Bičepangre 7:47 - O Debleskro Lab 2024 (Sinte-Manouche)

⁴⁷ His gar o David, na-a, kova his leskro čavo, o Salomo, kay kras o Debleske i baro kheer dran barra.

O Debleskro Drom 2021 (Sinte)

⁴⁷ His gar o David, na-a, kowa his leskro tchawo, o Salomo, kai kras o Debleske i baro kheer dran barra.

Bičepangre 7:47 Iomraidhean Croise

2. Samuel 7:13

Kova krell mange i kheer. Oun me krau te ačell lo hako tsiro baro ray.

1. Rajengro liil 5:1

Oun yaake his o Salomo o baro ray pral i tsele themma, hoy hi čiddo mank o pani Eufrat oun ko them, kay i Filistarya djivan, oun tele bis pash o them Egiptia. Pral kolende his les penepaske, oun yon playsran leske roup oun sonakay, yaake rah har yob djivas.

1. Rajengro liil 6:1

An o starto bersh, har o Salomo o baro ray pral Israel his, an o čon Siv, kova hi o douyto čon an o bersh, kran pen i boudepangre o Salomestar ap i boudi, te krenn le o baro Debleskro kheer. Kova his 480 (star-sheel-te-orhta-deesh) bersha pal kova, kay i Israelitarya dran o them Egiptia djan.

1. Rajengro liil 8:20

Oun o baro Devel moukas peskro lab čačes te vell. Dikenn ap mande: Me vom pal miro dadeste kanna o baro ray pral o Israel, yaake har o baro Devel penas. Oun me moukom leske i kheer te krell, te vell yob, o Devel pral o Israel, kote an-mangedo.

1. Familjakro liil 17:1

Har kanna o David an peskro kheer djivas, penas lo ap o Debleskro rakepaskro, o Natan: “Me djivau an i kheer dran cedertikro kasht, oun o morhton, kay i deesh laba o baro Deblestar dren hi, hi tardo an i plarhteno kheer. Hi kova mishto?”

2. Familjakro liil 3:1

Oun o Salomeskre boudepangre kran pen ap i boudi te krenn le o kheer o baro Debleske an o foro Yerusalem ap i berga Moriya, ap i platsa, hoy o Salomeskro dad, o David, vin rodas. Koya his koy djobeskri platsa, hoy o morshes Arauna his. Kova his i Yebousari. Glan i tsiro moukas pes kote o baro Devel o Davidestar te dikell.