Bičepangre 4:19 - O Debleskro Lab 2024 (Sinte-Manouche)

¹⁹ O Petro oun o Yohanni penan ap lende: “Penenn menge, hi kova mishto glan o Debleste, te shounas mer boudeder ap t'mende har ap o Debleste?

O Debleskro Drom 2021 (Sinte)

¹⁹ O Petro un o Johanni penan ap lende: “Penenn menge, hi kowa mishto glan o Debleste, te shunas mer budeder ap tumende har ap o Debleste?

Bičepangre 4:19 Iomraidhean Croise

1. Rajengro liil 12:30

Yaake peran i menshe o Debleskro dromestar tele, har djan le an i forya Betel oun Dan, te mangenn le kal sonakangre terne groumyen an.

1. Rajengro liil 13:19

Yaake anas ko phouro o Debleskro morshes pale, te rhal lo maro oun te piyell lo pani an peskro kheer.

1. Rajengro liil 14:16

Dran o čilačepen, hoy o Yerobeam kras, moukell o baro Devel i Israelitaryen. O Yerobeam djas o baro Debleskro dromestar tele, oun kras, te djan i Israelitarya ninna o baro Debleskro dromestar tele.”

1. Rajengro liil 21:11

Oun i phoureder oun pralstoune, kay leha an o foro djivenn, kran yaake, har i Isebel an lengre lila činas.

1. Rajengro liil 22:14

O Mika penas: “Pash o djido Debleste dau me man sovel: Me rakrau kokres kol laba, hoy o baro Devel mange penell!”

2. Rajengro liil 16:15

Oun o baro ray Ahas moukas o rashayeske Ouriya te penell: “Ap koy nevi bari rhačepaskri rhače kol firhen, hoy venn taysarlake rhačedo, oun ko rhapen, hoy vell rati rhačedo, ninna kol firhen oun rhapen, hoy anell o baro ray, oun kol tsele firhen oun ko rhapen oun koy mool, hoy anenn i menshe. Oun ko tselo rat i firhendar, kolendar, kay venn rhačedo oun kolendar, kay venn rhalo, ko rat vitse ap koy nevi rhačepaskri. Koy rhačepaskri dran lolo saster lau mange, te rodap an i firhengre bouke, hoy te krap.”

2. Rajengro liil 16:16

Oun o rashay Ouriya kras halauter, hoy leske o baro ray Ahas penas.

Debleskri gili 58:1

I gili o rayeske pral i gipangre, te givell har koy gili Ma mare men. O David činas kay gili.

2. Mose 1:17

Kol douy rhačede rhalya daran o Deblestar oun shounan gar ap o baro rayeste, hoy yob penas. Yon moukan ninna kol morsh čaven te djivell.

Jeremia 26:12

O Yeremia penas ap i pralstunende oun i vavar menshende: “O baro Devel bičras man, te penap kova lauter glan-vi, hoy shounan t'mer man te penell pral kava kheer oun pral kava foro.

Daniel 3:18

Oun ninna te kamell lo kova gar te krell, tou djiness: Mer sharah tiro debles gar, oun mangah gar koy sonakaskri figura an, hoy tou moukal pre te čivell.”

Daniel 6:10

Yaake moukas o baro ray kava lab pre te činell oun čivas peskro lab tele.

Hosea 5:11

O Efrayim las pes glan, te nashell lo i rhorhene deblenge palla. Doleske vell lo kanna tele rikedo. Oun leskro čačepen vell i pirentsa stakedo.

Amos 7:16

Kanna shoun tou o Debleskro lab! Tou kamal gar, te penap me i Israelenge kol laba, hoy o baro Devel pral lende penas. Tou kamal gar te rakrap pral o kheer Isaak.

Micha 6:16

Ko čilačo koova, hoy kol raya, o Omri oun o Ahab, t'menge glan kran, kova kran t'mer ninna. Oun hoy yon penan, kova kran t'mer ninna. Doleske krau me dran t'maro foro i moulo foro. Oun pral t'mende, kay kote djivenn, san i vavar menshe. Bari ladj vell pral t'mende.

Mateo 22:21

Penan le: “O shero oun o lab o baro rayestar an o foro Rom!” Penas lo ap lende: “Yaake denn leste, hoy leskro hi! Oun denn o Debleste, hoy leskro hi!”

Louka 22:8

Koy bičras o Yezous o Petres oun o Yohannes an o foro Yerusalem, oun penas: “Djan an ko foro oun krenn o rhapen menge!”

Johanni 7:24

T'mer te penenn, kay i mensho i doosh ap peste anas, palle djan pal o čačepen oun gar pal kova, hoy dikenn t'mare yakentsa!”

Bičepangre 4:13

Har yon dikan, har o Petro oun o Yohanni rakran, kay kek traash an lende his, kran le bare yaka. Oun yon hayvan, kay kolla kek bare rakepangre oun goseve morsha hi, oun djinan ninna, kay yon o Yezouseha khetne his.

Bičepangre 5:28

“Mer dam t'men zoreles trad, te rakrenn t'mer či bouder o Yezousestar. Oun kanna vell lestar rakedo an o tselo foro Yerusalem. Oun t'mer penenn, kay mer maram les. Kamenn t'mer, te vell leskro rat pral mende?”

Bičepangre 5:29

O Petro oun i vavar Yezouseskre bičepangre penan: “Mer hounte shounas ap o Debleste boudeder har ap i menshende.

1. Korintarja 10:15

Me rakrau t'mentsa har menshentsa, kay goseve hi. Poučenn t'maro dji, te hi kava lauter čačo, hoy me penau!

2. Korintarja 4:2

Djungelo koova, hoy krenn i menshe čorrhanes, kova krah mer gar. Mer rhorhah kek menshen oun penah o Debleskro lab yaake har činlo hi, oun gar vavarčandes. Yaake djivah glan o Debleste oun rakrah o čačepen, te hayvell nay hakeno, kova, hoy penah, hi čačo.

Efesarja 6:1

T'mer čave, shounenn ap t'maro dadeste oun ap t'mari date! Kova hi mishto glan o Debleste.

1. Timoteo 2:3

Kova kamell maro Devel, kay das men o nevo djipen.

Hebrearja 11:23

Ninna o Moseskro dad oun peskri day patsan ap o Debleste. Doleske trashan le gar o baro rayestar pral o them Egiptia, har kova penas, te venn i tikne čave maredo, hoy i Israelengre djouvya lan. Har o Moseskro dad oun peskri day dikan, har shoukar lengro čavo hi, khatran le les triin čon.

Jakobo 2:4

Kova vals yaake, har te penans: “Ko raylo hi feteder har ko čorvelo.” Te dikenn t'mer yaake ap t'mare phralende, hi kova čilačo.