Bičepangre 5:39 - O Debleskro Lab 2024 (Sinte-Manouche)

³⁹ Te hi ko koova o Deblestar, palle nay phagenn les gar. Denn yak, te čingrenn t'mer gar ap o Debleste.” Oun yon shounan ap o Gamaliel.

O Debleskro Drom 2021 (Sinte)

³⁹ Te hi ko koowa o Deblestar, palle nai phagenn les gar. Denn jak, te tchingrenn tumer gar ap o Debleste.” Un jon shunan ap o Gamalijel.

Bičepangre 5:39 Iomraidhean Croise

1. Mose 24:50

Koy penan o Laban oun o Betouel: “Kava koova kras halauter o baro Devel. Pral ko koova nay penah mer či, kek lačo koova, vitar kek čilačo koova.

2. Samuel 5:2

Glan i rah tsiro har o Saul baro ray pral mende his, anal tou o Israel an o kourepen oun pale khere. Oun o baro Devel penas touke ninna: Tou dess yak ap mire menshende Israel, oun tou vess o ray pral o Israel.”

1. Rajengro liil 12:24

Yaake penell o baro Devel: “Ma djan pre, te kourenn t'men t'mare phralentsa, kol morshentsa an Israel! Djan pale khere, hakeno an peskro kheer. Kava tselo koova vas mandar.” Kote shounan yon ap o lab o baro Deblestar oun djan pale pale, hakeno an peskro kheer, har o baro Devel lenge penas.

2. Rajengro liil 19:22

Koon hi kova, pral koleste čilače laba rakral? Oun kones tire labentsa praasal? I pre-phourdo hal, oun ap mande tele dikal, pral o Israeleskro Debleste tout hadal!

Hiob 34:29

Te rikrell pes o Devel pale, nay penell kek leske: Tou anal doosh ap toute! Te khatrell lo pes, nay dikell les kek. Hoy nay krenn i menshe, hoy nay krell i natsyona,

Gosewe laba 21:30

Kote dell kek gosvepen, či hoy yek feteder nay djinals oun penals, har nay krell o baro Devel.

Jesaja 43:13

Oun kova ačau me ninna. Kek hi koy, kay nay lell vin dran miro vast, oun čivell pes mange an o drom.

Jesaja 45:9

Djungeles djal koleske, kay rhoyedo hi koleha, kay les kras! Yob hi či har i kotar dran i paash dino čaro mank vavar paash dine kotya. Ko čik, dran koleste čare rhačedo venn, nay penell lo ap koleste, kay lestar čomone krell: Hoy kreh tou? Oun ko čaro, hoy lo kras, penell kova nay ap leste: Tou hayveh či!

Jesaja 46:10

An o phouro tsiro penom me glan-vi, hoy vella. Glan rah tsiro rakrom kolestar, hoy gomme gar his. Oun me penau: Kova hoy me mange glan lom, vell yaake. Oun me krau lauter, hoy kamau te krell.

Mateo 16:18

Doleske penau touke: Tiro lab hi kanna Petro. Kova, hoy tou kate penal, hi har i zorelo bar, ap koleste čivau miro kheer. Oun miro kheer hi kolla, kay patsenn ap mande. Oun kek nashte lell len dran mire vasta vin, ninna kek merepen.

Louka 21:15

Me dau t'men ko gosvepen, oun penau t'menge, hoy t'mer hounte penenn. Oun palle djinenn le bouder gar, hoy te penenn le.

Bičepangre 11:17

Me dikom, o Devel das lende ninna peskro Dourho, yaake har yob mende das, har mer patsam ap o rayeste, o Yezous Kristeste. Koon hom me, te rikrap me o Debles pre?”

Bičepangre 23:9

Halauter dan bari gole, oun kol čačepangre, kay ninna Farisarya his, stan pre oun čingran, oun penan: “Mer hatsah kek čilačepen ap leste. Te rakras i bolepaskro ap leste, hoy krah mer palle? Te rakras i moulo ap leste, hoy krah mer palle?”

Bičepangre 6:10

O Debleskro Dourho das les gosvepen, te nay rakras kek lendar leske pale.

Bičepangre 7:51

Oun o Stefano penas doureder ap lende: “T'mer kamenn či te hayvell. T'maro dji hi har bar. T'mare kandentsa shounenn či, oun kamenn gar ap o Debleskro Dourho te shounell. Yaake kran t'mare phoure. Yaake krenn ninna t'mer.

Bičepangre 9:5

Penas lo: “Ray, koon hal tou?” Kova penas: “Me hom o Yezous, koles, kay tou palla leh.

1. Korintarja 1:25

Ninna te penenn i vavar menshe: “Kova, hoy o Devel krella, hi dinlepen,” hi yob gosveder har i menshe. Ninna te penenn le: “O Debles hi kek zoor,” hi yob zorleder har yon.

1. Korintarja 10:22

Ma rhoyrenn o Debles! Mer ham gar zorleder har yob.