Bičepangre 9:26 - O Debleskro Lab 2024 (Sinte-Manouche)

²⁶ Oun yob djas an o foro Yerusalem, oun kote kamas lo pash kol patslende te djal. Kolla trashan lestar lauter oun patsan gar, kay yob ap o Yezouseskro drom djala.

O Debleskro Drom 2021 (Sinte)

²⁶ Un job djas an o foro Jerusalem, un kote kamas lo pash kol patslende te djal. Kolla trashan lestar lauter un patsan gar, kai job ap o Jesuseskro drom djala.

Bičepangre 9:26 Iomraidhean Croise

Mateo 24:10

Oun boud denn pengro patsepen ap mande pre, oun phoukrenn ninna ap i vavarende, kay ap mande patsenna, oun yek krell o vavareske čilačepen.

Bičepangre 26:20

Me djom an o foro Damaskus, oun palle an ko foro Yerusalem. Oun i tsiro koy pre djom an ko them Youdea. Oun pal kova djom pash kolende, kay kek bibolde hi, oun penom lauterenge, te moukenn le pengro čilačo drom, oun te djan le ap o Debleskro drom, oun te djivenn le yaake, kay i vavar dikenna, kay yon pengro phouro djipen moukan.

Bičepangre 4:23

Oun har kolla moukan len te djal, van yon pash i patslende, oun penan lenge, hoy kol bare rashaya, oun kol biboldengre phoureder ap lende penan.

Bičepangre 9:19

Palle rhas oun piyas o Saulo oun vas pale zorelo. Oun o Saulo ačas i tsiro pash kol patslende an o foro Damaskus,

Bičepangre 9:25

Doleske anan leskre mala les an i rati pash koy massouri, hoy troul o foro hi, oun moukan les an i korba pral i massouri tele, te vas lo dran o foro vin.

Galatarja 2:4

His vavar morsha koy. Yon kran, har te vans le patsle. Yon kaman te dikell, har kol patsle djivenna, kay bouder gar ap o Moseskre laba pandlo hi. Mer, kay ham bouder gar pandlo ap kol laba, djivah kanna pal o Yezouseskre laba. Oun kol morsha, kay djivenn gar pal o Yezouseskre laba, kaman, te vas mer pale pandlo ap o Moseskre laba.