Bičepangre 5:16 - O Debleskro Lab 2024 (Sinte-Manouche)

¹⁶ Ninna dran vavar forya, hoy troul o foro Yerusalem čiddo his, anan yon i nasselen oun kolen, kay an lende benga his. Oun lauter van sasto.

O Debleskro Drom 2021 (Sinte)

¹⁶ Ninna dran wawar forja, hoi trul o foro Jerusalem tchiddo his, anan jon i nasselen un kolen, kai an lende benga his. Un lauter wan sasto.

Bičepangre 5:16 Iomraidhean Croise

Mateo 2:16

I goseve morsha djan ap i vavar drom an pengro them, oun van gar pash o Herodeste pale. Har yob kova hayvas, vas i bari rholi ap leste. Oun yob bičras lourden an o foro Betlehem oun an i gaba trouyel, te marenn le kol tsele morsh čaven, kay douy bersha oun terneder hi. Kol douy bersha his ko tsiro, kay i goseve morsha leske penan, te vas o čavo boldo bis ko dives.

Mateo 4:24

Oun ninna an o tselo them Syria shounan le lestar. Oun yon anan lauteren pash leste, kay nasselo hi. Mashkral lende his kolla, kay hi len bare douka, oun kolla, kay hi an lende benga, oun kolla, kay hi nasselo an pengro shero, oun kolla, kay hi bango. Oun yob kras len sasto.

Mateo 8:16

Oun har i rati vas, anan le boud menshen pash leste, kay hi benga an lende. Oun yob rakras zoreles ap i bengende, te djan le dran i menshende vin. Oun yon van vin. Ninna kras lo lauteren sasto, kay nasselo hi.

Louka 5:17

His i dives, kay yob i menshenge o Debleskro lab penas. Oun boud Farisarya oun biboldengre čačepangre his mashkral lende beshdo. Yon van dran i themma Galilea oun Youdea, oun dran o foro Yerusalem. Oun o Yezous kras i menshen sasto an o Debleskri zoor.

Louka 6:18

Kolla van lauter, te shounenn le o Yezouses te rakrell, oun kaman sasto te vell. Ninna lauter kolla van sasto, kay his i beng an lende.

Louka 9:11

Har i menshe dikan, te djas o Yezous pash o foro Betsayda, djan boud leske palla. Oun yob moukas len pash peste te vell, oun penas lenge, te dell o Devel len pash peste gole, te djivell lo lentsa khetne. Oun kolen, kay nasselo hi, kras lo sasto.

Johanni 14:12

Čačepah, me penau t'menge: Koon ap mande patsella, krell ninna kova, hoy me krau. Oun yob krell bareder koova har me, kanna, kay djau me pash o dadeste.

Bičepangre 4:30

Sike lende tiri zoor! Kre i nasselen sasto, oun kre boud baro oun zorelo koova an ko lab o Yezousestar, kay toutar vas oun tiro boudepaskro hi!”

Bičepangre 5:15

Oun i menshe hidjran pengre nasselen ap i dromma, oun čivan len kote ap o čiben. Yon penan penge, te vell o Petro koy pashel oun leskro shatto perell ap lende, venn le sasto.

Bičepangre 5:17

Ko baro rashay oun kol Sadducarya, kay pash leste his, kolla zilveran ap o Yezouseskre bičepangre,

1. Korintarja 12:9

I vavares dell yob i baro patsepen. Oun pale i vavares dell yob i zoor, te nay krell lo i nasselen sasto. Hi yek Debleskro Dourho, kay kova lauter della.

Jakobo 5:16

Doleske penenn t'menge t'mari doosh, oun mangenn o Debles yek o vavareske, te venn t'mer sasto. I mensho, kay djivell yaake, har o Devel kamella, yob te mangell i tselo djiyeha čomone o Deblestar, nay krell o Devel boud leske.