Bičepangre 9:35 - O Debleskro Lab 2024 (Sinte-Manouche)

³⁵ Koy dikan le les lauter, kay an i forya Lidda oun Saron djivenna. Oun yon dan pengro djipen o Yezouseste, maro rayeste.

O Debleskro Drom 2021 (Sinte)

³⁵ Koi dikan le les lauter, kai an i forja Lidda un Saron djiwenna. Un jon dan pengro djipen o Jesuseste, maro rajeste.

Bičepangre 9:35 Iomraidhean Croise

1. Familjakro liil 27:29

O pralstouno pral i groumyende an o them Sharon his o Shitray, kay dran o them Sharon his. O pralstouno pral i groumyende an i telstoune themma his o Shafat, koleskro dad o Adlay his.

1. Familjakro liil 5:16

Kal menshe djivan an Gilead, an o them Bashan oun an kol forya, kay kote his, oun ap kol tsele platse, kay lengre firhe his an o tselo them Sharon bis ap leskre rigya.

1. Familjakro liil 8:12

O Elpaal, leskre čave his: o Eber, o Misham, oun o Shemed, kova čivas i forya Ono oun Lod pre, oun kol gaba trouyel.

Esra 2:33

dran i forya Lod oun Hadid oun Ono: 725 (efta-sheel-te-biish-te-panč);

Nehemia 11:35

Lod, Ono oun an koy tala, kay djivenn kolla, kay boudrenn i kashteha.

Nehemia 7:37

dran i forya Lod oun Hadid oun Ono: 721 (efta-sheel-te-biish-te-yek);

Debleskri gili 110:3

Tou te deh tire lourden gole, venn le lauter o djiyestar touha. Shoukar an-rido hi kol terne morsha, kay venn pash toute ap o Debleskri berga, raylo har o dives, te djal o kham pre.

Debleskri gili 22:27

Mou rhan i čorvele oun venn čalo! Oun kolla, kay ap o baro Debleste gole denna, mou sharenn les! Lenge te vell i djipen, hoy gar pre-herella!

Jesaja 31:6

T'mer Israelitarya, rissrenn trouyel pash o baro Debleste, kolestar t'mer yaake dour tele peran!

Jesaja 33:9

Ninna o them rovell oun nashrell peskri zoor. I rouka ap i berge Libanon ladjenn pen oun merenn tele. O shoukar telstouno them Sharon dikell vin har i divyo trouk them. Oun i rouka ap i berge Bashan oun Karmel vitsrenn pengre patria tele.

Jesaja 35:2

Shoukar har divye bloume vell o them, oun givell oun dell gole i barhtyatar. O baro Devel krell les raylo har i berge Libanon, oun shoukar har i berga Karmel oun i tala Sharon. Oun i menshe dikenn o raylepen o baro Deblestar, ko baro koova, hoy maro Devel kras.

Jesaja 65:10

Mire menshenge, kay poučenn pal mande, vell i tala Sharon koy platsa, kay anenn le pengre bakre, oun i tala Akor vell koy platsa, kay ačenn pengre groumya.

Jesaja 66:8

Koon shounas sau koova? Koon dikas sau koova? Vas i them ap yek dives boldo? Van lengre menshe ap yek dives ap i phoub? Yaake sik har i Sion douka las, anas li peskre čaven ap i phoub.

Ropaskre gilja 3:40

Dikas ap maro djipen, har mer djivah, oun rissras trouyel pash o baro Debleste.

Hosea 12:6

yob, o ray pral o bolepen oun i phoub, leskro lab hi baro Devel.

Hosea 14:2

Tou Israel, dja pale pash o baro Debleste, ko tiro Devel hi! Koy doosh, hoy ap toute anal, moukas tout an i bibarht te perell.

Joel 2:13

Tserdenn t'mare djia an kotya oun gar t'mare ripya!” Oun djan pale pash t'maro baro Debleste! Les hi i baro dji, pherdo kamlepen. Yob vell gar sik rhoyedo. Leskro lačepen hi baro. Oun koy phagi, hoy kamas lo te dell, lell lo pale.

Bičepangre 11:21

Oun o rayeskri zoor his lentsa. Oun boud kolendar, kay kek bibolde hi, van patslo, oun van ap o Yezouseskro drom.

Bičepangre 15:19

“Doleske penau me” penas o Yakobo, “mer hounte čivas gar o biboldengro čačepen ap i patslende, kay kek bibolde hi, te krenn le lauter yaake, har i bibolde krenna.

Bičepangre 19:10

Kova kras yob douy bersha, te shounan i bibolde oun kolla, kay kek bibolde hi, an o them Asia o Debleskro lab.

Bičepangre 19:20

Yaake shounan boud oun boudeder o Yezousestar, maro rayestar. Oun yob kras, te vas peskro lab zorelo mank lende.

Bičepangre 2:47

Yon sharan o Debles, oun i tsele menshe dikan lačes ap lende. Oun hako dives van vavar menshe koy pashel, hoy patslo van.

Bičepangre 4:4

Boud kolendar, kay shounan kol laba, hoy o Petro penas, van patslo. Nay his panč zerya menshe.

Bičepangre 6:7

O Debleskro lab vas boud oun boudeder menshenge penlo, oun boud van patslo. An o foro Yerusalem van ninna boud rashaya patslo.

Bičepangre 9:34

O Petro penas ap leste: “Aneas, o Yezous Kristo krell tout sasto. Ste pre oun kre kokres tiro čiben!” Koy stas yob sik pre.

Bičepangre 9:42

Kova shounan i tsele menshe an o foro Yoppe, oun boud van patslo ap o ray Yezouseste.

2. Korintarja 3:16

Ap ko dives, kay moukenn i Israelitarya pengro drom oun djan ap o Yezouseskro drom, lell yob ko diklo lendar krik.

5. Mose 4:30

An ko tsiro, hoy vella, kay ap t'mende ko tselo koova vas, hoy t'menge penom, an kol djoungele phare divessa venn t'mer pale pash t'maro baro Debleste, oun krenn, hoy yob t'menge penell.