Bičepangre 9:39 - O Debleskro Lab 2024 (Sinte-Manouche)

³⁹ O Petro stas pre oun djas lentsa. Har yob kote vas, anan yon les an koy pralstouni isema, kay koy mouli djouvel čiddo hi. Boud djouvya, kolengre romma moulo hi, his kote oun rovan. Kolla van pash leste oun sikran leste kol ripya, kay i Tabita kras, har yoy djivas.

O Debleskro Drom 2021 (Sinte)

³⁹ O Petro stas pre un djas lentsa. Har job kote was, anan jon les an koi pralstuni isema, kai koi muli djuwel tchiddo hi. Bud djuwja, kolengre romma mulo hi, his kote un rowan. Kolla wan pash leste un sikran leste kol ripja, kai i Tabita kras, har joi djiwas.

Bičepangre 9:39 Iomraidhean Croise

2. Samuel 1:24

T'mer ča an o Israel, rovenn pral o Saul, kay das t'men kouč ripya, oun ninna sonakay, te krenn t'men shoukar.

Gosewe laba 10:7

Lače menshe venn gar bistedo. Kova, hoy le kran, hi o Debleskro lačepen. I čilače venn bistedo.

Sikepaskro 9:10

Halauter, hoy touke glan o vast vell, te kress, kova kre o tselo djiyestar! Pash i moulende, kay tou ninna hounte djas, kote vell bouder či kerdo. Oun kek krell peske kote i shero, hoy nay krell lo, har nay djinell lo čomone, oun har nay vell lo gosevo.

Mateo 17:17

Koy penas o Yezous: “T'mer čilače menshe, t'men hi kek patsepen! Har rah hounte ačap pash t'mende? Har rah marap man t'mentsa tele? Anenn les pash mande!”

Mateo 26:11

I čorvele hi hako tsiro pash t'mende. Me hom gar hako tsiro pash t'mende.

Markus 14:8

Koya kras, hoy nay kras li, oun makas man kanna dren ko diveske, kay vau paskedo.

Louka 24:44

Oun yob penas: “Har me pash t'mende homs, penom me ap t'mende: Halauter hounte vell čačo, hoy o Mose činas, oun hoy o Debleskre rakepangre pral mande penan, oun hoy an o Debleskre gilya činlo hi.”

Johanni 12:8

I čorvele hi hako tsiro pash t'mende. Me hom bouder gar rah pash t'mende.”

Johanni 17:12

Yaake rah har me pash lende homs, dom garda ap lende an tiri zoor, kay tou man dal. Me rikrom len, te djan yon gar krik toutar. Kek lendar djas nashedo. Yek kokres djas nashedo, yaake te vas čačo, hoy lestar činlo vas.

Bičepangre 1:13

An o foro Yerusalem djan le an ko kheer, an koy pralstouni isema, kay yon khetne ačan: O Petro, o Yohanni, o Yakobo, o Andreas, o Filipo, oun o Thomas, o Bartolomeo, oun o Mateo, oun o Yakobo, koleskro dad o Alfeo hi, oun o Simon, kay hi kol menshendar, kay kharenna Zelotarya, oun o Youdas, o Yakobeskro čavo.

Bičepangre 20:35

Yaake sikrom t'mende, kay hounte boudras, te nay dah ninna i čorvelende čomone. Ma bistrenn kol laba, hoy o ray Yezous penas: Kova, kay della, hi barhtleder har kova, kay lella.”

Bičepangre 6:1

An kol divessa, kay i patsle boudeder van, djas i čingepen mashkral i patslende, kay rakran hebretikes, oun kol patslende, kay rakran grichtikes. Mashkral kolla, kay rakran grichtikes, his djouvya, kolengre romma moulo his. Oun kolla lan gar yaake boud rhapaske har kolla, kay rakran hebretikes. Doleske his kolla, kay rakran grichtikes, rhoyedo ap kolende, kay rakran hebretikes.

Bičepangre 8:2

Oun morsha, hoy ap o Debleskro drom djan, paskran o Stefanes oun rovan boud pral leskro merepen.

Bičepangre 9:41

Oun yob das lat o vast oun hadas lat pre. Palle das yob kol patslen gole, ninna kol djouvyen, kolengre romma moulo his. Oun yoy his djido glan lende tardo.

2. Korintarja 8:12

Te dell yek o djiyestar yaake boud har nay dell lo, dikell o Devel lačes ap leste. Yob kamell gar, te dell lo boudeder, har les hi.

Efesarja 4:28

Koon čoras an peskro phouro djipen, kova čorell bouder gar! Yob hounte boudrell peskre vastentsa, te vell les doha djipaske, oun te nay dell lo ninna i čorvelen čomone.

1. Tessalonikarja 1:3

Hako tsiro, kay parkrah men pash leste, vell menge kova an o shero, hoy t'mer leske krenna an o patsepen oun an o kamlepen ap i menshende, oun har t'mer moukenn gar tele, te dikenn ap ko dives, kay vell maro ray, o Yezous Kristo, pale.

1. Tessalonikarja 4:13

Mire phrala, mer kamah, te djinenn t'mer, hoy hi kol patslentsa, kay meran, te vell t'menge gar ropaske har kolenge, kay prindjrenn o Debles gar oun djinenn gar, hoy pal o merepen vella.

1. Timoteo 5:3

Kanna rakrau pral kol djouvyende, kolengre romma bouder gar djivenna. De yak, te vell kolen doha djipaske, kay hi len čačepah kek menshe, kay lenge koy hi.

1. Timoteo 5:5

I patsli djouvel, kay hi lat bouder kek rom, vitar kek vavar menshe, kolake hounte venn t'mer koy. Koya dikell ap o Debleste kokres oun mangell lestar, te dell lo lat doha djipaske. Yoy mangell les i tselo djiyestar o dives oun i rati, oun moukell gar tele.

1. Johanni 3:18

Mire čave, mer te kras gar bare laba te penah, kay kamah i menshen i djiyestar. Na-a, o čačo kamlepen dikenn le ap kova, hoy yek o vavareske krella.