Bičepangre 5:11 - O Debleskro Lab 2024 (Sinte-Manouche)

¹¹ Koy vas i bari traash pral i tsele patslende oun pral kolende, kay shounan kova.

O Debleskro Drom 2021 (Sinte)

¹¹ Koi was i bari traash pral i tsele patslende un pral kolende, kai shunan kowa.

Bičepangre 5:11 Iomraidhean Croise

Debleskri gili 89:7

Koon an o bolepen hi yaake har tou, maro baro Devel? Havo Devel nay vell yaake har maro baro Devel?

Jeremia 32:40

Oun me krau lentsa vin, te moukap gar tele, te krap lenge lačepen, oun te dap len i dji, hoy ap mande shounell, oun moukell man gar. Kava lab, hoy lentsa vin krau, ačell hako tsireske.

Bičepangre 19:17

I menshe, kay an o foro Efesus djivan, shounan kova lauter. Oun i bibolde, ninna kolla, kay kek bibolde hi, lan bari traash. Oun ko lab o ray Yezousestar vas zoreles sharedo.

Bičepangre 2:43

Oun o Yezouseskre bičepangre kran boud baro oun zorelo koova, hoy kek vavar nay krella. Oun i traash vas pral i menshende.

Bičepangre 5:5

Har o Ananias kol laba shounas, peras yob khetne oun meras. Oun i bari traash vas ap kolende, kay shounan kova.

Bičepangre 9:31

I patsle an i themma Youdea, Galilea oun Samaria, kolen his kanna i lačo tsiro, kek las len bouder palla. Oun o Debleskro Dourho kras len zoreles an o patsepen. Oun yon shounan ap o Debleste oun boud oun boudeder menshe van patslo.

Filiparja 2:12

Mire kamle phrala oun phenya, t'mer shounan hako tsiro ap kova, hoy me t'menge penom, har pash t'mende homs, ninna kanna, kay gar pash t'mende hom. Me penau t'menge: Krenn lauter, te ačenn ap o Debleskro drom, bis te han pash leste! Shounenn ap o Debleste, oun trashenn lestar!

Hebrearja 11:7

Ninna o Noah patsas, hoy o Devel penas, har yob leha rakras, oun leste sikras, hoy pral i tsele menshende vella. Ninna te dikas o Noah kova gomme gar, shounas lo ap o Debleste, oun kras i baro panyeskro kheer. Yaake hounte meras yob peskre menshentsa gar. Har o Noah ko panyeskro kheer kras, vas diklo, te patsas yob, hoy o Devel penas. Ninna vas diklo, i vavar menshe patsan gar, hoy o Devel penas. Doleske hounte meran le. Ap o Noah penas o Devel: Tou patsal man. Tou hal kanna an o čačepen tardo glan mande.

Hebrearja 12:15

Denn yak, te čivell kek o Debleskro lačepen ap i rig! Denn yak, te djal kek čilačo rakepen mashkral t'mende trouyel, oun krell o patsepen boud patslendar paash! Savo rakepen hi har i čilačo rhourhour, hoy krell kolen nasselo, kay les rhana.

Hebrearja 12:28

O Debleskro them an o bolepen, kay khere ham, ačell zoreles tardo, oun kote djah mer. Doleske parkras men pash o Debleste, shounas ap leste, daras lestar oun kras, hoy yob kamella!

Hebrearja 4:1

Dran kova denn mishto garda, te dell kek t'mendar peskro patsepen pre! An o phouro tsiro penas o Devel peskre menshenge, te dell lo len i them, kay yon hako tsiro khere hi. Kava lab, hoy o Devel lenge penas, ačell menge ninna. An o phouro tsiro shounan le les, oun patsan les gar. Yaake van le gar an o Debleskro them.

1. Petro 1:17

O Devel hi o čačepaskro ray, kay rakrell o čačepen vin pral hakeneste pal kova, hoy yob kras. Oun o Devel dikell gar koy pre, koon ko mensho hi. Ap leste penenn t'mer: “Tata!” Doleske djivenn yaake, har yob kova kamella, yaake rah har t'mer kate ap i phoub djivenna.

Debleskro tsiro 15:4

Toutar darella hakeno, tiro labestar penenn le: Har baro oun shoukar hi lo! Maro ray, o baro Devel hal tou. Kek vavar hi yaake har tou. I raya venna dran hake themma; glan toute vitsrenn le pen tele, te sharenn le tout. Lauter dikan, har pal o čačepen tou djal, har tou i menshende lengri phagi dal.