Bičepangre 8:24 - O Debleskro Lab 2024 (Sinte-Manouche)

²⁴ Koy penas o Simon ap lende: “Mangenn o Deblestar, te vell kova gar pral mande, hoy t'mer penan!”

O Debleskro Drom 2021 (Sinte)

²⁴ Koi penas o Simon ap lende: “Mangenn o Deblestar, te well kowa gar pral mande, hoi tumer penan!”

Bičepangre 8:24 Iomraidhean Croise

1. Mose 20:17

Har o Abimelek o Abrahameskri romyat las, kras o baro Devel, kay kek djouvel an o Abimelekeskro kheer i ternepen lella. Oun kanna mangas o Abraham o Debles lenge. Oun o Devel kras o Abimelekes sasto oun leskri romyat oun i djouvyen, kay leske boudran, yaake, te lan le pale čave.

1. Mose 20:7

Oun kanna, de koy romyat pale o romeste! Yob hi i Debleskro rakepaskro. Oun te mangell o Abraham touke, ačeh tou djido. Te deh lat gar pale, hounte meress oun lauter, hoy tiro hi.”

1. Rajengro liil 13:6

Koy penas o baro ray ap ko Debleskro morsheste: “Mange tou o baro Deblestar, kay tiro Devel hi, oun mange lestar mange, te krell lo miro vast pale sasto!” Oun o Debleskro morsh mangas o baro Debles, oun o baro rayeskro vast vas pale sasto – yaake har lo glan kova his.

Esra 6:10

Palle nay rhačrenn le kol firhen yaake o bolepaskro Debleske, te dikell lo lačes ap lende, oun yon nay mangenn lestar lačepen mange, miro djipen oun koleske mire čavendar.

Esra 8:23

Doleske rham či oun mangam halauter maro Deblestar, oun yob shounas ap maro mangepen.

Hiob 42:8

Kanna lenn efta terne gourma oun efta bakre oun djan pash o Hiob, oun marenn kol firhen kote, oun rhačrenn len mange! Oun o Hiob, koles miro čačo vast hi, hounte mangell man t'menge. Ap koleste shounau oun krau t'mentsa gar, har hounte kroms. T'mer rakran gar o čačepen pral mande har yob kras.”

2. Mose 10:17

Yaake mangau t'men, bistrenn miri doosh kokres kava yek kopo, oun mangenn t'maro baro Debles, te lell lo kava merepen mandar krik.”

2. Mose 12:32

Lenn t'mare bakre oun bouzya oun t'mare groumya, yaake har t'mer kaman! Oun djan oun mangenn t'maro baro Debles, te vell lo mange lačes.”

2. Mose 8:8

Oun o Mose oun o Aron djan dran o Faraeskro kheer vin. Oun o Mose das o baro Debles gole oun mangas les, te lell lo i djambe krik, hoy yob pral o Farao anas.

Jeremia 37:3

Oun o baro ray Sedekya bičras o Youkal, koleskro dad o Shelemya his, ninna o rashayes Sefanya, koleskro dad o Maasseya his, pash o Yeremia oun moukas leske te penell: Mange maro baro Debles menge, i Israelitarya!

Jeremia 42:2

oun penan ap o Debleskro rakepaskro, o Yeremia: Mouk maro mangepen glan toute te vell, oun mange tiro baro Deblestar kal tsele menshenge, kay pral ačan! Glan i tsiro hams boud, kanna ačan gar boud pral mendar, har tou nay tire yakentsa dikeh.

4. Mose 21:7

Koy van yon pash o Moseste oun penan: “Mer anam doosh ap mende, har čingram ap o baro Debleste oun ap toute. Mange o Debles menge, te lell yob kol sapa mendar!” Oun o Mose mangas kol menshenge.

Jakobo 5:16

Doleske penenn t'menge t'mari doosh, oun mangenn o Debles yek o vavareske, te venn t'mer sasto. I mensho, kay djivell yaake, har o Devel kamella, yob te mangell i tselo djiyeha čomone o Deblestar, nay krell o Devel boud leske.

1. Samuel 12:19

Oun yon penan ap o Samuel: “Mer ham tire boudepangre. Mang menge o baro Debles, kay tiro Devel hi, yaake te hounte meras mer gar. Ap mende hi boud doosh čiddo. Oun kanna kram ninna ko čilačo koova, te mangam menge i baro rayes pral mende.”

1. Samuel 12:23

Oun me ninna, kamau gar i doosh ap mande te anell glan o baro Debleste, te mangap les gar t'menge. Me kamau te sikrap t'mende o lačo oun čačo drom.