Čačepangre 13:5 - O Debleskro Lab 2024 (Sinte-Manouche)

⁵ Ko čaves, kay leh, vell i morsh, kay o Debleske hi peskro tselo djipen foun ko dives, kay vell lo ap i phoub. Leskre balla venn gar činlo. Oun yob lell o Israel vin dran i vasta i Filistarendar.”

O Debleskro Drom 2021 (Sinte)

⁵ Ko tchawes, kai leh, well i mursh, kai o Debleske hi peskro tselo djipen fun ko diwes, kai well lo ap i phub. Leskre balla wenn gar tchinlo. Un job lell o Israel win dran i wasta i Filistarendar.”

Čačepangre 13:5 Iomraidhean Croise

2. Samuel 8:1

Pal yek tsiro kouras pes o David pale i Filistarentsa oun vas zorleder har yon, oun las o Israel dran lengre vasta vin, yaake te his kol Filistaryen bouder gar penepaske pral lende.

1. Familjakro liil 18:1

Pal kova kouras pes o David i Filistarentsa oun his zorleder har yon, oun las o foro Gat oun i gaba troul Gat dran lengro vast.

Amos 2:11

T'mare morsh čavendar rodom saven vin, kay van mire rakepangre. Oun t'mare terne morshendar rodom mange morshen vin, kay mange kokres koy hi. T'mer Israelitarya, penenn mange: Hi kova gar yaake? penell o baro Devel.

4. Mose 6:5

Yaake rah har yob koy sovel das, hounte vell gar leskro bal činlo, bis te ko tsiro trouyel hi, kay das yob pes an o baro Debleskro vast. Yob hi o Debleskro, oun hounte moukell peskro bal ap o shero lengsto te vell.

Louka 1:15

Oun yob vella bares glan o Debleskre yaka. Mool oun vavar zorelo pipen piyell yob gar. Oun har yob gomme gar boldo hi, hi lo pherdo Debleskro Dourho.

Čačepangre 16:17

Oun yob penas lake lauter, hoy an leskro dji hi, oun penas ap late: “An ko tselo tsiro, kay me djivau, van mire balla gar činlo. Yaake rah har boldo vom, hom me o Debleske dino. Te činell yek mire balla tele, palle djal i zoor mandar krik, oun me vau yaake har hako vavar morsh ninna.”

1. Samuel 1:11

oun das pes sovel oun penas: “Tou, baro Devel oun ray pral o bolepen oun i phoub, tou te dikeh kanna tiri čorveli boudepaskretsa an, oun bistreh lat gar, oun deh tiri boudepaskretsat i morsh čaves, palle dau me les toute o tselo tsiro, hoy yob djivella. Oun kek čouri vell ap leskre balla, hoy činals len tele.”

1. Samuel 7:13

Yaake peras i ladj ap i Filistarya. Oun yon van bouder gar an o Israeleskro them. Oun o vast o baro Deblestar his phares čiddo ap lende, yaake rah har o Samuel djivas.