Čačepangre 17:10 - O Debleskro Lab 2024 (Sinte-Manouche)

¹⁰ Koy penas o Mika ap leste: “Ač pash mande, oun ab miro rashay oun pen mange, hoy o Devel mandar kamell. Oun me dau tout koleske an o bersh deesh roupene love, ninna kova, hoy an-ripaske tout hounte vell, oun rhapen oun pipen.”

O Debleskro Drom 2021 (Sinte)

¹⁰ Koi penas o Micha ap leste: “Atch pash mande, un ab miro rashai un pen mange, hoi o Dewel mandar kamell. Un me dau tut koleske an o bersh deesh rupene lowe, ninna kowa, hoi an-ripaske tut hunte well, un chapen un pipen.”

Čačepangre 17:10 Iomraidhean Croise

1. Mose 45:8

Yaake han gar t'mer, kay anan man kate. O Devel anas man kay. Oun yob kras man dad pral o baro rayeste an o them Egiptia oun ray pral koleskro tselo kheer oun pral o tselo them Egiptia.

2. Rajengro liil 13:14

Har o Elisa an i nasslepen čiddo his, ap kova lo ninna hounte meras, vas o Yoash, ko baro ray pral o them Israel, pash leste tele, oun rovas glan leste oun penas: “Miro dad, miro dad! Tou baro kourepaskro i Israelenge!”

2. Rajengro liil 2:12

O Elisa dikas kova oun das gole: “Miro dad, miro dad, tou baro kourepaskro i Israelenge!” Oun dikas les gar bouder. Koy tapras yob peskre koola oun phagas len an douy kotya,

2. Rajengro liil 6:21

Oun har ko baro ray pral Israel len dikas, penas yob ap o Elisa: “Tata, krap me len moulo? Kameh, te dap len moulo?”

Hiob 29:16

O čorveleske homs me har i dad, oun lom koleskro koova an o vast, kay i vi-themari his.

Jesaja 22:21

Oun rivau les an tiri kouč baya, oun tiro pereskro pandepen čivau leske trouyel. Oun lauter, pral kova tou ray hals, dau an leskro vast, te vell lo har i dad kolenge, kay an Yerusalem djivenn oun o tselo khereske Youda.

Ezekiel 13:19

T'maro dourkepah anenn t'mer ladj ap mande glan mire menshende, te lenn i vast pherdo djob oun i kotar maro. Mire menshenge penenn t'mer rhorhene laba. Oun yon kamenn te shounell ap rhorhepen. T'maro rhorhepah anenn t'mer save menshen an o merepen, kay hounte merans gar, oun krenn, te ačenn save djido, kay hounte merans.

Mateo 26:15

oun poučas lendar: “Kitse love denn man t'mer, te dau les an t'mare vasta?” Oun yon dan les triyanda roupene beme.

Johanni 12:6

Yob penas kova gar, te krell lo i čorvelenge lačo koova. Yob his i čorepaskro. Kol tsele love, hoy i menshe lende dan, his pash leste. Oun yob las peske kol lovendar čomone krik.

1. Timoteo 6:10

Koon pal i love hi, perell an hako čilačepen. His menshe koy, kay kaman i love yaake boud, kay peran le o Debleskro dromestar tele, oun doukran pen kokres.

1. Petro 5:2

Denn garda ap i patslende, kay o Devel peske khetne anas! T'mer han har i bakrengre. Oun o Debleskre čave hi har bakre, hoy o Devel an t'mare vasta das. Denn len kova, hoy len hounte vella, te ačell lengro patsepen djido! Krenn kova o tselo djiyestar! Yaake kamell les o Devel. Krenn kova gar, har te vals i phari boudi, hoy hounte krenn! Krenn koy boudi dran o kamlepen oun gar, te venn t'mer playsedo!

Čačepangre 17:11

Oun ko Levitari penas: “Ava, yaake hi mishto,” oun ačas pash o Mika. Oun koleske his lo har yek leskre čavendar.

Čačepangre 17:9

Oun o Mika penas ap leste: “Kay veh tou?” Oun yob penas ap leste: “Me hom i Levitari dran o foro Betlehem an o them Youda. Oun hom ap o drom, te djivap kote kay nay ačau.”

Čačepangre 18:4

Oun yob penas lenge, hoy o Mika leha vin kras, te vas lo leskro rashay oun te playsrell les o Mika koleske.

1. Samuel 2:36

Kova, kay dran tiro kheer pral ačas, vell palle pash leste oun vitsrell pes tele glan leste, te mangell lo peske i roupeni bema oun i kotar maro lestar, oun penell ap leste: “Mouk man rashayengre boudi te krell, te vell man i kotar maro te rhal.”