Bičepangre 4:1 - O Debleskro Lab 2024 (Sinte-Manouche)

¹ Har o Petro oun o Yohanni kova i menshenge penan, van i rashaya pash lende, ninna ko pralstouno kol klistendar an o Debleskro baro kheer, oun i Sadducarya.

O Debleskro Drom 2021 (Sinte)

¹ Har o Petro un o Johanni kowa i menshenge penan, wan i rashaja pash lende, ninna ko pralstuno kol klistendar an o Debleskro baro kheer, un i Sadduzarja.

Bičepangre 4:1 Iomraidhean Croise

Mateo 16:12

Oun koy hayvan le, te rakras lo gar pral o shoutlo yarro, hoy lenn le, te pekenn le maro. Yob rakras pral kol laba, hoy i Farisarya oun i Sadducarya i menshenge penenna.

Mateo 22:16

Oun yon bičran pengre morshen pash leste. Lentsa djan ninna vavar morsha. Kolla his o Herodeskre mala. Oun yon penan ap leste: “Sikepaskro, mer djinah, tou peneh o čačepen, oun sikreh mishto i menshende o Debleskro drom. Tou rakreh kekeske pal o mouy, ninna te hi len boud penepaske.

Mateo 27:20

I bare rashaya oun i biboldengre phoureder rakran boud ap kol tsele menshende kote dren, te penenn yon, te vell o Barabas dran o stilepen vin, oun te vell o Yezous maredo.

Mateo 27:41

Oun ninna i bare rashaya, i biboldengre čačepangre oun phoureder san pral leste, oun penan:

Mateo 3:7

Ninna boud Farisarya oun Sadducarya van pash leste, te moukenn le pen lestar te taufrell. Har yob kolen dikas, penas lo ap lende: “T'mer čilače sapa! T'mer nay nashenn gar krik glan o Debleskri rholi, hoy vella pral i menshende.

Louka 20:1

His i dives, kay penas o Yezous i menshenge o Debleskro lab an o Debleskro baro kheer. Oun i bare rashaya oun i biboldengre čačepangre oun phoureder van pash leste,

Louka 22:4

O Youdas djas pash kol bare rashayende oun pash i pralstoune lourdende, oun rakras kolentsa, har yob nay phoukrell ap leste.

Johanni 15:20

Rikrenn an t'maro shero, hoy me t'menge penom: I boudepaskro hi gar bareder har leskro ray. Lan man yon palla, lenn yon t'men ninna palla. Te shounan yon ap kova, hoy me lenge penom, shounenn yon ninna, hoy t'mer lenge penenna.

Johanni 18:3

Oun o Youdas djas kote. Leha van kol lourde oun kliste, kolen i bare rashaya oun i Farisarya bičran. Len his rhare oun kashta oun hidjran momlia oun yag.

Bičepangre 4:6

Ninna o Hannas, ko baro rashay, oun o Kayafas, oun o Yohanno, oun o Alexandro, oun kol tsele vavar, kay his kol bare rashayengre menshendar, his koy pashel.

Bičepangre 5:17

Ko baro rashay oun kol Sadducarya, kay pash leste his, kolla zilveran ap o Yezouseskre bičepangre,

Bičepangre 5:24

Har ko pralstouno klisto pral o Debleskro baro kheer oun kol bare rashaya kova shounan, djinan yon gar, hoy te patsenn le, oun poučan pendar har kova doureder djala.

Bičepangre 5:26

Koy djas ko pralstouno klisto kol vavar klistentsa an o Debleskro baro kheer, oun lan i Yezouseskre bičepangre vin. Kova kran le kek zoryah. I kliste daran i menshendar, te marenn le len i barrentsa.

Bičepangre 6:12

Yon kran kol tsele menshen divyo, ninna kol biboldengre phoureden oun čačepangren. Oun yon van ap leste pre, tapran les, oun anan les glan i pralstoune biboldende.

Bičepangre 6:7

O Debleskro lab vas boud oun boudeder menshenge penlo, oun boud van patslo. An o foro Yerusalem van ninna boud rashaya patslo.