Bičepangre 8:28 - O Debleskro Lab 2024 (Sinte-Manouche)

²⁸ Har yob pale ap o drom his, te djal lo khere, his yob an peskro vourdin beshdo, oun draveras ko liil, kay o Debleskro rakepaskro Yesaya činas.

O Debleskro Drom 2021 (Sinte)

²⁸ Har job pale ap o drom his, te djal lo khere, his job an peskro wurdin beshdo, un draweras ko liil, kai o Debleskro rakepaskro Jesaja tchinas.

Bičepangre 8:28 Iomraidhean Croise

Debleskri gili 119:111

Tire laba, hoy menge sikrenn, har te djivas, hi mange kouč oun ačenna mange hako tsiro. Ava, yon hi kolla, hoy miro dji barhteles krenn.

Debleskri gili 119:99

Me rakrau miro djiyeha pral tire laba, hoy menge sikrenn, har te djivas. Doleske hayvau boudeder har mire sikepangre.

Jesaja 1:1

Kova hi, hoy moukas o baro Devel o morshes Yesaya te dikell pral o them Youda oun pral o foro Yerusalem. O Yesaya his o čavo ko morshestar Amoz. Kova his an ko tsiro, kay his o Usiya, o Yotam, o Ahas, oun o Hiskiya i bare raya pral o them Youda.

Louka 3:4

Yaake činas o Debleskro rakepaskro, o Yesaya: Yek dell gole an o moulo them: Krenn maro Debleske o drom, te nay vell lo pash i menshende! Lenn halauter krik, hoy o Debleske an o drom čiddo hi!

Louka 4:17

Koy dan le les ko liil, hoy o Debleskro rakepaskro, o Yesaya, činas. Oun yob kras kava liil pre, oun kote hatsas lo kol laba:

Bičepangre 28:25

Yon čingran pral kova, hoy o Paulo penas, oun djan penge, har o Paulo kava lab penas: “Me dikau, kay kova čačo hi, hoy o Debleskro Dourho ap o Yesaya penas, te penell yob kova mare phourenge. O Debleskro Dourho penas:

Bičepangre 8:27

Koy stas lo pre oun djas kote. Ap ko drom his ninna i morsh dran o them Etiopia. Ap kava tsiro his i bari rani i rayetsa pral o them Etiopia. Oun ko morsh his i pralstouno an lakro them oun das garda ap lakro tselo bravlepen. Kova vas an o foro Yerusalem, te mangell yob o Debles an.

Bičepangre 8:29

Koy penas o Debleskro Dourho ap o Filipeste: “Dja pash ko vourdin oun ač koy pashel!”

Kolossarja 3:16

Ma moukenn tele, te rakrenn oun shounenn o lab o Yezous Kristestar! Rakrenn les t'menge an o dji! Avenn gosevo koy pashel, te sikrell yek o vavareste, har te djal lo ap o Debleskro drom! Givenn Debleskre gilya oun save gilya, hoy sharenn o Debles, ninna save gilya, hoy o Debleskro Dourho an t'mende čivella! Ava, givenn o Debleske, oun sharenn les an t'mare djia!

Josua 1:8

Pen touke kol laba glan, hoy an ko liil činlo hi! Ap o dives, har an i rat, mouk len touke an tiro shero trouyel te djal, te rikress oun kress halauter, hoy an ko liil činlo hi. Palle djal touke halauter mishto, oun kova, hoy kreh, vell mishto.