Bičepangre 7:58 - O Debleskro Lab 2024 (Sinte-Manouche)

⁵⁸ tradan les dran o foro vin, oun vitsran barrentsa ap leste. Oun kolla, kay vitsran i barra, rivan pengre koola vin, oun i terno morsh, kay kharas Saulo, das ap lende yak.

O Debleskro Drom 2021 (Sinte)

⁵⁸ tradan les dran o foro win, un witsran barrentsa ap leste. Un kolla, kai witsran i barra, riwan pengre koola win, un i terno mursh, kai kharas Saulo, das ap lende jak.

Bičepangre 7:58 Iomraidhean Croise

1. Rajengro liil 21:13

Palle van kol douy či-molde, oun beshan pen vergel leste, oun anan čomone pre ap leste oun penan glan i tsele menshende: “O Nabot praasas o Debles oun o baro rayes.” Palle vas lo dran o foro anlo, oun yon vitsran ap leste barra, yaake meras lo.

4. Mose 15:35

O baro Devel penas ap o Moseste: “Ko morsh hounte merella. Kol tsele menshe hounte vitsrenn les moulo i barrentsa vin glan i platsa.”

Louka 4:29

Yon stan pre, oun tradan les dran o foro vin, anan les pral ap i berga, kay lengro foro pre tardo hi, te vitsrenn le les tele.

Bičepangre 22:20

Me homs barhtelo, har maran le o Stefanes, koles, kay toutar rakras. Me homs pashel tardo, har maran le les. Oun kolla, kay maran les, ap kolengre koola dom yak.

Bičepangre 22:23

Yon dan bari gole, tserdan pengre koola i rholyatar pendar tele oun vitsran čik an o bolepen.

Bičepangre 22:4

Me lom kolen palla, kay djan ap o nevo drom – me lom len yaake palla, te marom len. Morshen oun djouvyen pandom, oun vitsrom len an o stilepen.

Bičepangre 26:10

Kova krom me an o foro Yerusalem, oun anom boud patslen an o stilepen. Kol bare rashaya dan an miro vast, te krap kova. Oun har kaman le len te marell, penom me ninna: Ava, krenn kova!

Bičepangre 6:11

Palle anan le morshen ap lengri rig. Oun kolla anan rhorhepen ap o Stefaneste pre. Yon penan: “Mer shounam, kay penas yob djoungele laba pral o Moseste oun pral o Debleste.”

Bičepangre 6:13

Kolla, kay rhorhepen ap leste pre anan, kolla penan: “Kava morsh moukell gar tele te rakrell lo djoungele laba pral o Debleskro baro kheer oun pral o Moseskre laba.

Bičepangre 7:57

Koy dan yon zoreles gole, čivan pengre vasta ap i kanda, te shounenn le gar, oun djan ap leste,

Bičepangre 8:1

His mishto an o Sauleskre yaka, te maran le les. Pal ko dives lan le i patslen zoreles palla an o foro Yerusalem. Oun i patsle nashan an o them Youdea oun an o them Samaria. I Yezouseskre bičepangre ačan an o foro Yerusalem.

5. Mose 17:7

Kolla, kay dikan ko djoungelo koova, venn i glanstoune, te vitsrenn le barra ap lende. Oun pal lende venn kol vavar, kay glan o foro van, oun vitsrenn len moulo. Yaake lenn t'mer o čilačepen mashkral t'mende krik.