Bičepangre 6:1 - O Debleskro Lab 2024 (Sinte-Manouche)

¹ An kol divessa, kay i patsle boudeder van, djas i čingepen mashkral i patslende, kay rakran hebretikes, oun kol patslende, kay rakran grichtikes. Mashkral kolla, kay rakran grichtikes, his djouvya, kolengre romma moulo his. Oun kolla lan gar yaake boud rhapaske har kolla, kay rakran hebretikes. Doleske his kolla, kay rakran grichtikes, rhoyedo ap kolende, kay rakran hebretikes.

O Debleskro Drom 2021 (Sinte)

¹ An kol diwessa, kai i patsle budeder wan, djas i tchingepen mashkral i patslende, kai rakran hebretikes, un kol patslende, kai rakran grichtikes. Mashkral kolla, kai rakran grichtikes, his djuwja, kolengre romma mulo his. Un kolla lan gar jaake bud chapaske har kolla, kai rakran hebretikes. Doleske his kolla, kai rakran grichtikes, chojedo ap kolende, kai rakran hebretikes.

Bičepangre 6:1 Iomraidhean Croise

Hiob 29:13

Kolla, kay merans, te voms gar koy, rakran i barht pral mande vin. Oun me krom, te givas o dji kolatar, kolakro rom meras.

Hiob 31:16

Dom me gar o čorveles kova, hoy lo mandar mangas? Vom me gar koy djouvyake ap i rig, kolakro rom meras, oun kay gar doha djipaske his?

Debleskri gili 110:3

Tou te deh tire lourden gole, venn le lauter o djiyestar touha. Shoukar an-rido hi kol terne morsha, kay venn pash toute ap o Debleskri berga, raylo har o dives, te djal o kham pre.

Debleskri gili 72:16

An o them mouk boud djob bares te vell, te hi lo tardo bis pral ap i berge, yaake har o veesh ap i berga Libanon. An i forya mou venn yaake boud menshe har o zenlepen ap o them!

Jesaja 1:17

Dikenn, har te krenn o lačepen, denn yak, te lell hakeno peskro čačepen. Avenn ap i rig kolenge, kay tele rikedo venn. Kol čave, kolen kek day oun kek dad hi, kolenge krenn o čačepen vin. Oun kol djouvya, kolenge o rom meras, kolengro koova lenn an t'maro vast!”

Jesaja 27:6

Ko tsiro vella, kay vell o Yakob pale zorelo. Ava, o Israel vell har i rouk, koles zorele draba hi, oun zenelo vell, oun ap koleste bloume pre djan, oun boud roukengre vin anenn. Kolendar vell i tseli phoub pherdo.

Jeremia 30:19

Oun i menshe, kay djivenn kote, givenn sharepaskre gilya, oun denn gole i barhtyatar. Oun me dau len boud čave, te venn le boudeder. Me krau len rayles oun bares oun gar tikneder.

Ezekiel 22:7

Kolla, kay an Yerusalem djivenn, dikenn tele ap pengro dadeste oun ap pengri date, oun rhorhenn i vi-themaryen, kay pash lende djivenn. Oun kol djouvyen, kolengro rom meras, oun kol čaven, kolengro dad meras, kolen rikrenn le zoryah tele.

Maleachi 3:5

Oun me kamau pash t'mende te vell, te vap t'maro čačepaskro ray. Oun mange nay patsenna, me rakrau o čačepen vin pral i menshende, kay hadenn man gar: kolla, kay dourkrenna, kol morsha, kay rhorhran pengri romyat, oun kol djouvya, kay rhorhran pengri romes, kolla, kay phagenn pengri sovel, oun kolla, kay djan djoungeles kolentsa trouyel, kay boudrenn lenge, oun kolla, kay rhorhenn kol djouvyen, kolengro rom meras, oun kolla, kay rhorhenn kol čaven, kolen bouder kek dad hi, oun kolla, kay rikrenn kol vi-themaryen tele, kay djivenn mashkral t'mende. Ko penell o baro Devel, ko ray pral o bolepen oun i phoub.

Mateo 23:13

T'mer čačepangre oun Farisarya! Kova, hoy t'mer krenna, ko hi gar mishto. T'maro patsepen ap o Debleste hi rhorhepen! T'mer krenn o voudar pandlo, te vell kek ap o Debleskro drom. T'mer djan gar koy dren. Vitar gar moukenn i vavaren dren te djal.

Bičepangre 11:20

Mashkral kol patslende his ninna morsha dran Ciprus oun Kirene. Kolla van an o foro Antiochia, oun penan ninna kolenge, kay kek bibolde hi, o lačo lab o ray Yezousestar.

Bičepangre 11:26

Har o Barnabas les hatsas, anas lo les an o foro Antiochia. Oun kol douy ačan i tselo bersh kote pash i patslende, oun penan boud menshenge o Debleskro lab. Kote dan yon i patslen ko lab Kriste.

Bičepangre 11:29

Koy penan kol patsle an o foro Antiochia: “Mer dah mare phralen an o them Youdea yaake boud love, har hakeno nay della.”

Bičepangre 2:41

Kolla, kay lan leskre laba an pengro dji pre, moukan pen te taufrell. Oun ap ko dives van triin zerya menshe ap o Yezouseste patslo.

