Bičepangre 7:8 - O Debleskro Lab 2024 (Sinte-Manouche)

⁸ Oun o Devel das o Abrahameste peskro lab, te hi lo leskro Devel oun o Devel lauterenge, kay pal leste venna. Oun yob penas o Abrahameske, te moukell yob pes ap peskro mass te činell. Ninna i tsele morsh čave, kay pal leste venna, hounte van činlo ap pengro mass. Oun o Abraham las i čaves, o Isaak. Oun o Abraham činas les ap o mass, har yob efta divessa phouro his. Oun o Isaak činas o Yakobes, oun o Yakob peskre deesh-te-douy čaven. Kolla hi mare phoure dada, kolendar mer vam.

O Debleskro Drom 2021 (Sinte)

⁸ Un o Dewel das o Abrahameste peskro lab, te hi lo leskro Dewel un o Dewel lauterenge, kai pal leste wenna. Un job penas o Abrahameske, te mukell job pes ap peskro mass te tchinell. Ninna i tsele mursh tchawe, kai pal leste wenna, hunte wan tchinlo ap pengro mass. Un o Abraham las i tchawes, o Isaak. Un o Abraham tchinas les ap o mass, har job efta diwessa phuro his. Un o Isaak tchinas o Jakobes, un o Jakob peskre deesh-te-dui tchawen. Kolla hi mare phure dada, kolendar mer wam.

Bičepangre 7:8 Iomraidhean Croise

1. Mose 29:31

Har o baro Devel dikas, kay o Yakob i Lea gar kamas, kras yob, kay i Lea anas nay čaven ap i phoub. I Rachel nay las kek čaven.

1. Mose 30:5

Oun i Bilha vas an vavar koova oun anas o Yakobeske i čaves ap i phoub.

1. Mose 35:16

Pal kova moukan le ko foro Betel oun djan an o foro Efrata. Oun ap o drom anas i Rachel i čaves ap i phoub. Oun lat his bare douka.

1. Mose 35:18

I Rachel his ap o merepen čiddo. Har yoy meras, das yoy kol čaves ko lab Ben-Oni. Leskro dad das les ko lab Ben-Yamin.

1. Familjakro liil 1:34

O Abraham: Leskro čavo his o Isaak. Koleskre čave his o Esau oun o Yakob (Israel).

Mateo 1:2

O Abrahameskro čavo his o Isaak. Leskro čavo his o Yakob. Koleskre čave his o Youda oun leskre phrala.

Johanni 7:22

Te hi t'mare morsh čave orhta divessa phouro, činenn t'mer len ap o mass, ninna ap o Debleskro Dives. O Mose penas t'menge, te krenn kova. Oun o Mose his gar kokres, kay penas t'menge kova. Ninna t'mare phoure, kay djivan glan leste, penan kova oun rikran pen koy pre.

Bičepangre 2:29

Oun o Petro penas doureder ap lende: “Morshale, mire phrala, moukenn man t'menge te penell, hoy man ap o dji hi. Maro baro ray David meras, oun vas paskedo. Leskro moulengro kheer nay dikenn t'mer kava dives.

Remarja 4:10

Poučau t'mendar: Havo tsiro čivas o Devel les an o čačepen? Čivas lo les an o čačepen ap ko tsiro, kay yob ap o mass činlo vas? Na-a. Yob čivas les an o čačepen, har yob gar ap o mass činlo his.

Galatarja 3:15

Mire phrala, kanna rakrau pral čomone, hoy t'mer lauter prindjrenna. Te krenn douy menshe čomone vin oun denn pengro dadeskro vast koy pre, nay penell kek: Kanna hi kova bouder či moldo. Vitar gar nay čivell yek čomone koy pashel.

Galatarja 3:17

Me kamau t'menge kava te penell: O Devel das o Abrahameste peskro lab, oun čivas peskro vast koy pre, te vell kova čačo, hoy yob penas. O Moseskre laba van star-sheel-te-triyanda (430) bersha palla oun nay lenn ko lab gar krik, hoy o Devel o Abrahameste das.

Hebrearja 7:4

Kova sikrell t'men, har baro o Melkisedek his! Koles das maro kamlo dad, o Abraham, o deshto kotar lauterestar, hoy las yob an o kourepen.