Čačepangre 11:3 - O Debleskro Lab 2024 (Sinte-Manouche)

³ Oun yaake nashas o Yefta peskre phralendar, oun djivas an o them Tob. Oun pash leste van pale-čidde oun djan leha.

O Debleskro Drom 2021 (Sinte)

³ Un jaake nashas o Jefta peskre phralendar, un djiwas an o them Tob. Un pash leste wan pale-tchidde un djan leha.

Čačepangre 11:3 Iomraidhean Croise

2. Samuel 10:6

Har kol Ammonarya dikan, kay kran le o Davides moulo rhoyedo, ginan le lourden dran vavar themma: 20.000 (biish-zerya) Syrarya dran o foro Bet-Rehob oun dran o foro Soba, 1.000 (yek zero) lourde o baro rayestar pral o them Maaka, 12.000 (deesh-te-douy-zerya) lourde dran o them Tob.

2. Samuel 10:8

Oun kol Ammonarya djan vin an o kourepen, oun ačan tardo pash ko baro voudar lengro forestar. Kol Syrarya dran Soba, dran Rehob, dran Tob oun dran Maaka his kokres penge tardo ap i kotar phoub.

Bičepangre 17:5

I bibolde, kay gar ap o Yezouseste patsan, zilveran ap o Pauleste oun ap o Silaseste. Oun yon djan ap o drom, rodan čilače morshen, oun lentsa kran le i menshen an ko foro divyo. Oun yon djan pash ko kheer, kay djivas o Yason. Yon patsan, te vans o Paulo oun o Silas pash leste. Oun i bibolde oun i čilače kaman len dran o kheer vin te anell glan i tsele menshende.

Čačepangre 11:2

O Gileadeskri romni las ninna lestar morsh čave. Oun har kolla bares van, tradan le o Yefta pendar, oun penan ap leste: “Tou leh či, hoy maro dadestar hi, te hi lo moulo. Tou hal o čavo i vavar djouvyatar.”

Čačepangre 9:4

Oun yon dan les efta-deesh roupene kotya dran o kheer, kay mangan le o debles Baal-Berit an. Kol loventsa ginas o Abimelek divye depangre, hoy leske palla djan.

1. Samuel 22:2

Oun ninna van pash leste khetne boud vavar morsha. Mank lende his save, kay his palla-lino. Vavaren his siyaan, hoy nay playsran le gar. Vavaren his i pharo dji. Oun yob vas lengro pralstouno. Kolla lauter his yaake 400 (star-sheel) morsha.

1. Samuel 27:2

Yaake kras pes o David ap o drom peskre 600 (shob-sheel) morshentsa. Oun yon djan pash o baro rayeste pral o foro Gat. Leskro lab his Akish, koleskro dad his o Maok.