Bičepangre 8:22 - O Debleskro Lab 2024 (Sinte-Manouche)

²² Kanna, mouk tiro čilačo drom, oun pen o Debleske, te khaytell tout ko čilačo koova, hoy tou kral. Oun mange lestar, te lell lo koy doosh toutar!

O Debleskro Drom 2021 (Sinte)

²² Kanna, muk tiro tchilatcho drom, un pen o Debleske, te khaitell tut ko tchilatcho koowa, hoi tu kral. Un mange lestar, te lell lo koi doosh tutar!

Bičepangre 8:22 Iomraidhean Croise

Gosewe laba 24:9

Kova, kay moukell pes či te penell, lell peske savo koova glan, hoy anell les o Debleskro dromestar tele. Oun i menshe dikenn rhoyedes ap koleste, koles i pre-phourdo dji hi.

Daniel 4:27

kharas lo vin: “Ake, o baro foro Babilon! Me čivom les pre miri bari zoryah, te vell lo miro foro, kay hom baro ray. Lauter, kay dikenn les, sharenn miro raylepen.”

Amos 5:15

Dikenn čilačes ap kova, hoy čilačo hi, oun dikenn lačes ap kova, hoy lačo hi! Dikenn koy pre, te lell kova peskro čačepen, koon an o čačepen hi! Palle nay vell o baro Devel lačes kolenge, kay dran o kheer Yosef pral ačenn. Yob hi o ray pral o bolepen oun i phoub.

Amos 5:6

Te kamenn djido te ačell, palle rodenn o baro Debles. Te krenn kova gar, t'mer dran o kheer Yosef, vell yob pral Betel har i bari yag, hoy kek nay vin krella.

Jona 1:6

Kote vas ko ray pral kava shiffo pash leste oun poučas lestar: “Hoy hi kanna touha? Hoske soveh tou? Ste pre, oun khare tiro debles an! Nay vell, tiro devel dikell kamles ap mende, te meras gar!”

Jona 3:9

Koon djinella? – Kova, hoy o Devel kamas te krell, nay khaytell les, oun yob moukell peskri rholi gar pral mende te vell, te meras gar halauter.”

Bičepangre 17:30

An o phouro tsiro djinan i menshe gar, kay kova, hoy yon kran, i doosh his. Oun o Devel das len kek phagi. Kanna penell o Devel, te moukenn i menshe pengro čilačo drom, oun djan ap leskro drom.

Bičepangre 2:38

Koy penas o Petro ap lende: “T'mer anan doosh ap t'mende. Mangenn t'men tele glan o Debleste! Oun moukenn t'men ap o Yezous Kristeskro lab te taufrell, te lell o Devel t'mari doosh t'mendar tele, oun te lenn t'mer o Debleskro Dourho!

Bičepangre 3:19

Moukenn t'maro phouro djipen oun avenn pash o Debleste, te lell yob t'mari doosh t'mendar!

Bičepangre 8:20

O Petro penas ap leste: “Dja pash o bengeste, tou oun tire love! Tou patseh čačepah, te nay gineh tou i loventsa o Debleskri zoor!

Bičepangre 9:11

Oun o ray Yezous penas ap leste: “Ste pre oun dja ap ko drom, kay kharell o čačo drom. Pouč an ko kheer o Youdasestar pal i morsheste, kay kharell Saulo dran Tarsus. Yob mangell o Debles an,

Remarja 2:4

Hi touke o Debleskro baro lačepen či moldo? Les hi i baro dji oun dell i menshen gar sik pre. Djineh tou gar o Debleskro lačepen, hoy kamell tout ap leskro drom te anell?

Hebrearja 4:12

O Debleskro lab hi djido oun zorelo, oun činell zorleder har i rharo, hoy činell ap douy rigya. Yaake har činell i rharo dour dren an o mass, ninna an i kokale, yaake činell o Debleskro lab dour dren an o mensheskro dji, oun sikrell leste, hoy hi lačo oun čilačo an leskro djipen.

Debleskro tsiro 2:21

Me dom lat tsiro, te nay moukell li peskro čilačo drom. Oun yoy kamell gar peskro djoungelo koova te moukell.