Bičepangre 8:27 - O Debleskro Lab 2024 (Sinte-Manouche)

²⁷ Koy stas lo pre oun djas kote. Ap ko drom his ninna i morsh dran o them Etiopia. Ap kava tsiro his i bari rani i rayetsa pral o them Etiopia. Oun ko morsh his i pralstouno an lakro them oun das garda ap lakro tselo bravlepen. Kova vas an o foro Yerusalem, te mangell yob o Debles an.

O Debleskro Drom 2021 (Sinte)

²⁷ Koi stas lo pre un djas kote. Ap ko drom his ninna i mursh dran o them Etiopia. Ap kau tsiro his i bari rani i rajetsa pral o them Etiopia. Un ko mursh his i pralstuno an lakro them un das garda ap lakro tselo brawlepen. Kowa was an o foro Jerusalem, te mangell job o Debles an.

Bičepangre 8:27 Iomraidhean Croise

1. Rajengro liil 10:1

Oun koy rayetsa pral o them Saba shounas, har an-diklo o Salomo vas, oun havo kheer yob o baro Debleske kras. Kote vas li pash leste, te poučell li lestar savo koova, hoy kek vavar djinell.

Debleskri gili 68:29

Biče tiri zoor, maro Devel, tiri zoor, hoy tou ap mende sikral!

Debleskri gili 68:31

de ko themes Egiptia trad, ko divyo firhes pash o pani. Činge kol zorelentsa oun rayentsa pral boud menshende! Čip tout kolenge an o drom, kay pal o roup nashenna. Trade kol natsyone, kolenge o marepen shoukar hi.

Debleskri gili 87:4

Mank kolende, kay man prindjrenna, hi i menshe dran i themma Egiptia oun Babilonia, ninna i Filistarya oun i menshe dran Tirus, ninna kolla dran o them Etiopia, kay kate boldo hi.

Jesaja 18:7

An ko tsiro venna kol morsha, kay yaake baro oun djeteha dren maklo hi, dran koy natsyona, kolendar i menshe darenna an hake themma, kolla, kay bari zoryah i vavarende khetne stakrenn, oun an kolengro them bare lengste panya nashenna. Yon venna oun anenn kouč koova o baro Debleske, ko rayeske pral o bolepen oun i phoub. Kova anenn le pash i berga Sion, kote kay yob khere hi.

Jesaja 43:6

Ap i rayende pral i themma, hoy hi serves oun čačes toutar, penau: De kay! Ma rike len pale! Anenn mire čaven oun čen foun doural, anenn len dran i palstoune themma i phoubyatar!

Jesaja 45:14

Kava penell o baro Devel: O bravlepen dran o them Egiptia, oun kova, hoy i menshe dran Etiopia dren lan, vell pash toute, te vell lo tiro. Oun kol bare zorele morsha dran Seba venn tire boudepangre. Pandles shellentsa venn le pash toute, oun vitsrenn pen glan toute ap i phoub, oun penenn: Kokres pash toute hi o Devel, oun dell kek vavar devel.

Jesaja 60:3

Oun i menshe dran vavar themma venna, te dikenn le, har raylo tou hal. Oun lengre raya venna, te dikenn le ko raylepen, hoy pral toute pre djas.

Jesaja 60:6

Boud khamele čakrenn tiro them, terne khamele dran Midian oun Efa. Kolla anenna sonakay oun soungepaskro koova dran Saba. Oun i menshe sharenn o baro Debles.

Jesaja 66:19

Oun me čivau i sikepen pre mank lende. Oun kolendar, kay djides ačan, bičrau me pash i menshende an themma Tarsis, Poul oun Loud, Meshek, Rosh, Toubal, Yavan oun pash kolende dour vergel o baro pani, kay mandar gomme či shounan, oun miro raylepen gomme gar dikan. Oun mire bičepangre penenn kol menshenge, har raylo me hom.

Jeremia 13:23

Nay krell i kalo mensho peskri kali hauta vavarčandes? Na-a! Nay krell i divyi margodja peskre balla vavarčandes? Na-a! Yaake nay krenn t'mer kek lačepen, ko čilačepen djas t'menge an o mass oun o rat.

Jeremia 38:7

An o baro rayeskro kheer his i pralstouno dran o them Etiopia. Leskro lab his Ebed-Melek. Kova shounas, kay o Yeremia an koy brounna vitsedo vas. Ap ko dives his o baro ray Sedekya beshdo pash ko Benyamineskro Voudar.

Jeremia 39:16

Dja pash o Ebed-Melek, kay dran Etiopia hi, oun pen leske: Kova penell o baro Devel, ko ray pral o bolepen oun i phoub, kay o Israeleskro Devel hi: Shoun, mire laba, hoy rakrom pral kava foro, venn čačo: Bibarht oun kek barht venn pral kava foro. Oun tou dikeh kova ap ko emligo tsiro.

Zefanja 3:10

Ninna dran o dour them Etiopia venn mire menshe, kay kate te kote tradedo van, te mangenn le man an, oun anenn mange kouč koova.

Mateo 12:42

Ap ko dives, kay rakrell o Devel o čačepen vin pral i tsele menshende, stella ninna i bari rani dran o foro Saba pre. Oun yoy penella, te hi kol menshe čilačo, kay kanna djivenna. Glan i rah tsiro, vas yoy dran i dour them, oun vas pash o baro ray Salomo, te shounell li leskre goseve laba. Kava, kay glan t'mende tardo hi, kava hi bareder har o baro ray Salomo.

Johanni 12:20

Mashkral i biboldende, kay van an o foro Yerusalem, te mangenn le o Debles an ap o festo Passa, his ninna menshe dran o grichtikro them.

Bičepangre 8:28

Har yob pale ap o drom his, te djal lo khere, his yob an peskro vourdin beshdo, oun draveras ko liil, kay o Debleskro rakepaskro Yesaya činas.

5. Mose 30:13

Kava lab hi gar ap i vavar rig o baro panyestar, yaake te nay penans t'mer: “Koon djal menge ap i vavar rig o baro panyestar oun anell les menge, yaake te nay shounas mer les oun djivas koy pal?”

Hebrearja 11:8

Ninna o Abraham patsas, hoy o Devel penas. Har yob leske penas: Dja an ko them, hoy me dau toute oun tire čavende, koy shounas o Abraham ap leste, oun djas dran peskro them vin, oun djinas gar, kay yob djala.