Čačepangre 15:11 - O Debleskro Lab 2024 (Sinte-Manouche)

¹¹ Kote djan triin zerya morsha dran Youda tele pash koy grotta pash Etam, oun penan ap o Simson: “Djineh tou gar, te hi i Filistarya pral mende ray? Hoske kral tou kova mentsa?” Oun yob penas ap lende: “Yaake har yon les mange kran, yaake krom me les lenge.”

O Debleskro Drom 2021 (Sinte)

¹¹ Kote djan triin serja mursha dran Juda tele pash koi grotta pash Etam, un penan ap o Simson: “Djineh tu gar, te hi i Filistarja pral mende rai? Hoske kral tu kowa mentsa?” Un job penas ap lende: “Jaake har jon les mange kran, jaake krom me les lenge.”

Čačepangre 15:11 Iomraidhean Croise

1. Familjakro liil 4:3

O Hour his o phoureder čavo o morshestar Kaleb oun leskro romyatar Efrata. Leskre čave kran o foro Betlehem. O Hour, les his triin čave: o Etam, o Penouel oun o Eser. O Etam, les his triin čave: o Yesreel, o Yishma, o Yidbash. Oun lengri pheen his i Hazlelponi. O Penouel kras o foro Gedor, oun o Eser kras o foro Housha.

3. Mose 26:25

Me moukau kourepen an t'maro them vin te phagell, oun dau t'men pale, te rikran gar dren, hoy mantsa vin kran. Oun te khatrenn t'mer t'men palle an t'mare forya, palle bičrau i pharo nasslepen mashkral t'mende, oun dau t'men an i vasta kolendar, kay kourenn pen t'mentsa.

5. Mose 28:13

Oun o baro Devel krell te vess tou, Israel, o shero oun gar i pori. Te shouneh tou ap i laba tiro baro Deblestar, hoy touke kay dives penau, palle veh tou baro oun bareder oun gar tikneder.

5. Mose 28:43

Kol vi-themarya, kay mank t'mende djivenn, venn zorleder oun zorleder pral t'mende. Oun t'mer nashrenn t'mari zoor pral lende.

Čačepangre 13:1

Oun i Israelitarya kran pale, hoy čilačes hi glan o baro Debleskre yaka. Oun o baro Devel das len an i vasta i Filistarendar. Oun kolla his i raya pral lende star-desha bersha.

Čačepangre 14:4

Leskro dad oun leskri day hayvan gar, te vas kova o baro Deblestar, kay i drom rodas, te nay perell lo ap i Filistarya. Kolla his i raya pral o Israel an ko tsiro.

Čačepangre 15:10

Kote poučan i morsha dran Youda: “Hoske djan t'mer ap mende pre?” Oun yon penan: “Mer kamah o Simsones te pandell, oun leha te krell, har yob mentsa kras.”

Čačepangre 15:12

Yon penan ap leste: “Mer ham kay, te pandas tout, oun te das tout an i vasta i Filistarendar.” Oun o Simson penas ap lende: “Denn t'men sovel, te perenn gar t'mer pral mande oun denn man temerl.”