Bičepangre 5:4 - O Debleskro Lab 2024 (Sinte-Manouche)

⁴ Tou nay rikrals tiro kotar phoub. Oun har bikral les, nay rikrals kol love ninna. Har nay kral tou savo koova? Tou rhorhral gar i menshen. Tou rhorhral o Debles.”

O Debleskro Drom 2021 (Sinte)

⁴ Tu nai rikrals tiro kotar phub. Un har bikral les, nai rikrals kol lowe ninna. Har nai kral tu sawo koowa? Tu chochral gar i menshen. Tu chochral o Debles.”

Bičepangre 5:4 Iomraidhean Croise

1. Familjakro liil 29:17

Miro Devel, djinau, te dikeh an o dji. Oun touke hi mishto, te hi i menshes i čačo dji. Doleske dom tout kava lauter mandar dran i čačo dji, oun hom barhtelo te dikau, kay tire menshe, kay kate glan touke tardo hi, toute ninna lauter pendar vin dan.

1. Familjakro liil 29:3

Te krap o kheer miro Deblestar yaake shoukar har djala, dau ninna dran miro bravlepen

1. Familjakro liil 29:5

Kolestar, hoy pral ačell, vell roupeno oun sonakaskro koova kerdo, ninna ko vavar koova, hoy kolla krenna, kay hayvenn shoukar koova te krell. Kanna poučau t'mendar: Koon t'mendar della ninna čomone pestar o baro Debleske?”

1. Familjakro liil 29:9

Oun i tsele menshe his barhtelo, kay dan lengre pralstoune yaake boud kouč koova dran pengro vast pengro tselo djiyeha o baro Debleste. Oun ninna o baro ray David his barhtelo pral kova,

Hiob 15:35

An lengre sherya hi midjak koova. Pral pende oun i vavarende anenn le bibarht. Oun lengre djia hi pherdo phoukepen.

Debleskri gili 139:4

O lab hi gomme gar ap miri čip, koy djineh tou, baro Devel, hoy kamau te rakrap.

Debleskri gili 7:14

Dik, peskro merepaskro rharo oun i fayle, hoy rhačenna, hadas lo pre, te dell lo karye!

2. Mose 16:8

Palle penas o Mose: “Ap i rat dell lo t'men mass oun taysarlakro yaake boud maro, te venn čalo. O baro Devel shounas, har rhoyran t'men ap leste. Koon ham mer? Gar ap mende rhoyran t'men, na-a, han rhoyedo ap o baro Debleste.”

2. Mose 35:29

Yaake anan i Israelitarya, morsha oun djouvya, kolengre djia rhačan, boud koova pendar, te vell koy tseli boudi kerdo, hoy o baro Devel o Moseske penas.

Sikepaskro 5:5

De garda te rakress gar savo koova, hoy nay rikreh gar dren! Ma pen glan i Debleskro morsheste: Kova kamom gar te penell. O Debles nay vell i rholi pral tire laba, oun yob nay moukals kova gar mishto te djal, hoy tire vastentsa kral.

Jesaja 59:4

Kekeske t'mendar, kay djal glan o čačepaskro morsheste, djal troul o čačepen. Oun kek, kay anell čomone ap i vavareste pre, penell o čačepen. Pash t'mende hi yaake: Ap kova, hoy či moldo hi, rikrenn t'men, oun rakrenn o rhorhepen. Kova, hoy an t'mare sherya trouyel djal, hi har nay rhorhenn oun doukrenn i vavaren. Ko čilačo koova, hoy vin vell, anell o merepen,

Ezekiel 38:10

Kava penell o baro Devel, maro ray: An ko tsiro vell čomone pre an tiro dji, oun tou leh touke čilačo koova glan.

4. Mose 16:11

Tou oun tire tsele menshe čivan t'men khetne, te hadenn t'men pral o baro Debleste. Kova hi gar o Aron, pral koleste hadan t'men.”

Louka 10:16

Pale penas o Yezous ap peskre malende: “Koon ap t'mende shounella, kova shounella ap mande. Oun koon shounell gar ap t'mende, kova shounell vitar gar ap mande. Kova, kay shounell gar ap mande, kova shounell ninna gar ap koleste, kay bičras man.”

Bičepangre 5:3

O Petro penas ap o Ananias: “Hoske kral tou o bengeske tiro dji pre? Hoske rhorhral tou o Debleskro Dourhes, oun rikral love touke?

Bičepangre 5:9

O Petro penas ap late: “Hoske kran t'mer kova vin, oun rhorhran o Debles? Kol morsha, kay paskran tiro romes, hi glan o voudar tardo, oun hidjrenn ninna tout vin.”

1. Korintarja 8:8

Kolenge penau me: O rhapen krell men gar pale-čiddo glan o Debleste. Te ham dareno, te rhas yek rhapen, ham gar tikneder glan o Debleste. Te ham gar dareno, te rhas kova, ham gar feteder glan leste.

1. Tessalonikarja 4:8

Koon kamell kol laba gar te shounell, kova čivell o Debles ap i rig, oun gar i menshes. Oun o Devel hi kova, kay das peskro Dourho an t'mende.

Filemon 1:14

Me kamom gar čomone te krap, hoy tou gar kameh. Doleske rikrom o Onesimes gar pash mande. Tou te kameh les mange pale te dell, kress tou kova dran tiro lačepen.

Jakobo 1:15

Te shounah ap maro shero, krah mer ko čilačo koova. Oun te vas ko čilačo koova baro, anell kova menge o merepen.

1. Samuel 8:7

Oun o baro Devel penas ap o Samuel: “Shoun ap i Israelitarya, an lauter, hoy yon ap toute penan. Yon čivan gar tout ap i rig, na-a man čivan le ap i rig, te vap me bouder gar o baro ray pral lende.