Bičepangre 2:45

Yon bikran kova, hoy len his, i kotar phoub oun vavar kouč koova, oun dan les kol patslende, kay len či his.

Bičepangre 2:47

Yon sharan o Debles, oun i tsele menshe dikan lačes ap lende. Oun hako dives van vavar menshe koy pashel, hoy patslo van.

Bičepangre 4:35

oun anan kol love pash i Yezouseskre bičepangre. Oun yon dan hakenes yaake boud, te his hakenes doha djipaske.

Bičepangre 4:4

Boud kolendar, kay shounan kol laba, hoy o Petro penas, van patslo. Nay his panč zerya menshe.

Bičepangre 5:14

Boud morsha oun djouvya patsan ap o Yezouseste oun van i patslentsa khetne.

Bičepangre 5:28

“Mer dam t'men zoreles trad, te rakrenn t'mer či bouder o Yezousestar. Oun kanna vell lestar rakedo an o tselo foro Yerusalem. Oun t'mer penenn, kay mer maram les. Kamenn t'mer, te vell leskro rat pral mende?”

Bičepangre 6:2

Koy dan kol deesh-te-douy Yezouseskre bičepangre kol tsele patslen khetne gole, oun penan: “Hi gar mishto, te das mer o rhapen vin, oun men vals bouder kek tsiro, te penas i menshenge o Debleskro lab.

Bičepangre 6:7

O Debleskro lab vas boud oun boudeder menshenge penlo, oun boud van patslo. An o foro Yerusalem van ninna boud rashaya patslo.

Bičepangre 9:29

Yob rakras ninna kol biboldentsa, kay rakrenn grichtikes, oun čingras lentsa pral kova, hoy an o Debleskro lab činlo hi. Kal bibolde kaman les te taprell oun te marell.

Bičepangre 9:39

O Petro stas pre oun djas lentsa. Har yob kote vas, anan yon les an koy pralstouni isema, kay koy mouli djouvel čiddo hi. Boud djouvya, kolengre romma moulo hi, his kote oun rovan. Kolla van pash leste oun sikran leste kol ripya, kay i Tabita kras, har yoy djivas.

Bičepangre 9:41

Oun yob das lat o vast oun hadas lat pre. Palle das yob kol patslen gole, ninna kol djouvyen, kolengre romma moulo his. Oun yoy his djido glan lende tardo.

Remarja 12:7

Vavar patsle hayvenn, har te venn le nay i vavarenge koy. Koy boudi hounte krenn le. Vavar hayvenn i menshenge o Debleskro drom te sikrell. Kolla hounte krenn kova ninna.

1. Korintarja 10:10

Ma penenn, kay kova gar mishto oun doha hi, hoy o Devel t'men das. Yaake rakran kol vavar pale te pale. Oun yon van moulo dino.

2. Korintarja 11:22

Yon hi Hebrearya. Me hom ninna yek. Yon hi bibolde. Me hom ninna yek. Yon venna pal o Abraham. Me ninna.

5. Mose 26:12

Hako triinto bersh aness tou o deshto kotar khetne halauterestar, hoy ap tiri phoub bares vas. Oun tou dess les i Levitaryen oun i vi-themaryen oun kol čaven, kolen kek dad bouder hi, oun kol romyen, kolengro rom meras, te vell yon ninna doha rhapaske an tiro foro.

Filiparja 3:5

Me vom ap miro mass činlo, har homs orhta divessa phouro. Me hom i Israelitari. Mire menshe hi Benyaminarya. Me hom i Hebreari. Oun miro dad oun miri day hi ninna Hebrearya. Oun me homs i Farisari, oun djivom pal o Moseskre lila.

1. Timoteo 5:3

Kanna rakrau pral kol djouvyende, kolengre romma bouder gar djivenna. De yak, te vell kolen doha djipaske, kay hi len čačepah kek menshe, kay lenge koy hi.

1. Timoteo 5:9

Kanna rakrau pral ko liil, kay i laba kol djouvyendar dren činlo venna, kolakro rom bouder gar djivella. Te hi yek lendar terneder har shob-deesh bersh (60), ma čin lakro lab pre! Koya, kay vell dren činlo, kolat hounte his yek rom.

Hebrearja 13:1

Moukenn gar tele, te kamenn i phralen oun i phenyen o tselo djiyestar!

Jakobo 1:27

Kanna penau t'menge, hoy o Devel, maro dad, kamella, oun hoy hi lačo glan leskre yaka: Krenn lačepen i čorvele djouvyenge, kolen kek rom bouder hi! Krenn ninna lačepen kol čorvele čavenge, kolen kek dad oun day bouder hi! Ma moukenn t'men dren an ko čilačo koova, hoy i menshe ap kay phoub krenna.

Jakobo 4:5

O Debleskro lab penell gar čičeske: O Debleskro Dourho, kay an mende khere hi, kamell men peske kokres.

Jakobo 5:9

Mire phrala, ma rakrenn rhoyemen yek pral o vavareste, te lenn kek phagi o Deblestar! O Devel, kay rakrell o čačepen vin pral i menshende, hi kanna glan o voudar tardo.