Bičepangre 8:23 - O Debleskro Lab 2024 (Sinte-Manouche)

²³ Me dikau, kay hal pherdo čilačo koova, oun ko čilačepen hi o ray pral toute.”

O Debleskro Drom 2021 (Sinte)

²³ Me dikau, kai hal pherdo tchilatcho koowa, un ko tchilatchepen hi o rai pral tute.”

Bičepangre 8:23 Iomraidhean Croise

Hiob 20:14

Te vell ko rhapen an leskro per, nashrell lo peskro goudlepen, oun vell har i sapeskro čounger, hoy anell o merepen.

Debleskri gili 116:16

Ah, baro Devel, me hom yek kolendar, kay touke boudrenn. Ava, tiro boudepaskro hom oun boudrau touke har miri day kras. Tou kral i shelle pre, hoy pandan man.

Gosewe laba 5:22

O čilačo koova pandell koles, kay kova krella. Leskri doosh hi har shelle, hoy les pandenn.

Jesaja 28:22

Kanna, ma san bouder pral mire laba, te venn i shelle troul t'mende gar gomme zorleder khetne pandlo. O baro Devel, ko ray pral o bolepen oun i phoub, moukas man te djinell, te las lo pes glan, te vell o merepen pral o tselo them.

Jesaja 58:6

Kanna penau touke, hoy i dives hi, hoy glan mire yaka mishto hi: I dives, kay kreh tou kol shelle pre kolendar, kay pandlo van, oun kay kek čilačepen kran. Mouk kolen te djan, ap kolende pharo koova čival! Le ko koova krik, koleha len tele rikral! Oun phage kol shelle, hoy troul lengre menya pandlo hi.

Jeremia 4:18

Hoy t'mer kran oun har djivan, anas t'menge kova dren. Kova vell dran t'maro čilačepen, te djal t'menge yaake djoungelo, oun djal t'menge an t'maro dji.

Jeremia 9:15

Me tradau len krik pash menshende, kay prindjrenn yon gar, vitar gar lengre phoure, oun kamau o rharo pal lende bičrell, bis te yon lauter moulo hi.

Ropaskre gilja 3:19

Te dikau, har djoungeles mange djal, oun har mouklo hom, hi kova mange har i shoutlo pipen, hoy nasselo krell.

Ropaskre gilja 3:5

Haki rigyatar pandas lo man dren, douka oun daar hi troul mande.

Johanni 8:34

Penas o Yezous: “Čačepah, me penau t'menge: Koon o čilačepen krella, hi pandlo ap o čilačepen.

Efesarja 4:31

Avenn ap kekeste čilačo oun rhoyedo! Čingrenn ap kekeste, oun praasenn kekes!

Tito 3:3

Glan ko tsiro, kay hams gar patslo, hams ninna save menshe, kay prindjran o čačepen gar. Mer shounam gar ap o Debleste, oun djam gar ap leskro drom. Hams pandlo ap djoungelo koova, hams čilačo oun dikam čilače yakentsa ap kova, hoy i vavaren his. Hams čilačo oun rhoyemen ap i vavarende, oun yon ap mende.

Hebrearja 12:15

Denn yak, te čivell kek o Debleskro lačepen ap i rig! Denn yak, te djal kek čilačo rakepen mashkral t'mende trouyel, oun krell o patsepen boud patslendar paash! Savo rakepen hi har i čilačo rhourhour, hoy krell kolen nasselo, kay les rhana.

2. Petro 2:19

Kolenge penenn le, te nay krenn yon, hoy yon kamenna. Kol rhorhene sikepangre hi pandlo ap o čilačepen, hoy krell lengro djipen paash. I mensho hi pandlo ap kova, hoy zorleder hi har yob.

2. Petro 2:4

O Debleskri rholi vas ninna pral kol bolepangre, kay kran o čilačepen. O Devel vitsras len an o telstunepen. Kote hi le pandlo an i kali rat, bis te vell ko dives, kay dell lo len lengri phagi.