Bičepangre 4:30 - O Debleskro Lab 2024 (Sinte-Manouche)

³⁰ Sike lende tiri zoor! Kre i nasselen sasto, oun kre boud baro oun zorelo koova an ko lab o Yezousestar, kay toutar vas oun tiro boudepaskro hi!”

O Debleskro Drom 2021 (Sinte)

³⁰ Sike lende tiri soor! Kre i nasselen sasto, un kre bud baro un sorelo koowa an ko lab o Jesusestar, kai tutar was un tiro budepaskro hi!”

Bičepangre 4:30 Iomraidhean Croise

2. Mose 6:6

Doleske pen ap i Israelitarya: Me hom o baro Devel! Me lau t'men vin dran t'mari phari boudi, hoy i Egiptarya ap t'mende čivan. Miri bari rholi vell ap lende, oun bari zoryah lau t'men vin.

Jeremia 15:15

Baro Devel, tou djineh halauter! Ma biste man, oun ab ap miri rig! De kolen lengro čilačepen pale, kay man palla lenna! Rike tiri rholi ap lende gar yaake rah pale, te vap gar maredo! Tou djineh, me hom touke koy. Doleske čingrenn le ap mande.

Johanni 4:48

O Yezous penas ap leste: “Te dikenn t'mer gar boud Debleskro koova, kay kek mensho nay krella, patsenn t'mer gar.”

Bičepangre 2:22

Morshale dran Israel, shounenn kal laba, hoy penau t'menge! O Devel bičras ko morshes, o Yezouses dran Nazaret, pash t'mende. Kova kras baro oun zorelo koova mank t'mende, hoy kek vavar nay krella. Yaake sikras o Devel, kay o Yezous lestar vas. T'mer djinenn kova, oun dikan kova lauter.

Bičepangre 2:43

Oun o Yezouseskre bičepangre kran boud baro oun zorelo koova, hoy kek vavar nay krella. Oun i traash vas pral i menshende.

Bičepangre 3:13

Na-a! O Devel o Abrahamestar, oun o Isaakestar oun o Yakobestar, ko Devel mare dadendar sikras t'mende kate, havi bari zoor oun raylepen yob peskro boudepaskres, o Yezouses, das. Koles dan t'mer an o Pilateskre vasta, oun dan les bourhoste, har o Pilato kamas les te djal moukell.

Bičepangre 3:16

Mer patsah ap leste. Doleske vas kava morsh sasto. T'mer prindjrenn les lauter oun djinenn, kay yob nashas nay gar. Yob patsas ap o Yezous Kristeste, oun kova kras les sasto.

Bičepangre 3:6

O Petro penas: “Rup oun sonakay hi man gar. Hoy man hi, dau me tout. An o lab o Yezous Kristestar dran Nazaret penau me touke: Ste pre oun dja trouyel!”

Bičepangre 4:10

Yaake hounte djinenn t'mer oun i tsele menshe an o them Israel: O Yezous Kristo dran Nazaret, koles t'mer ap o troushel dan, kras kava morshes sasto. Kava Yezouses moukas o Devel i moulendar pre te stell.

Bičepangre 4:27

Čačepah, yon van lauter an kava foro khetne: O Pilato, o Herodes, i Remarya, oun i tsele bibolde dran boud themma. Yon hi rhoyemen ap tiro boudepaskro Yezous, kay toutar vas. Koles rodal tou vin, maro Devel, te vell lo baro ray.

Bičepangre 5:12

Oun o Yezouseskre bičepangre kran boud baro oun zorelo koova an o Debleskri zoor ap i menshende. Oun i tsele patsle his an o Salomeskri bari isema an o Debleskro baro kheer khetne.

Bičepangre 6:8

O Stefano his i morsh pherdo Debleskro lačepen oun Debleskri zoor. Yob kras boud baro oun zorelo koova an o Debleskri zoor mank i biboldende.

5. Mose 4:34

Kek vavar devel djas oun las peske menshen vin dran i vavar them, har yob kras, har las lo t'men vin dran o them Egiptia. Yob sikras peskri bari zoor oun kras sau koova, hoy kek vavar nay krell, oun anas boud bibarht ap i Egiptaryen. Yob kouras pes t'menge. Peskro zorelo vasteha oun peskri pre-hadedi moussyah las lo t'men vin, oun kras i Egiptarenge bari daar. Kova lauter dikan t'mer.