Čačepangre 17:2 - O Debleskro Lab 2024 (Sinte-Manouche)

² Oun kova penas ap peskri date: “Me shounom, kay rakral bibarht pral koleste vin, kay čoras touke kol 1.100 (yek-sero-yek-sheel) roupene love. Dik, ko roup hi pash mande. Me kokres lom les.” Koy penas leskri day: “O baro Debleskri barht pral toute, miro čavo!”

O Debleskro Drom 2021 (Sinte)

² Un kowa penas ap peskri date: “Me shunom, kai rakral bibacht pral koleste win, kai tchoras tuke kol 1.100 (jek-sero-jek-sheel) rupene lowe. Dik, ko rup hi pash mande. Me kokres lom les.” Koi penas leskri dai: “O baro Debleskri bacht pral tute, miro tchawo!”

Čačepangre 17:2 Iomraidhean Croise

1. Mose 14:19

Oun yob sharas o Abrames oun penas: “Tou, Abram, ap toute hi čiddo i zoor oun i barht ko Deblestar, kay hi o Devel pral halauter oun kras o bolepen oun i phoub.

Nehemia 13:25

Oun me čingrom kol morshentsa, praasom len, oun dom ninna morshen lendar, oun tserdom lengre balla vin. Oun krom, te denn le pen sovel pash o Debleste, te denn le kek pengre čendar kol vavarengre čavende, oun lenn kek kolengre čendar penge oun pengre čavenge.

Debleskri gili 10:3

Yob sharell pes pral kova, hoy lo kamell te krell. Oun kova, kay i meen gar pherdo lell, praasella o baro Debles oun sal pral leste.

2. Mose 20:7

Ma le miro lab baro Devel čičeske an tiro mouy! Me, o baro Devel, hom tiro Devel oun dau i phagi hakenes, koon kova krella.

Gosewe laba 28:24

Koon peskro dades oun peskri dat vi-randell oun penell kova hi kek doosh, savo hi gar feteder har i čorepaskro.

Jeremia 48:10

Praasedo hi, koon o baro Debleskri boudi čiddo moukell; praasedo hi, kay rikrell leskro rharo pale, te marell lo gar!

Mateo 26:74

Koy čingras lo, das pes sovel, oun penas ap lende: “Me prindjrau kava morshes gar!” Oun sik koy pre das o bashno gole.

1. Korintarja 16:22

Koon o Yezouses, maro rayes, gar kamella, ap koleste vell i bibarht! Maranatha!

5. Mose 27:16

“Praasedo vell kova, hoy ap peskro dadeste oun peskri date tele dikell!” Oun i tsele menshe hounte penenn: Amen!

2. Johanni 1:11

Koon les parkrella, koles hi ninna doosh ap leskro čilačo koova, hoy yob krella.

Čačepangre 17:1

Oun kote his i morsh ap i berge Efrayim, koleskro lab his Mika.

Čačepangre 17:3

Oun yob das kol 1.100 (yek-sero-yek-sheel) roupene love peskri date pale pale. Oun leskri day penas: “Me dau ko roup o baro Debleste, te vell kek bibarht ap toute, miro čaveste. Kol loventsa te vell i kashteni figura kerdo, pral kolate roup čoredo hi.”

Čačepangre 5:23

Praasenn o foro Meros, penas o baro Debleskro bolepaskro. Praasenn kolen, hoy an ko foro djivenn! Ava, praasenn len! Yon van gar ap o baro Debleskri rig, oun djan gar an o kourepen khetne kol čače morshentsa.

Ruth 3:10

O Boas penas: “O baro Debleskri barht vell ap toute, lači čay! Tou sikral, te rikreh tou pash tiri familya kanna gomme lačeder oun shoukeder har tou kova glanstounes kral. Tou nashal gar i terne morshenge palla – gar i bravelenge oun vitar gar i čorvelenge.

1. Samuel 14:24

O Saul das i Israelitaryen trad oun penas: “Bibarht pral koleste, kay rhal kava dives, yaake rah o kham gomme gar tele djas, oun me gar kolen lauteren pale dom, kay kaman man te marell.” Doleske his i morshen dran Israel bouder kek zoor i bokatar, oun o marepen vas lenge phares.

1. Samuel 14:28

Yek kol lourdendar penas leske: “Tiro dad das pes sovel oun das men trad oun penas: Bibarht te vell pral hakeneste, kay kava dives čomone rhal! Oun yaake his i morshen kek zoor bouder.”

1. Samuel 15:13

Oun har o Samuel pash o Saul vas, penas o Saul ap leste: “O baro Devel dell tout barht! Me krom lauter, hoy o baro Devel penas.”

1. Samuel 23:21

Oun o Saul penas: “O baro Devel mou dell t'men barht, kay kran t'mare djia mange pre.

1. Samuel 26:19

Oun kanna, miro ray oun pralstouno, shoun ap i laba, hoy me, tiro boudepaskro, rakrau. Te anas o baro Devel tout ap mande pre, palle vell leske i rhapen rhačedo, te djal leskri rholi krik. Te anan tout menshe ap mande pre, mou vell o Debleskri bibarht ap lende! Yon tradenn man vin dran o baro Debleskro them. Kova hi yaake har te penans le: Dja an i vavar them, oun mange vavar deblen an!