Bičepangre 9:40 - O Debleskro Lab 2024 (Sinte-Manouche)

⁴⁰ Oun o Petro tradas len vin, djas ap i čanga glan o Debleste, mangas o Debles, oun djas pash koy mouli djouvyate oun penas: “Tabita, ste pre!” Koy kras yoy peskre yaka pre. Har yoy o Petres dikas, beshas pes li pre.

O Debleskro Drom 2021 (Sinte)

⁴⁰ Un o Petro tradas len win, djas ap i tchanga glan o Debleste, mangas o Debles, un djas pash koi muli djuwjate un penas: “Tabita, ste pre!” Koi kras joi peskre jaka pre. Har joi o Petres dikas, beshas pes li pre.

Bičepangre 9:40 Iomraidhean Croise

2. Rajengro liil 20:11

Kote das o Debleskro rakepaskro, o Yesaya, ap o baro Debleste gole. Oun o baro Devel moukas koy khameskri kambana deesh kotya pale te djal. Koya his i kambana, hoy moukas o Ahas te krell.

Mateo 6:6

Tou te rakreh o Debleha, palle dja an tiri isema, klide o voudar pal toute, oun kote rake o Debleha! Oun o baro Devel, kay hi tiro dad an o bolepen, dikell tout kote. Oun yob dell o lačepen pale, hoy tou kral.

Mateo 9:25

Har kol tsele menshe vin glan o kheer his, djas lo dren, tapras koy čakro vast, oun koy čay djivas pale, oun stas pre.

Markus 9:25

Oun o Yezous dikas, kay nashan boud menshe pash leste khetne. Koy das lo ko benges trad, oun penas ap leste: “Tou beng, kay rakreh oun shouneh nashte gar, me penau touke: Dja vin lestar, oun dja bouder gar an leste dren!”

Louka 22:41

Oun o Yezous kokres djas i tikno kotar doureder, oun vitsras pes ap i čanga,

Louka 8:54

Oun o Yezous tapras lakro vast, oun penas ap late: “Čay, ste pre!”

Bičepangre 20:36

Har o Paulo kova penas, djas lo lauterentsa ap i čanga oun mangas o Debles lenge.

Bičepangre 21:5

Pal efta divessa djam mer doureder. Mentsa djan i phrala pengre romyentsa oun i čaventsa dran o foro vin pash o pani. Oun kote djam mer ap i čanga oun mangam o Debles an.

Bičepangre 28:8

Leskro dades his i djoungelo nasslepen an o per. Leskro tselo shero his tato, oun yob his an o čiben čiddo. O Paulo djas pash leste, mangas o Debles leske, čivas peskre vasta ap leste, oun kras les sasto.

Bičepangre 7:60

Oun yob peras ap i phoub tele, oun das pale gole: “Ray, le koy doosh lendar!” Har yob kova penas, meras lo.