Bičepangre 8:3 - O Debleskro Lab 2024 (Sinte-Manouche)

³ O Saulo kras lauter, te nay marell lo i tsele patslen. Yob djas an i khera, las len koy vin, morshen har djouvyen, oun vitsras len an o stilepen.

O Debleskro Drom 2021 (Sinte)

³ O Saulo kras lauter, te nai marell lo i tsele patslen. Job djas an i khera, las len koi win, murshen har djuwjen, un witsras len an o stilepen.

Bičepangre 8:3 Iomraidhean Croise

Bičepangre 16:19

Har lakre raya dikan, kay nashte anas yoy lenge bouder kek love, van le čilačo, oun tapran o Paules oun o Silases. Oun yon anan len an o foro glan i pralstunende.

Bičepangre 22:19

Me penom: Ray, yon djinenna, kay me kolen, kay ap toute patsenn, an o stilepen vitsrom, oun me moukom len an i biboldengre kangria i čoupniyah te dell.

Bičepangre 7:58

tradan les dran o foro vin, oun vitsran barrentsa ap leste. Oun kolla, kay vitsran i barra, rivan pengre koola vin, oun i terno morsh, kay kharas Saulo, das ap lende yak.

Bičepangre 8:2

Oun morsha, hoy ap o Debleskro drom djan, paskran o Stefanes oun rovan boud pral leskro merepen.

Bičepangre 9:21

Lauter kolla, kay shounan kova, ačas o rakepen krik, oun yon penan: “Hi kova gar ko morsh, kay las an o foro Yerusalem i tsele patslen palla, oun kamas len te marell, kolen, kay denn o Yezouseskro lab an-gole? Vas yob gar kate, te anell yob i patslen pandlo glan kol bare rashayende an o foro Yerusalem?”

1. Korintarja 15:9

Me lom i patslen palla, te marap len. Doleske hom me o tikneder mashkral lende, kolen o Yezous bičras, te penenn le i menshenge o lačo lab lestar. Oun me hom gar moldo, te penenn yon, kay me yek lendar hom.

Galatarja 1:13

T'mer shounan, har me djivom an o biboldengro patsepen, oun lom kolen palla, kay patsenn ap o Yezous Kristeste, oun kamom, te marap len.

Filiparja 3:6

Miri tseli zoryah lom kolen palla, kay ap o Yezous Kristeste patsenna. Me krom kova lauter, hoy an o Moseskre lila činlo hi, oun kek nay anas i doosh ap mande.

1. Timoteo 1:13

His i tsiro, kay rakrom djoungeles pral leste, oun lom i patslen palla, te marap len. An ko tsiro prindjrom les gar, oun djinom gar, hoy me krom. Yob kras mange peskro dji pre, oun las man dran o čilačepen vin.

Jakobo 2:6

Har hi kova pash t'mende? I čorvele hi t'menge či moldo. I bravele hi t'menge boudeder moldo. Oun yon hi kolla, kay rikrenn t'men tele, oun anenn čilačo koova ap t'mende oun anenn t'men glan i čačepangre.