Čačepangre 17:4 - O Debleskro Lab 2024 (Sinte-Manouche)

⁴ Yob kamas gar oun das ko roup peskri date pale pale. Koy las leskri day 200 (douy-sheel) roupene love, oun das len ko morshes, kay shoukar koova dran sonakay krella. Oun kova kras i kashteni figura, oun čoras roup pral kolate. Oun koy figura vas čiddo an o Mikaeskro kheer.

O Debleskro Drom 2021 (Sinte)

⁴ Job kamas gar un das ko rup peskri date pale pale. Koi las leskri dai 200 (dui-sheel) rupene lowe, un das len ko murshes, kai shukar koowa dran sonakai krella. Un kowa kras i kashteni figura, un tchoras rup pral kolate. Un koi figura was tchiddo an o Michaeskro kheer.

Čačepangre 17:4 Iomraidhean Croise

Jesaja 30:22

Palle dikenn t'mer ap t'mare roupene oun sonakangre figure har ap čomone, hoy pale-čiddo hi. Krik kolentsa penenn t'mer oun vitsrenn len krik har čik.

Jesaja 44:13

Oun ko boudepaskro, kay o kashteha boudrell, lell i kotar kasht, dikell pal, har baro kova hi, oun činell glan, hoy lo i čouryeha palle vin činell. Oun yob krell dran ko kasht i figura, te vell li tardo an i kheer. Koy figura dikell vin har i mensho, ava, har i shoukar mensho.

Habakuk 2:18

Hoy vell touke palle ap i rig? I figura dran kasht oun saster, hoy i morsh peskre vastentsa kras? Kova hi rhorhepen! Har nay patsell yek ap i devel, hoy nay rakrell gar, oun koles yob peskre vastentsa kras?

5. Mose 27:15

“Praasedo vell kova, kay krell pes i sasterni figura, ninna i kashteni figura, te mangell lo lat čorrhanes an! Savi figura kerdi mensheskre vastentsa hi djoungeles glan o baro Debleskre yaka.” Oun i tsele menshe hounte penenn: Amen!

Čačepangre 17:3

Oun yob das kol 1.100 (yek-sero-yek-sheel) roupene love peskri date pale pale. Oun leskri day penas: “Me dau ko roup o baro Debleste, te vell kek bibarht ap toute, miro čaveste. Kol loventsa te vell i kashteni figura kerdo, pral kolate roup čoredo hi.”

Čačepangre 17:5

Ko morshes Mika his i debleskro kheer peske oun peskri familyake. Oun yob kras i rashayeskri damdira oun khereskre debla, oun rodas yek peskre čavendar vin, te vell lo leskro rashay.