sinte)

² Un i mursha dran o kheer Dan rodan pantch murshen pengre menshendar win, tchatche murshen dran i forja Zora un Eshtaol, un bitchran len, te dikenn le pen an o tselo them trujel un rodenn, kai le nai atchens. Un jon penan ap lende: “Djan koi, rodenn an o tselo them, kai nai atchah.” Un jon wan an i berge Efrajim an o kheer, kai o Micha djiwell, un jon atchan kote pral i rat.

Čačepangre 18:2 Iomraidhean Croise

1. Mose 42:9

Oun kova, hoy yob lendar souni das, vas an leskro shero. Oun yob penas ap lende: “T'mer han phoukepangre oun kamenn te dikenn, har zorelo o them hi. Dran kova han t'mer kay.”

Gosewe laba 20:18

Rake i vavarentsa pral kova, hoy touke glan lal, te vell kova mishto. Kova hounte kress, hoy tout ninna glan hi, har boud boudeder te kameh i kourepen te krell.

4. Mose 13:17

Oun o Mose bičras len, te hatsenn le vin har ko them Kanaan hi. Oun yob penas ap lende: “Djan koy pre an o moulo tato them Negev, oun palle djan ap o pralstouno them!

Louka 14:31

Te kamell i baro ray an o kourepen te djal i vavar baro rayeha, hounte poučell lo pestar: Hom me zorelo doha mire deesh zerya lourdentsa, te kourap man ko vavar baro rayeha, kay biish zerya lourde pash leste hi?

Josua 15:33

An o telstouno them his i forya: Eshtaol, Zora, Ashna

Josua 19:41

Oun an kava them his kal forya: Zora, Eshtaol, Ir-Shemesh,

Josua 2:1

Oun har yon ap i platsa Shittim his, bičras o Yosua, koleskro dad o Noun hi, čorrhanes douy morshen vin oun penas ap lende: “Djan oun dikenn, har zorelo o them hi, ninna o foro Yericho!” Koy djan le oun van an i kheer, kay i loubni djivas. Koya kharas Rahab. Oun yon djan dren, te ačenn le kote pral i rat.

Josua 2:2

An kay rat vas o baro rayeske pral o foro Yericho penlo: “Shoun, an kaya rat van morsha kol menshendar Israel an o foro, te dikenn le čorrhanes, har zorelo maro them hi.”

Čačepangre 13:2

An ko tsiro djivas i morsh an o foro Zora. Kova his dran o kheer Dan. Koleskro lab his Manoa. Oun leskri romni nay las kek čaven.

Čačepangre 13:25

Oun o dourho o baro Deblestar vas ap leste o ersto kopo, har his lo ap i platsa Makaneh-Dan mashkral i forya Zora oun Eshtaol.

Čačepangre 16:31

Oun leskre phrala oun i tsele morsha dran leskro dadeskro kheer van koy tele, oun hadan les pre oun anan les pre oun paskran les an o moulengro kheer peskro dadestar Manoa, hoy čiddo hi mashkral i forya Zora oun Eshtaol. O Simson his biish bersha o čačepaskro ray pral o Israel.

Čačepangre 17:1

Oun kote his i morsh ap i berge Efrayim, koleskro lab his Mika.

Čačepangre 18:11

Koy djan shob-sheel Danarya dran Zora oun Eshtaol an o kourepen. Oun hakenes lendar his leskro rharo troul peste pandlo.

Čačepangre 18:13

Oun kotar djan le doureder ap i berge Efrayim oun van pash o kheer, kay o Mika djivas.

Čačepangre 18:3

Oun har le kote his, peras lenge pre havo rakepen ko terno morsh rakras, ko Levitari. Oun yon djan pash leste oun poučan lestar: “Koon anas tout kay? Hoy kreh tou kate? Oun hoy hi tout kolestar?”

Čačepangre 18:8

Oun kol panč bičepangre djan pale pash pengre phralende an i forya Zora oun Eshtaol. Oun lengre phrala poučan len: “Hoy hatsan?”

Čačepangre 19:1

An ko tsiro kay kek baro ray an o Israel das, djivas dour palla an i berge Efrayim i Levitari. Kova his romedino oun las peske i douyti djouvel koy pashel. Koya vas dran Betlehem an Youda.

Čačepangre 19:18

Oun yob penas ap leste: “Mer ham ap o drom dran o foro Betlehem an Youda, oun kamah dour an i berge Efrayim te djal, kay khere hom. Oun me djom tele an o foro Betlehem an o them Youda. Oun djau kanna pale an miro kheer. Oun kate an kava foro dell kek, kay man an peskro kheer pre lals, na-a, kek.