Bičepangre 9:17 - O Debleskro Lab 2024 (Sinte-Manouche)

¹⁷ O Anania djas koy, vas an ko kheer, čivas i vasta ap o Sauleste oun penas: “Miro phraal Saulo, maro ray Yezous bičras man, kova, kay moukas pes ap ko drom toutar te dikell. Yob kamell, te dikess tou nay pale, oun te vess pherdo Debleskro Dourho.”

O Debleskro Drom 2021 (Sinte)

¹⁷ O Anania djas koi, was an ko kheer, tchiwas i wasta ap o Sauleste un penas: “Miro phraal Saulo, maro rai Jesus bitchras man, kowa, kai mukas pes ap ko drom tutar te dikell. Job kamell, te dikess tu nai pale, un te wess pherdo Debleskro Ducho.”

Bičepangre 9:17 Iomraidhean Croise

1. Mose 45:4

Koy penas o Yosef ap peskre phralende: “Avenn pash mande!” Oun yon djan pash leste. Oun yob penas pale: “Me hom o Yosef, t'maro phraal, kova, kay bikran t'mer ap i parepangre, kay anan man an o them Egiptia.

Mateo 19:13

Koy anan le čaven pash o Yezouseste, te čivell lo peskre vasta ap lende, te mangell lo o Debles, te dikell yob lačes ap lende. Har peskre mala kova dikan, čingran le ap kol menshende.

Markus 5:23

oun mangas les o tselo djiyeha oun penas: “Miri čay hi ap o merepen čiddo. Am oun čip tire vasta ap late, te vell li sasto, oun te djivell li!”

Markus 6:5

Oun kote nashte kras yob kek baro koova an o Debleskri zoor, kokres i nasslenge čivas yob i vasta pre oun kras len sasto, oun kolla his gar boud nassele.

Louka 1:41

Har i Elisabet kova shounas, stas o ternepen an late. Oun i Elisabet vas pherdo Debleskro Dourho,

Louka 1:67

Oun leskro dad Zakari vas pherdo Debleskro Dourho, oun penas kolla laba, hoy o Devel an leste čivas:

Louka 1:76

Oun tou miro čavo, tou veh ninna i Debleskro rakepaskro. Oun tou djah glan o Debleste, oun kreh leske i drom pre, te vell lo nay pash i menshende.

Louka 15:30

Tiro čavo, kay vas kanna pale khere, kova, kay das tire love vin i loubyentsa, koleske maral i terni thoulli groumni.

Louka 15:32

Mer hounte vas barhtelo. Tiro phraal his moulo oun vas djido. Yob his nashedo oun hatsas pale khere.

Louka 2:11

Kava dives vas t'menge an o foro Betlehem kova boldo, kay lell t'men dran o čilačepen vin. Yob hi ko baro ray, kolestar o Devel penas, te vell yob.

Bičepangre 10:36

Yob moukas i biboldenge o lačo lab te penell, te hi o Yezous Kristo kova, kay anell len pash o Debleste. Yob hi gar lengro ray kokres, na-a, yob hi o ray pral halauter.

Bičepangre 13:3

Oun yon rhan gomme i tikno tsiro či oun mangan o Debles an. Palle, čivan le i vasta ap lende oun penan: “Ačenn mo Debleha!” oun moukan len te djal.

Bičepangre 13:52

Oun kolla, kay van patslo, van pherdo Debleskro Dourho, oun lengro dji his barhtelo.

Bičepangre 19:6

Oun o Paulo čivas i vasta ap lende, oun o Debleskro Dourho vas ap lende. Oun yon rakran an vavar rakepen, oun penan kova, hoy o Devel lende sikras.

Bičepangre 2:4

Oun yon van lauter pherdo Debleskro Dourho, oun rakran an vavar rakepen. Oun yon rakran ko rakepen, hoy o Debleskro Dourho len das.

Bičepangre 21:20

Har yon kova shounan, sharan le o Debles, oun penan ap o Pauleste: Miro phraal, tou dikeh har boud zerya bibolde patslo van, oun lauter rikrenn pen pengri tseli zoryah ap kova, hoy o Mose an peskre lila penas.

Bičepangre 26:15

Me penom: Ray, koon hal tou? O ray penas: Me hom o Yezous, koles tou palla leh.

Bičepangre 4:31

Ap yek kopo, har yon o Debles an-mangan, trissas i phoub kote, kay yon his. Oun o Debleskro Dourho vas ap lauterende. Oun yon penan o Debleskro lab, oun kek traash his an lende.

Bičepangre 6:6

Kol morshen anan le pash o Yezouseskre bičepangre. Kolla čivan i vasta ap lende, oun mangan o Debles, te dell lo len zoor oun gosvepen an lengri boudi.

Bičepangre 8:17

Koy čivan o Petro oun o Yohanni i vasta ap lende, oun o Debleskro Dourho peras ap lende.

Bičepangre 9:18

Ap yek kopo, har te perals ko tamlepen leskre yakendar tele, dikas lo nay pale, stas pre oun moukas pes te taufrell.

Remarja 15:7

Yaake har hi o Yezous Kristes i dji t'menge, yaake hounte vell t'men i dji yek o vavareske! Palle vell o Devel sharedo.

1. Korintarja 15:47

O ersto mensho vas i phoubyatar oun dran čik kerdo. O douyto mensho, o Yezous Kristo, vas dran o bolepen.

1. Korintarja 15:8

Pal lende moukas yob pes mandar te dikell. Pal mande dikas les bouder kek. Oun me homs gar moldo, te dikap les.

1. Korintarja 9:1

Dikenn ap mande, har me hom! Me nay kroms, hoy me kamau, oun me krau les gar. Hom me gar o Yezouseskro bičepaskro? Ava, me hom o Yezouseskro bičepaskro. Me dikom o Yezouses, maro rayes. T'mer djinenna, koon t'men ap o Debleskro drom anas. Kova homs me.

1. Timoteo 4:14

Ma biste koy boudi, hoy o Debleskro Dourho tout das, har kol phoureder phrala touke i vasta pre čivan, oun hoy yon pral toute glan-vi penan!

1. Timoteo 5:22

Ma čip sik tire vasta ap yekeste pre! De yak, te vell i doosh i vavarestar gar ap toute! Rike tiro dji djoudjo!

2. Timoteo 1:6

Doleske mangau tout: Mouk koy zoor an toute te boudrell, hoy o Devel tout das! Tou lal koy zoor, har mangom o Debles touke, oun har čivom touke i vasta pre.

Filemon 1:16

Kanna hi lo touke bouder gar kokres i boudepaskro. Na-a. Yob hi boudeder har kova. Yob hi i lačo phraal. Kova hi lo mange, oun har boud boudeder hi lo kova kanna touke: Yob hi tiro boudepaskro oun ninna tiro phraal an o patsepen.

Hebrearja 6:2

Ninna vas t'menge penlo, te moukenn t'men te taufrell, oun hoske i patslo peskre vasta ap i vavareste čivella. T'menge vas ninna penlo, te krell o Devel i moulen djido, oun te rakrell lo o čačepen pral lende vin. Kova, hoy yob len dell, – o djipen har i phagi, – kova ačell hako tsiro ap lende.

2. Petro 3:15

Dikenn, te vell maro ray Yezous gar yaake sik pale, krell lo kova, te dell lo i menshen gomme i tsiro, te venn le pash leste. Kova činas t'menge ninna maro kamlo phraal Paulo, koles o Devel boud gosvepen das.