Bičepangre 4:36 - O Debleskro Lab 2024 (Sinte-Manouche)

³⁶ Yaake kras kova ninna o Yosef. Kova his i Levitari oun vas dran o them Ciprus. O Yezouseskre bičepangre dan les ninna Barnabas gole. Ko kharella ap lengro rakepen: O morsh, kay rakrell i menshentsa lačo, te hi lengro dji pharo.

O Debleskro Drom 2021 (Sinte)

³⁶ Jaake kras kowa ninna o Josef. Kowa his i Levitari un was dran o them Ciprus. O Jesuseskre bitchepangre dan les ninna Barnabas gole. Ko kharella ap lengro rakepen: O mursh, kai rakrell i menshentsa latcho, te hi lengro dji pharo.

Bičepangre 4:36 Iomraidhean Croise

Markus 3:17

oun o Yakobo oun leskro phraal o Yohanni. Lengro dad hi o Zebedeo. Kolen das lo ko lab Boanerges. Kova kharella Morsha pherdo rholi.

Bičepangre 11:30

Oun yon dan o Barnabes oun o Saules kol love, te denn yon kol love kolende, kay hi i phoureder mank i patslende an o them Youdea.

Bičepangre 12:25

O Barnabas oun o Saulo anan kol love i patslenge an o foro Yerusalem. Palle van le pale an o foro Antiochia. Lentsa djas o Yohanni Marko.

Bičepangre 13:1

Mashkral i patslende an o foro Antiochia his Debleskre rakepangre oun sikepangre. Kolla his o Barnabas oun o Simon, ap koleste penan le Kalo, ninna o Lucio dran o foro Kirene, oun o Manaen. Kova his i maal o baro rayestar Herodes Antipas. Oun o Saulo his ninna mank lende.

Bičepangre 13:15

Koy pal, har i bibolde dran kol lila glan draveran, hoy o Mose oun o Debleskre rakepangre činan, moukan lenge kol pralstoune pral i biboldengri kangri te penell: “Mare phrala, te kamenn t'mer menge i lab te penell, hoy krell men zorelo an o patsepen, penenn les menge!”

Bičepangre 13:2

His i dives, kay sharan le o Debles oun rhan či, te venn le leske feteder koy. Koy penas lenge o Debleskro Dourho: “Bičrenn o Barnabes oun o Saules vin, te krenn le koy boudi, hoy me len dau. Me dom len gole, te krenn le kova.”

Bičepangre 13:4

O Debleskro Dourho bičras o Barnabes oun o Saules an o foro Seleucia. Oun palle ouleran le ap o shiffo an o them Ciprus.

Bičepangre 15:12

Koy čingran kol tsele menshe bouder gar lentsa, oun shounan ap o Pauleste oun o Barnabeste, har kolla lenge penan, havo baro oun zorelo koova o Devel mashkral kolende kras, kay kek bibolde hi.

Bičepangre 15:2

Har o Paulo oun o Barnabas kova shounan, penan le kol morshenge: “Hi gar čačo, hoy t'mer i patslenge penan!” Koy his len i baro čingepen lentsa. Koy pre penan lenge i phrala, te djan yon douy i vavar phralentsa an o foro Yerusalem pash o Yezouseskre bičepangre oun pash i phoureder mank i patslende, te poučenn le lendar, hoy yon pral kova penenna.

Bičepangre 15:37

O Barnabas kamas ninna o Yohanni Markes peha te lell.

Bičepangre 15:39

Oun kote čingran pen o Paulo oun o Barnabas pral o Markeste yaake, kay djas hakeno peskro drom. O Barnabas las o Markes peha, oun yon ouleran ap o shiffo an o them Ciprus.

Bičepangre 21:16

Mentsa djan ninna patsle dran o foro Cesarea. Yon anan men pash o Menason. Kova his i patslo, kay vas dran o them Ciprus, oun vas glan o rah tsiro patslo. Pash leste ačam nay i tsiro.

Bičepangre 21:3

Har vam yaake dour, te dikam nay o them Ciprus, moukam kova serves čiddo, oun ouleram ap o shiffo an o them Syria, oun vam an o foro Tirus. Koy anan yon o tselo koova, hoy o shiffo hidjras, an o foro.

Bičepangre 27:4

Har mer doureder ouleram, phourdas i baro dourho pral o baro pani. Doleske ouleram mer ap koy rig ko themestar Ciprus, kay ko baro dourho gar yaake zoreles phourdas.

Bičepangre 9:27

O Barnabas las les pash peste oun anas les pash kol Yezouseskre bičepangre, oun penas lenge, har o Saulo ap ko drom, kay djal an o foro Damaskus, o ray Yezouses dikas, oun kova leha rakras, oun har yob an o foro Damaskus i menshenge o Yezousestar penas, oun les kek daar his, te rakrell lo lestar.

1. Korintarja 14:3

Kova, kay penell i menshenge i lab, hoy vella o Deblestar, kova rakrell yaake ap i menshende, te vell lengro patsepen zoreles, oun te venn lengre djia barhteles oun zoreles.

1. Korintarja 9:6

Me poučau t'mendar: Hounte boudrap me oun o Barnabas maro rhapaske kokres?

Galatarja 2:1

Pal deesh-te-star bersha djom pale an o foro Yerusalem. O Devel sikras mande, te djap koy. O Barnabas djas mantsa. Oun o Tito his ninna pash mande. An o foro Yerusalem djom pash i pralstunende mank i patslende, oun penom lenge, har sikrau me o Debleskro drom kol menshende, kay kek bibolde hi. Me kamom te djinell, te hi kova lenge mishto, hoy me penau, te vell koy boudi, hoy me krau oun krom, gar čičeske.

Galatarja 2:13

Yaake har o Kefas douy čipyentsa rakras, kran ninna kol vavar patsle bibolde. Har o Barnabas len dikas, kras yob ninna yaake har yon, oun tserdas pes kol patslendar pale, kay kek bibolde hi, te vell lo an-diklo pash i biboldende.

Galatarja 2:9

Kol pralstoune mank i patslende his o Yakobo, oun o Kefas, oun o Yohanni. Har yon hayvan, kay o Devel mange lačo hi oun man koy boudi das, dan yon man oun o Barnabas o čačo vast, te dikenn halauter, kay ham mer phrala. Mer kram vin, te djas mer pash kolende, kay kek bibolde hi, oun yon te djan pash i biboldende.

Kolossarja 4:10

O Aristarko, kay mantsa an o stilepen hi, penell t'menge “Ačenn o Debleha!” Ninna o Marko oun ko Yosua, kay ninna Yusto kharella, penenn t'menge “Ačenn o Debleha!” O Marko hi o kakeskro čavo o Barnabestar. Te vell lo pash t'mende, lenn les kamles pre, har penom t'menge glan i tsiro! Kolla triin morsha hi bibolde, kay ap o Yezous Kristeste patsenna. I tsele biboldendar, kay kate hi, krenna kol triin kokres mantsa khetne o Debleskri boudi. Yon dan man zoor an miro dji.