Bičepangre 5:36 - O Debleskro Lab 2024 (Sinte-Manouche)

³⁶ Glan i tsiro his i morsh, kova kharas Theudas. Yob patsas pestar, te his lo i baro. Star-sheel morsha his pash leste, kay shounan ap leste. Palle vas lo moulo dino. Oun har yob moulo his, ačan yon gar khetne. Oun kek rakrell bouder lendar.

O Debleskro Drom 2021 (Sinte)

³⁶ Glan i tsiro his i mursh, kowa kharas Thoidas. Job patsas pestar, te his lo i baro. Star-sheel mursha his pash leste, kai shunan ap leste. Palle was lo mulo dino. Un har job mulo his, atchan jon gar khetne. Un kek rakrell buder lendar.

Bičepangre 5:36 Iomraidhean Croise

Mateo 24:24

Boud rhorhene morsha penenn ap t'mende: Me hom ko baro ray, kolestar o Devel penas, te vell yob. Oun rhorhene rakepangre penenna: Me hom o Debleskro bičedo. Oun yon krenna baro oun zorelo koova, hoy i mensho nashte krell gar dran peskri zoor. Kova krenn le, te anenn le i menshen o čačo dromestar tele. Te djals kova, anans le ninna kolen o Debleskro dromestar tele, kolen o Devel peske vin rodas.

Mateo 24:26

Yon te penenn t'menge: O baro ray, kolestar o Devel penas, te vell yob, kova hi an o moulo them! ma djan kote vin! Oun yon te penenn: Yob hi an ko kheer! ma patsenn len!

Mateo 24:5

Boud morsha venna oun penenna: Me hom o Kristo, ko baro ray, kolestar o Devel penas, te vell yob! Oun boud menshe patsenn ap lengro rhorhepen.

Bičepangre 21:38

Hal tou gar ko morsh dran o them Egiptia, kay glan i tsiro i čingepen kras, oun anas star-sheel marepangren an o moulo them vin?”

Bičepangre 5:35

Oun pale penas lo: “Morshale an Israel, denn garda oun dikenn, hoy t'mer kal menshentsa kamenn te krell!

Bičepangre 8:9

An ko foro Samaria his ninna i morsh, kova his i dourkepaskro. Leskro lab his Simon. Yob penas pestar, te hi lo i baro morsh. Oun i menshe an ko foro kran bare yaka pral kova, hoy yob kras.

Galatarja 2:6

Kol phrala, kay hi pralstoune mank i patslende, kolla penan gar, kay kova, hoy me i menshenge penau, gar čačo hi. Te rakrau kol pralstunendar, hi mange yek, hoy yon his. O Devel dikell gar ap kova, har i mensho an-diklo hi.

Galatarja 6:3

Koon patsella, kay yob feteder hi har ko vavar, oun hi kova gar, kova rhorhell pes kokres.

2. Petro 2:18

Yon rakrenn bare laba, kay či moldo hi. Lengro vi-ladjedo djipen tserdell kolen ap o čilačo drom, kay dan glan i tikno tsiro pengro phouro djipen pre.

2. Petro 2:2

Boud vavar dikenn lengro vi-ladjedo djipen, oun krenn yaake har yon, oun djivenn ninna i vi-ladjedo djipen. Doleske rakrenn kolla, kay gar patslo hi, djoungeles pral o Debleskro drom.

Judas 1:16

Kolla hi save menshe, kolenge kova gar mishto doha hi, hoy o Devel len das. Oun yon rhoyrenn pen, kay lenge gar feteder djal. Yon djivenn pal pengro shero. Yon hi sharede, kay rakrenn shoukar labentsa i menshentsa, te lenn le lendar lačo koova.

Debleskro tsiro 17:3

Oun o Debleskro Dourho vas pral mande. Oun o bolepaskro anas man an o moulo them. Oun me dikom i djouvel ap i lolo firho beshdo, hoy les efta shere oun deesh shinga his. Oun ap koleste his save laba činlo, hoy praasenn o Debles.

Debleskro tsiro 17:5

Oun ap lakro shero his i lab činlo, hoy i menshe gar hayvan: “Koy bari Babilon, kolatar vella hako djounglepen oun vi-ladjedo koova ap i phoub.”