Čačepangre 11:11 - O Debleskro Lab 2024 (Sinte-Manouche)

¹¹ Kote djas o Yefta i phourentsa, kay van dran Gilead. Oun i tsele menshe čivan les pral pende, te vell lo lengro ray oun pralstouno. Oun kote an o foro Mispa penas o Yefta lenge glan o baro Debleste, hoy yob oun i pralstoune vin kran.

O Debleskro Drom 2021 (Sinte)

¹¹ Kote djas o Jefta i phurentsa, kai wan dran Gilead. Un i tsele menshe tchiwan les pral pende, te well lo lengro rai un pralstuno. Un kote an o foro Mizpa penas o Jefta lenge glan o baro Debleste, hoi job un i pralstune win kran.

Čačepangre 11:11 Iomraidhean Croise

2. Korintarja 3:5

Dran mari zoor nay krams mer mari boudi gar mishto. Kay boudi krah mer dran o Debleskri zoor. Oun kova, hoy hayvah, vell o Deblestar.

Jakobo 1:17

Lauter, hoy hi mishto oun lačo, vella o Deblestar an o bolepen. Yob kras o kham oun o čon oun i bolepangre momlia. Kolla krenn, te vell dives oun rat, oun yon venn yek tsiro diklo oun i vavar tsiro gar diklo. O Devel hi gar yaake. Yob ačell, har yob hi.

Jakobo 1:5

Te djinell yek t'mendar gar, hoy o Devel lestar kamella, palle nay mangell lo o Debles, te sikrell yob leste kova. O Devel hi lačo, oun yob dell o djiyestar, ninna te veh tou boud kope pash leste.

Josua 15:38

Dilan, Mispe, Yokteel,

Čačepangre 10:17

Oun i Ammonarya van khetne gole dino, oun čivan pengre plarhtene khera pre pash o foro Gilead. Oun i Israelitarya van khetne pash Mispa.

Čačepangre 11:12

Oun o Yefta bičras morshen pash o rayeste pral i Ammonarya, oun moukas leske te penell: “Hoy hi mank mande oun toute, te veh tou pash mande an miro them, te maress tout mentsa?”

Čačepangre 11:29

Kote vas o dourho o baro Deblestar pral o Yefta. Oun yob djas an o tselo them Gilead oun Manasse trouyel oun vas pale an o foro Mispe an Gilead. Oun kotar djas lo an o kourepen, te kourell lo pes i lourdentsa dran o them Ammon.

Čačepangre 11:34

Oun o Yefta vas pale an Mispa pash peskro kheer. Oun kote vas leskri čay vin, oun vas bashepah oun khelepah pash leste. Yoy his lauter, hoy les his. Les his kek vavar čay, vitar kek vavar čavo.

Čačepangre 20:1

Oun i tsele morshenge dran Israel his mishto, te venn le khetne glan o baro Debleste an o foro Mispa. Yon van dran o tselo them, hake rigyendar kotar pral, kay i menshe Dan djivenna bis tele pash o foro Beersheba, oun koy pashel dran o tselo them Gilead.

1. Samuel 10:17

Oun o Samuel moukas i Israelitaryen khetne gole te dell an Mispa, te venn le glan o baro Debleste.

1. Samuel 11:15

Oun yon lauter djan pre an Gilgal. Oun kote, pash o Debleskro kheer čivan le o Saules pral pende, te vell lo lengro baro ray. Oun kote maran le firhen o baro Debleske, oun kran i baro rhapen. Oun o Saul oun i tsele Israelitarya rhan oun piyan barhteles khetne.

1. Samuel 8:21

Oun o Samuel shounas lengre tsele laba, oun penas len o baro Debleske.