Bičepangre 5:40 - O Debleskro Lab 2024 (Sinte-Manouche)

⁴⁰ Palle dan yon o Yezouseskre bičepangren gole, dan len dava i čoupniyah, oun dan len trad, te rakrenn le bouder gar o Yezousestar. Oun palle moukan le len te djal.

O Debleskro Drom 2021 (Sinte)

⁴⁰ Palle dan jon o Jesuseskre bitchepangren gole, dan len dawa i tchupnijah, un dan len trad, te rakrenn le buder gar o Jesusestar. Un palle mukan le len te djal.

Bičepangre 5:40 Iomraidhean Croise

Gosewe laba 12:10

Kova, kay an o čačepen tardo hi, les hi i dji peskre firhenge. I čilačen hi kek dji lenge.

Jesaja 30:10

Ap i dikepangre penenn le: “Ma dikenn i dikepen.” Oun ap o Debleskre rakepangre penenn le: “Ma penenn menge, hoy o Devel t'mende sikras oun hoy čačo hi! Penenn menge kova, hoy pes menge shoukar an-shounell! Oun sikrenn men sau koova, har mari djia les kamenn.

Amos 2:12

Oun hoy krenn t'mer: T'mer denn kolen mool te piyell, kay mange koy hi! Oun ap mire rakepangre penenn t'mer: Ma rakrenn an o Debleskro lab!

Micha 2:6

Ač! Mouk! penenn le. Ma rake save laba! Savi ladj vell gar pral mende!

Mateo 10:17

Denn yak, hoy i menshe t'mentsa krenna! Yon anenn t'men glan i čačepangre, oun moukenn t'men an lengre kangria i čoupniyah dava te dell.

Mateo 20:19

Yon denn les an i vasta kolendar, kay kek bibolde hi. Oun kolla praasenn les, denn les dava i čoupniyah, oun denn les ap o troushel, te merell lo. Pal triin divessa krell o Devel les pale djido.”

Mateo 23:34

Shounenn, bičrau pash t'mende mire rakepangren, mire goseve morshen, oun mire čačepangren. Kolen denn t'mer ap o troushel, marenn len, oun denn len dava an t'mare kangria. Oun t'mer lenn len palla an hako foro.

Markus 13:9

Denn yak ap t'mende! T'mer venn glan i čačepangre anlo, oun rhan dava an i biboldengre kangria. T'mer patsenn ap mande. Doleske anenn le t'men glan i pralstoune oun glan i bare rayende, te rakrenn yon i phagi vin pral t'mende. Te han glan lende tardo, palle nay rakrenn t'mer mandar, te shounenn yon pral mande o čačepen.

Louka 20:10

Har ko tsiro vas, te anenn le i drake dren, bičras yob i boudepaskres pash i harhende, te lell lo lendar kol drake, hoy leske hi. I harhe dan les kek drake. Yon dan les dava oun bičran les krik.

Bičepangre 5:28

“Mer dam t'men zoreles trad, te rakrenn t'mer či bouder o Yezousestar. Oun kanna vell lestar rakedo an o tselo foro Yerusalem. Oun t'mer penenn, kay mer maram les. Kamenn t'mer, te vell leskro rat pral mende?”

2. Korintarja 11:24

I biboldendar lom me panč kope triyanda-te-enya (39) dava i čoupniyah.